ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3

- 0d6a84db 6632 47e9 9c3d c657a4f0db2e - ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3
- kitchen vibe - ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3

      ທ່ານ ນາເຣນທຣາ ໂມດີ ປະກາດໄຊຊະນະ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3. ເຖິງຢ່າງໃດກໍຕາມ, ຜົນການເລືອກຕັ້ງຄັ້ງນີ້ຖືວ່າພິກປີ້ນ ແລະ ຜິດຄາດ ເມື່ອພັກພາລະຕິຍະຊົນຕະ (BJP) ຂອງທ່ານບໍ່ໄດ້ຄອງສຽງສ່ວນຫລາຍແບບເດັດຂາດ ແລະ ຈໍາເປັນຕ້ອງຈັບມືກັບພັກແນວຮ່ວມປະຊາທິປະໄຕແຫ່ງຊາດເພື່ອຈັດຕັ້ງລັດຖະບານ. ຂະນະທີ່ຜົນບາງສໍານັກກ່ອນໜ້ານີ້ຊີ້ວ່າ: ພັກແນວຮ່ວມລັດຖະບານຈະໄດ້ບ່ອນນັ່ງ ສສ ລວມກັນເກີນ 350 ບ່ອນນັ່ງຈາກທັງໝົດ 543 ບ່ອນນັ່ງ.

      ເສັ້ນທາງການເມືອງຂອງທ່ານ ໂມດີ ເລີ່ມຕົ້ນຈາກການເຮັດວຽກໃຫ້ພັກ BJP ເຊິ່ງເປັນພັກຊາດນິຍົມອິນດູ ນັບແຕ່ປີ 1985 ແລະ ກາຍເປັນເລຂາທິການທົ່ວໄປຂອງພັກໃນປີ 2001 ກ່ອນຈະໄດ້ຮັບການແຕ່ງຕັ້ງເປັນເຈົ້າຄອງລັດຄຸດຊະລາດໃນປີດຽວກັນ ແລະ ໄດ້ຮັບເລືອກຕັ້ງເຂົ້າສູ່ສະພາຫລັງຈາກນັ້ນ.

- Visit Laos Visit SALANA BOUTIQUE HOTEL - ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3

      ໃນການເລືອກຕັ້ງທົ່ວໄປໃນປີ 2014 ທ່ານນໍາພາພັກ BJP ໄດ້ຮັບໄຊຊະນະ ແລະ ໄດ້ບ່ອນນັ່ງ ສສ ສຽງສ່ວນຫລາຍໃນສະພາ ໂດຍຖືເປັນຄັ້ງທໍາອິດຂອງພັກນັບແຕ່ປີ 1984. ຂະນະທີ່ທ່ານ ໂມດີ ໄດ້ກ້າວຂຶ້ນເປັນນາຍົກລັດຖະມົນຕີຄົນທີ 14 ຂອງປະເທດ.

      ອິນເດຍພາຍໃຕ້ການນໍາຂອງທ່ານ ໂມດີ ໃນທົດສະວັດຜ່ານມາ (ປີ 2014-2024) ກາຍເປັນປະເທດທີ່ມີການເຕີບໃຫຍ່ທາງເສດຖະກິດຢ່າງວ່ອງໄວ.

     ໂດຍຜົນສໍາເລັດທີ່ຊັດເຈນໃນຍຸກລັດຖະບານທ່ານ ໂມດີ ຄືການເພີ່ມການລົງທຶນໂດຍກົງຈາກຕ່າງປະເທດ, ການພັດທະນາສະຫວັດດີການ ແລະ ການປະຕິຮູບສັງຄົມທີ່ສົ່ງຜົນຕໍ່ຄຸນນະພາບຊີວິດທີ່ດີຂຶ້ນຂອງປະຊາຊົນ.

ອ້າງອີງ:

- 4 - ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3
- 5 - ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3
- 3 - ທ່ານ ໂມດີ ປະກາດໄຊຊະນະເລືອກຕັ້ງ ກຽມດໍາລົງຕໍາແໜ່ງນາຍົກລັດຖະມົນຕີອິນເດຍສະໄໝທີ 3