ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ

- ms viengthong - ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ
- Untitled design - ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ

ອົງການກວດສອບແຫ່ງລັດໄດ້ໃຫ້ຮູ້ໃນກອງປະຊຸມສະພາແຫ່ງຊາດທີ່ພວມ ດໍາເນີນຢູ່ປັດຈຸບັນນີ້ວ່າ: ພາຍຫລັງ, ໄດ້ດໍາເນີນການກວດກາ​ການ​ນຳ​ເຂົ້າພາຫະນະ ແລະ ກົນ​ຈັກ​ຂອງ 11 ບໍລິສັດຊຶ່ງພົບເຫັນມີການ​ນຳ​ເຂົ້າມາ​ຈໍາໜ່າຍຈຳນວນ 226 ຄັນທີ່ໄດ້ຮັບຍົກ​ເວັ້ນພາສີ-ອາກອນ​ບໍ່​ຖືກຕ້ອງລວມມີມູນ​ຄ່າຫລາຍກວ່າ 12 ຕື້ກີບ, ປັດຈຸບັນ​ໄດ້ມອບ​ໃຫ້​ກະຊວງ​ການ​ເງິນ​ເລັ່ງທວງ​​​ບໍລິສັດ​​ກ່ຽວຂ້ອງໃຫ້ມາ​ເສຍ​ພາສີ-ອາກອນ​ຄື​ນ​ໃຫ້​ລັດໂດຍໄວ. ຂະນະດຽວກັນພົບເຫັນການ​ນຳ​ເຂົ້ານ້ຳມັນ​ເຊື້ອ​ໄຟຍົກ​ເວັ້ນພາສີ-ອາກອນ​ຮັບ​ໃຊ້​ໂຄງການ​ກໍ່ສ້າງ​ເສັ້ນທາງ​ກາສີ-​ເມືອງ​ນານ​​ແຕ່​ບໍ່​ໄດ້​ນຳ​ໃຊ້​ເຂົ້າ​ໃນ​ໂຄງການຫລາຍກວ່າ 45 ລ້ານ​ລິດ, ໂດຍມີ 3 ພາກສ່ວນກ່ຽວຂ້ອງຄື: ຜູ້​ປະຕິບັດ​ໂຄງການ, ​ເຈົ້າຂອງ​ໂຄງການ ​ແລະ ຜູ້​ເປັນ​ຕົວ​ແທນ​ນຳ​ເຂົ້າຍັງ​ບໍ່​ມີ​ພາກສ່ວນໃດສະແດງຄວາມ​ຮັບຜິດຊອບ, ຊຶ່ງ​ຈະ​ໄດ້​ສືບ​ຕໍ່​ດຳ​ເນີນ​​ການ​ສືບສວນ-ສອບ​ສວນ​ຕໍ່​ເປົ້າໝາຍ​ກ່ຽວຂ້ອງ​ເພື່ອ​ຊອກ​ຫາ​ຜູ້​ຮັບຜິດຊອບມາ​ເສຍ​ພາສີ-ອາກອນ​ຄືນ​ໃຫ້​ລັດຈຳນວນ 9 ລ້ານ​ກວ່າ​ໂດ​ລາ​ສະຫະລັດ, ໂຄງການ​ກໍ່ສ້າງ​ທາງ​ຊອຍບ້ານ​ວຽງ​ສະຫວັນ​ເມືອງ​ສີ​ໂຄດ​ຕະບອງນະຄອນຫລວງວຽງຈັນທີ່​ໄລ່​ເອົາ​ເກີນ​ບໍລິ​ມາດ​ວຽກ​ຕົວ​ຈິງຫລາຍກວ່າ 885 ລ້ານ​ກີບ ​ແລະ ​ໂຄງການ​ກໍ່ສ້າງ​ເສັ້ນທາງ​ປູຢາງ 2 ຊັ້ນນາ​ຄູນ-ທ່າ​ງ່ອນທີ່​ໄລ່​ເກີນ​ບໍລິ​ມາດ​ຕົວ​ຈິງຈໍານວນ 3,5 ຕື້ກີບ ແລະ ​ເຈົ້າຂອງ​ໂຄງການ​ໄດ້​ຫັກ​ອອກ​ຈາກ​ມູນ​ຄ່າ​ລວມຂອງ​ໂຄງການ​ແລ້ວຈຳນວນ 4,38 ຕື້ກີບ.

ນອກຈາກນີ້, ຍັງມີ​ໂຄງການ​ກໍ່ສ້າງ​ຊົນລະປະທານ​ຫ້ວຍ​ທ່າ​ຮາວທີ່ມີມູນ​ຄ່າ​ຕາມ​ສັນຍາຫລາຍກວ່າ 325 ຕື້ກີບ ແລະ ຜ່ານ​ການ​ກວດກາ​ເຫັນ​ວ່າ​ມູນ​ຄ່າ​ການ​ກໍ່ສ້າງ​ໂຄງການ​ດັ່ງກ່າວ​ເມື່ອ​ທຽບ​ໃສ່​ລາຄາ​ຫົວໜ່ວຍ​ຂອງ​ກົມ​ຊົນລະປະທານວາງ​ອອກແມ່ນ​ຜິດ​ດ່ຽງຫລາຍກວ່າ 106 ຕື້ກີບ​​ເທົ່າ​ກັບ 32% ໂດຍໄດ້ສະ​ເໜີ​ໃຫ້​ເຈົ້າຂອງ​ໂຄງການ​ຕໍ່​ລອງ​ລາຄາ​ຫົວໜ່ວຍ​ກັບ​ບໍລິສັດ​ຜູ້​ຮັບ​ເໝົາ​ກໍ່ສ້າງ​ໃຫ້​ສົມ​ເຫດ​ສົມ​ຜົນ ​ແລະ ​ເຊັນ​ສັນຍາ​ຄືນ​ໃໝ່ ແລະ ເພື່ອແກ້ໄຂບັນຫາດັ່ງກ່າວໃຫ້ ມີປະສິດທິຜົນ, ອົງການກວດສອບແຫ່ງລັດໄດ້ສະ​ເໜີ​ໃຫ້​ກະຊວງ​ການ​ເງິນ​ປັບປຸງ​ຄືນ​ຄຳ​ແນະນຳ​ເລກທີ 3578/ກງ, ລົງ​ວັນ​ທີ 19 ທັນວາ 2012 ວ່າ​ດ້ວຍ​ການຈັດຕັ້ງປະຕິບັດ​ນະ​ໂຍບາຍ​ດ້ານ​ພາສີ-ອາກອນ ​ເພື່ອ​ໃຫ້​ສອດຄ່ອງ​ກັບ​ເນື້ອ​ໃນ​ຂອງ​ດຳລັດ​ເລກທີ 119/ນຍ, ລົງ​ວັນ​ທີ 20 ​ເມສາ 2011 ວ່າ​ດ້ວຍ​ການຈັດຕັ້ງປະຕິບັດ​ກົດໝາຍ​ວ່າ​ດ້ວຍ​ການ​ສົ່ງ​ເສີມ​ການ​ລົງທຶນ.

- Wave100S AD to Website 2020 0 - ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ
- WhatsApp Image 2020 05 27 at 5 - ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ
- WhatsApp Image 2020 05 27 at 5 - ກວດສອບພົບການ​ນຳ​ເຂົ້າພາຫະນະ ​ແລະ ນ້ຳມັນ​ເຊື້ອ​ໄຟ​ຍົກ​ເວັ້ນພາສີອາກອນຈໍານວນຫລາຍ
error: Alert: ເນື້ອຫາຂ່າວມີລິຂະສິດ !!