ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ

- 22790114 891441324348011 1630559290 o - ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ
- Untitled design - ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ

ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການ ສັງຄົມ, ໄດ້ຂຶ້ນຊີ້ແຈງກ່ຽວກັບການປົກປ້ອງສິດ ແລະ ຜົນປະໂຫຍດອັນຊອບທໍາຂອງ ແຮງງານລາວຢູ່ພາຍໃນ, ຕ່າງປະເທດ ແລະ ແຮງງານຕ່າງປະເທດຢູ່ລາວຕໍ່ກອງປະຊຸມ ສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ທີ່ພວມດໍາເນີນຢູ່ປັດຈຸບັນນີ້ວ່າ: ໃນໄລຍະຜ່ານມາ, ຂະແໜງແຮງງານ ແລະ ສະຫວັດດີການສັງຄົມ ນັບແຕ່ສູນກາງ ແລະ ທ້ອງຖິ່ນ, ໄດ້ເອົາໃຈໃສ່ຄຸ້ມຄອງແຮງງານພາຍໃນ, ທັງໃນລະບົບ ແລະ ນອກລະບົບຕາມ ກົດໝາຍວ່າດ້ວຍແຮງງານ, ໂດຍການໂຄສະນາເຜີຍແຜ່ກົດໝາຍ ແລະ ລະບຽບການດ້ານ ແຮງງານ, ໃຫ້ຄໍາປຶກສາ, ແກ້ໄຂຂໍ້ຂັດແຍ່ງດ້ານແຮງງານ, ຊຸກຍູ້ສົ່ງເສີມໃຫ້ຜູ້ໃຊ້ແຮງງານ ແລະ ຜູ້ອອກແຮງງານຮັບຮູ້ກົດໝາຍ ແລະ ລະບຽບການຕ່າງໆເຊັ່ນ: ຄຸ້ມຄອງທາງດ້ານ ຄ່າແຮງງານ, ເງິນເດືອນ, ສ້າງສັນຍາແຮງງານ, ສ້າງກົດລະບຽບພາຍໃນກ່ຽວກັບການ ຄຸ້ມຄອງ ແລະ ນໍາໃຊ້ແຮງງານຂອງຫົວໜ່ວຍແຮງງານ, ການກໍານົດສະພາບແວດລ້ອມ ທີ່ດີໃນການເຮັດວຽກ, ການນໍາໃຊ້ແຮງງານຕາມກົດໝາຍວ່າດ້ວຍແຮງງານ, ກໍານົດໜ້າ ວຽກເບົາ ແລະ ໜ້າວຽກທີ່ເປັນອັນຕະລາຍສໍາລັບຜູ້ອອກແຮງານໄວໜຸ່ມ, ການເຂົ້າເປັນ ສະມາຊິກປະກັນສັງຄົມ ແລະ ສະຫວັດດີການອື່ນໆທາງດ້ານແຮງງານ, ຂະນະດຽວກັນ ໃນໄລຍະ 9 ເດືອນຜ່ານມານີ້, ສາມາດລົງຕິດຕາມກວດກາຫົວໜ່ວຍແຮງງານໃນຂອບ ເຂດທົ່ວປະເທດໄດ້ທັງໝົດ 2.778 ແຫ່ງ, ລວມມີແຮງງານລາວ ແລະ ຕ່າງປະເທດ 47.162 ຄົນ, ຍິງ 16.831 ຄົນ, ເງິນເດືອນຕົວຈິງຂອງຜູ້ອອກແຮງງານຂະແໜງກະສິກໍາ ຜູ້ລະ 1.100.000 ກີບ/ເດືອນ ຂະແໜງອຸດສາຫະກໍາ 1.200.0000 ກີບ ແລະ ຂະແໜງ ບໍລິການ 2.500.000 ກີບ.

ທ່ານລັດຖະມົນຕີກະຊວງແຮງງານ ໃຫ້ຮູ້ວ່າ: ການຄຸ້ມຄອງແຮງງານລາວທີ່ໄປ ອອກແຮງງານຕ່າງປະເທດ ແມ່ນໄດ້ພະຍາຍາມ ຮ່ວມກັບປະເທດໃກ້ຄຽງໃນການສ້າງ ບົດບັນທຶກຄວາມເຂົ້າໃຈສອງຝ່າຍ ແລະ ໄດ້ມີບົດບັນທຶກການຈັດສົ່ງແຮງງານໄປ ສ.ເກົາຫລີ, ບົດບັນທຶກວ່າດ້ວຍການຮ່ວມມືດ້ານແຮງງານລາວ-ຍີ່ປຸ່ນ, ບົດບັນທຶກ ວ່າດ້ວຍການຮ່ວມມືດ້ານແຮງງານລາວ-ໄທ, ຂໍ້ຕົກລົງວ່າດ້ວຍການຈ້າງງານລາວ-ໄທ. ຜ່ານການຈັດຕັ້ງປະຕິບັດໃນ 9 ເດືອນຜ່ານມາ, ສາມາດສົ່ງແຮງງານໄປອອກແຮງງານ ຖືກຕ້ອງຕາມກົດໝາຍ ຢູ່ປະເທດໄທ 17.372 ຄົນ, ຍິງ 8.321 ຄົນ, ຍີ່ປຸ່ນ 350 ຄົນ ແລະ ໄປ ສ.ເກົາຫລີ ແມ່ນພວມຢູ່ໃນຂັ້ນຕອນການຄັດເລືອກບົນພື້ນຖານຂໍ້ຕົກລົງຂອງ ສອງຝ່າຍ ແລະ ມາດຕະຖານດ້ານແຮງງານຂອງ ສ.ເກົາຫລີ, ຂະນະດຽວກັນ ແຮງ ງານ ທີ່ໄປເຮັດວຽກບໍ່ຖືກຕ້ອງມີປະມານ 158 ພັນຄົນ, ໃນນີ້ ແຮງງານທີ່ກະຊວງແຮງ ງານໄທ ສາມາດຢັ້ງຢືນໃຫ້ປັບສະຖານະພາບໃຫ້ອອກແຮງງານຖືກຕ້ອງຕາມກົດໝາຍ (ບັດສີບົວ) ມີ 71 ພັນກວ່າຄົນ ແລະ ຜ່ານການຈັດຕັ້ງປະຕິບັດຂອງເຈົ້າໜ້າທີ່ລາວເຮົາ ແຕ່ຕົ້ນເດືອນ ສິງຫາ-ຕົ້ນເດືອນຕຸລານີ້, ສາມາດອອກເອກະສານຢັ້ງຢືນສະຖານະບຸກຄົນ ໄດ້ 6.460 ຄົນ, ໃນນີ້ ຜູ້ອອກແຮງງານ 6.076 ຄົນ, ຍິງ 3.115 ຄົນ ແລະ ຜູ້ຕິດ ຕາມ 384 ຄົນ, ຍິງ 179 ຄົນ.

- Wave100S AD to Website 2020 0 - ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ

ສໍາລັບການແກ້ໄຂບັນຫາຄົນຕ່າງປະເທດ ທີ່ເຂົ້າມາເຄື່ອນໄຫວແບບບໍ່ຖືກຕ້ອງ ຕາມກົດໝາຍ ແລະ ລະບຽບການດ້ານແຮງງານຂອງລາວນັ້ນ ແມ່ນໄດ້ປະສານສົມທົບ ກັບຂະແໜງປ້ອງກັນຄວາມສະຫງົບຈັດຕັ້ງປະຕິບັດຄໍາສັ່ງ ວ່າດ້ວຍການອໍານວຍຄວາມ ສະດວກ ແລະ ໃຫ້ການຮ່ວມມືໃນການຂຶ້ນທະບຽນ ແລະ ອອກບັດອະນຸຍາດຊົ່ວຄາວ ໃຫ້ຄົນຕ່າງປະເທດ, ຊຶ່ງຜ່ານການຈັດຕັ້ງປະຕິບັດໄລຍທີ 1 (ຮອດວັນທີ 12 ທັນວາ 2016), ສາມາດຂຶ້ນທະບຽນຊົ່ວຄາວ ຄົນຕ່າງປະເທດ ໄດ້ທັງໝົດ 24.172 ຄົນ, ຍິງ 6.9996 ຄົນ, ໃນນັ້ນ ຫວຽດນາມ 19.707 ຄົນ, ຍິງ 5.817 ຄົນ, ຈີນ 3.650 ຄົນ, ຍິງ 1.173 ຄົນ, ໄທ 690 ຄົນ, ຍິງ 131 ຄົນ ແລະ ອື່ນໆ 125 ຄົນ, ຍິງ 13 ຄົນ. ແຮງງານເຫລົ່ານັ້ນ ເປັນຜູ້ຕົກຢູ່ໃນເງື່ອນໄຂຕ້ອງຊໍາລະສະສາງ 16.827 ຄົນ, ຕ້ອງໄດ້ ປັບສະຖານະພາບ 7.345 ຄົນ. ປັດຈຸບັນ ກໍາລັງຈັດຕັ້ງປະຕິບັດ ໄລຍະທີ 2, ໂດຍ ສ້າງຄວາມເຂົ້າໃຈກ່ຽວກັບການຂຶ້ນທະບຽນ ແລະ ອອກບັດອະນຸຍາດເຄື່ອນໄຫວ ຊົ່ວ ຄາວຂອງຄົນຕ່າງປະເທດຢູ່ໃນສປປ ລາວ ໃນຂອບເຂດທົ່ວປະເທດ ແລະ ຈະໄດ້ສະ ຫລຸບການຈັດຕັ້ງປະຕິບັດວຽກງານຕາມຄໍາສັ່ງດັ່ງກ່າວໃນທ້າຍປີນີ້ ແລະ ມອບໃຫ້ແຕ່ລະ ພາກສ່ວນຄຸ້ມຄອງຕາມຂະແໜງການ.

- WhatsApp Image 2020 05 27 at 5 - ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ
- WhatsApp Image 2020 05 27 at 5 - ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ
error: Alert: ເນື້ອຫາຂ່າວມີລິຂະສິດ !!