ເຄັດລັບກະຕຸ້ນຂົນຕາໃຫ້ງອນຍາວເປັນທຳມະຊາດ

- 012410 2017 - ເຄັດລັບກະຕຸ້ນຂົນຕາໃຫ້ງອນຍາວເປັນທຳມະຊາດ
- AGL banner - ເຄັດລັບກະຕຸ້ນຂົນຕາໃຫ້ງອນຍາວເປັນທຳມະຊາດ

ທຸກເທື່ອທີແມ່ຍິງເຮົາແຕ່ງໜ້າກໍຍ່ອມປາຖະໜາທີ່ຈະຕົກແຕ່ງໃຫ້ທຸກພາກສ່ວນເທິງໃບໜ້າອອກມາງາມ ແລະ ສຳລັບຂົນຕາກໍຄືອີກໜຶ່ງສະເໜ່ຄວາມງາມຂອງແມ່ຍິງທີ່ເຮົາຢາກເນລະມິດໃຫ້ຂົນຕາງອນງາມ ແລະ ຍາວຢ່າງເປັນທຳມະຊາດ.

  1. ປັດດ້ວຍມາສຄາຣາທີ່ຊ່ວຍປັບຂົນຕາໃຫ້ຍາວຂຶ້ນ : ມາສຄາຣາແມ່ນໂຕຊ່ວຍອັນດີເລີດທີ່ຈະຊ່ວຍປັບດວງຕາໃຫ້ງາມເປັນຕາເບິ່ງຫລາຍຂຶ້ນ ໂດຍສະເພາະແມ່ຍິງທ່ານໃດທີ່ປາຖະໜາຢາກໃຫ້ຂົນຕາງອນງາມ ແລະ ຍາວໝົດມື້ ພຽງແຕ່ເລືອກໃຊ້ມາສຄາຣ່າສູດທີ່ຊ່ວຍປັບຂະໜາດຂົນຕາໃຫ້ຍາວຂຶ້ນ ພຽງເທົ່ານີ້ກໍຈະຊ່ວຍໃຫ້ຂົນຕາຍາວພາຍໃນພິບຕາໄດ້ແລ້ວ.
  2. ກິນໂປຣຕິນເສີມຢ່າງພຽງພໍ : ແມ່ນຢູ່ວ່າອາຫານດີໆຈະຊ່ວຍໃຫ້ການປົ່ງຂອງຂົນຕາຍາວຂຶ້ນໄດ້ ໂດຍສະເພາະຜັກ ແລະ ໝາກໄມ້, ແຕ່ການກິນໂປຣຕິນຢ່າງພຽງພໍ ເຊັ່ນ : ໄຂ່, ຊີ້ນສັດ, ປາ ແລະ ນົມ ເປັນຕົ້ນ ກໍຈະຊ່ວຍເລັ່ງໃຫ້ຂົນຕາຍາວຫລາຍຂຶ້ນໄດ້.
  3. ກິນໄບໂອຕິນ : ໄອໂອຕິນກໍຄືອາຫານເສີມວິຕາມິນເບທີ່ແມ່ຍິງມັກນິຍົມກິນເພື່ອບຳລຸງເສັ້ນຜົມໃຫ້ຍາວໄວ ພ້ອມກັນນີ້ ມັນຍັງມີສ່ວນຊ່ວຍໃຫ້ຂົນຕາຍາວໄວຂຶ້ນນຳອີກ.
  4. ປັດຂົນຕາກ່ອນປັດມາສຄາຣາໃສ່ : ກ່ອນທີ່ທ່ານຈະປັດມາສຄາຣາທຸກເທື່ອ ໃຫ້ປັດ ຫລື ຫວີຂົນຕາໂດຍຫວີອັນນ້ອຍໆກ່ອນຄ່ອຍໆ ວິທີນີ້ຈະຊ່ວຍກະຕຸ້ນໃຫ້ຂົນຕາຍິ່ງຍາວຂຶ້ນໄວ ແລະ ງອນງາມຍິ່ງຂຶ້ນ.
  5. ທາຂົນຕາໂດຍວາສະລີນ : ກ່ອນນອນທຸກຄືນໃຫ້ທ່ານໃຊ້ວາສະລີນທາລົງເທິງຂົນຕາ ພ້ອມກັບນວດບຳລຸງບໍລິເວນກົກຂົນຕາ ແລະ ເປືອກຕາຄ່ອຍໆ ເຮັດເປັນປະຈຳທຸກຄືນກ່ອນນອນ ແລ້ວຈະພົບວ່າຂົນຕາຄ່ອຍໆຍາວ ແລະ ໜາຂຶ້ນ ທັງຍັງງອນງາມຢ່າງເປັນທຳມະຊາດນຳອີກ.
  6. ລູບໂດຍນຳ້ມັນໝາກກອກກ່ອນນອນ : ວິທີນີ້ເຮັດລັກສະນະດຽວກັບການທາດ້ວຍວາສະລີນ ພຽງແຕ່ໃຊ້ນຳ້ມັນໝາກກອກທີມີສ່ວນປະສົມຈາກວິຕາມິນເອີເຂັ້ມຂຸ້ນທາກົກຂົນຕາແລ້ວນວດເພື່ອໃຫ້ຄຣີມຊຶມເຂົ້າໄປບຳລຸງຢ່າງລຳ້ເລິກຍິ່ງຂຶ້ນ ເຮັດແບບນີ້ເລື້ອຍໆກໍຈະຊ່ວຍເລັ່ງຂົນຕາໃຫ້ຍາວໄວໄດ້ຄືກັນ.
- lattana banner - ເຄັດລັບກະຕຸ້ນຂົນຕາໃຫ້ງອນຍາວເປັນທຳມະຊາດ
- lattana banner 1 - ເຄັດລັບກະຕຸ້ນຂົນຕາໃຫ້ງອນຍາວເປັນທຳມະຊາດ
-    AD conten website - ເຄັດລັບກະຕຸ້ນຂົນຕາໃຫ້ງອນຍາວເປັນທຳມະຊາດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!