ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ

ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ - 2909503501dc643 - ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ
ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ - kitchen vibe - ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ

      ກຸ່ມປະເທດນອກອົງການກຸ່ມປະເທດຜູ້ສົ່ງນໍ້າມັນອອກ (ໂອເປັກ) ຈໍານວນ 10 ປະເທດ ກັບສະມາຊິກໂອເປັກດັ້ງເດີມ 12 ປະເທດ ເຊິ່ງເອີ້ນລວມກັນວ່າ: ໂອເປັກພລັສ ມີມະຕິເຫັນພ້ອມ ຂະຫຍາຍໄລຍະເວລາຫລຸດການຜະລິດ ເພື່ອຮັກສາລາຄານໍ້າມັນ ເນື່ອງຈາກຕະຫລາດມີທ່າອ່ຽງເກີດຄວາມບໍ່ແນ່ນອນທາງເສດຖະກິດ ແລະ ການເມືອງ.

      ວັນທີ 3 ມິຖຸນາ, ສໍານັກຂ່າວຕ່າງປະເທດລາຍງານວ່າ: ໂອເປັກພລັສ ລະບຸໃນຖະແຫລງການກ່ຽວກັບການຕັດສິນໃຈຂະຫຍາຍລະດັບການຜະລິດນໍ້າມັນດິບ ເຊິ່ງຈະເລີ່ມຕົ້ນວັນທີ 1 ມັງກອນ 2025 ຈົນຮອດວັນທີ 31 ທັນວາ 2025.

     ນອກຈາກນີ້, 8 ປະເທດໃນກຸ່ມ ໄດ້ແກ່ ຊາອຸດິອາຣະບີ, ຣັດເຊຍ, ອີຣັກ, ສະຫະລັດອາຣັບເອມິເຣດ (UAE), ກູເວດ, ກາຊັກສະຖານ, ແອລຈີເຣຍ ແລະ ໂອມານ ລະບຸອີກວ່າ: ພວກເຂົາຈະຂະຫຍາຍໄລຍະເວລາ “ຫລຸດການຜະລິດໂດຍສະໝັກໃຈ” ຕາມຄໍາຂໍຂອງລັດຖະບານຣິຢາດ ເພື່ອສະໜັບສະໜູນການສ້າງສະຖຽນລະພາບຕະຫລາດເພີ່ມຕື່ມ ໂດຍການຫລຸດບາງສ່ວນຈະດໍາເນີນຈົນຮອດເດືອນກັນຍານີ້ ກ່ອນຈະຄ່ອຍໆຍົກເລີກມາດຕະການດັ່ງກ່າວ. ຂະນະທີ່ການຫລຸດສ່ວນອື່ນຈະຍັງມີຜົນຈົນຮອດເດືອນທັນວາ 2025.

      ການຫລຸດການຜະລິດນໍ້າມັນທົ່ວກຸ່ມມີປະລິມານປະມານ 2 ລ້ານບາເຣລຕໍ່ວັນ ເຊິ່ງນອກຈາກການຫລຸດການຜະລິດໂດຍສະໝັກໃຈ. ປັດຈຸບັນສະມາຊິກໂອເປັກພລັສ ກໍາລັງຫລຸດການຜະລິດນໍ້າມັນໂດຍລວມເກືອບ 6 ລ້ານບາເຣລຕໍ່ວັນ ເພື່ອກະຕຸ້ນລາຄານໍ້າມັນທີ່ຕົກຕໍ່າ.

ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ - 3 - ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ
ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ - 4 - ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ
ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ - 5 - ໂອເປັກພລັສ ຕົກລົງຂະຫຍາຍເວລາຫລຸດການຜະລິດ ເພື່ອຮັກສາລາຄານໍ້າມັນ