WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ

- 111 - WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ
- kitchen vibe - WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ

       ອົງການອະນາໄມໂລກ (WHO) ເປີດເຜີຍວ່າ: ຜູ້ຕິດເຊື້ອໄຂ້ຫວັດສັດປີກ H5N2 ເພດຊາຍຢູ່ແມັກຊິກໂກ ເມືອງຫລວງຂອງແມັກຊິກໂກ ເສຍຊີວິດແລ້ວ ພາຍຫລັງມີພະຍາດປະຈໍາຕົວ ແລະ ກວດພົບອາການແຊກຊ້ອນ ໃນທ້າຍເດືອນເມສາຜ່ານມາ. ພ້ອມເນັ້ນວ່າ: ຄວາມສ່ຽງໃນການແຜ່ລະບາດໃນມະນຸດຍັງຢູ່ລະດັບຕໍ່າ.

      WHO ຍັງເປີດເຜີຍອີກວ່າ: ຜູ້ຕິດເຊື້ອເພດຊາຍອາຍຸ 59 ປີຄົນນີ້ທີ່ມີພະຍາດປະຈໍາຕົວ ໄດ້ແກ່: ໝາກໄຂ່ຫລັງຊໍ້າເຮືອ, ເບົາຫວານ ແລະ ຄວາມດັນເລືອດສູງ ໄດ້ເຂົ້າຮັບການປິ່ນປົວຢູ່ໂຮງໝໍໃນວັນທີ 24 ເມສາຜ່ານມາ ແລະ ເສຍຊີວິດໃນວັນດຽວກັນ ຫລັງກວດພົບການຕິດເຊື້ອ ເປັນໄຂ້, ຫາຍໃຈລໍາບາກ, ຖອກທ້ອງ ແລະ ມີອາການຮາກ ຖືເປັນການຕິດເຊື້ອໄວຣັສໄຂ້ຫວັດສັດປີກ ຊະນິດ A (H5N2) ໃນມະນຸດຄົນທໍາອິດທີ່ໄດ້ຮັບການຢືນຢັນຈາກຫ້ອງປະຕິບັດການທົ່ວໂລກ.

- Visit Laos Visit SALANA BOUTIQUE HOTEL - WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ

      ທ່ານ ແອນດຣູ ເປຄອສ ຜູ້ຊ່ຽວຊານດ້ານໄຂ້ຫວັດໃຫຍ່ຈາກມະຫາວິທະຍາໄລຈອນຮອບກິນ ໃນອາເມລິກາ ລະບຸວ່າ: ພະຍາດປະຈໍາຕົວເຮັດໃຫ້ຜູ້ຕິດເຊື້ອມີຄວາມສ່ຽງຈະມີອາການຕິດເຊື້ອຮຸນແຮງຂຶ້ນ, ແຕ່ຄໍາຖາມທີ່ສໍາຄັນຄື: ຜູ້ຕິດເຊື້ອຄົນນີ້ຕິດເຊື້ອໄຂ້ຫວັດສັດປີກ H5N2 ໄດ້ແນວໃດ.

      ເບື້ອງຕົ້ນ WHO ລະບຸວ່າ: ຍັງບໍ່ຮູ້ແຫລ່ງທີ່ມາຂອງການສໍາຜັດກັບເຊື້ອໄວຣັສ ເຖິງວ່າຈະມີລາຍງານກວດພົບການຕິດເຊື້ອ A (H5N2) ໃນສັດປີກຂອງປະເທດແມັກຊິໂກ ໂດຍສະເພາະຟາມໄກ່ແຫ່ງໜຶ່ງໃນລັດມິໂຊອາກັນທີ່ຢູ່ຕິດກັບລັດເມຮິໂກ ເຊິ່ງເປັນລັດທີ່ຜູ້ຕິດເຊື້ອຄົນນີ້ອາໄສຢູ່, ແຕ່ປັດຈຸບັນ ເຈົ້າໜ້າທີ່ສາທາລະນະສຸກຍັງບໍ່ສາມາດສະຫລຸບການເຊື່ອມໂຍງທີ່ແນ່ນອນໄດ້.

      ກະຊວງສາທາລະນະສຸກແມັກຊິໂກ ຢືນຢັນວ່າ: ປັດຈຸບັນບໍ່ມີຄວາມສ່ຽງຕໍ່ການຕິດເຊື້ອໃນປະຊາຊົນ ໂດຍຜົນການທົດລອງທັງໝົດຂອງບັນດາຜູ້ທີ່ໃກ້ຊິດກັບຜູ້ເສຍຊີວິດເປັນລົບ ກວດບໍ່ພົບການຕິດເຊື້ອດັ່ງກ່າວ.

      ຂໍ້ມູນຈາກສູນຄວບຄຸມ ແລະ ປ້ອງກັນພະຍາດອາເມລິກາ (CDC) ລະບຸວ່າ: ມີການກວດພົບການຕິດເຊື້ອໄຂ້ຫວັດສັດປີກສາຍພັນໃກ້ຄຽງ A (H5N1) ຢູ່ຟາມງົວນົມໃນອາເມລິກາ ໂດຍການຕິດເຊື້ອຊະນິດນີ້ໃນມະນຸດຍັງພົບໄດ້ໜ້ອຍ. ນອກຈາກນີ້ ຍັງພົບລາຍງານການເສຍຊີວິດຂອງຜູ້ຕິດເຊື້ອ 18 ຄົນຢູ່ຈີນ ລະຫວ່າງທີ່ມີການລະບາດຂອງໄຂ້ຫວັດສັດປີກຊະນິດ A (H5N6) ໃນປີ 2021.

     ທ່ານ ເປຄອສ ຍັງກ່າວອີກວ່າ: ນັບແຕ່ປີ 1997 ເປັນຕົ້ນມາ ເຊື້ອໄວຣັສໃນຕະກູນ H5 ມີທ່າອ່ຽງຈະແຜ່ລະບາດໃນສັດລ້ຽງລູກດ້ວຍນົມຫລາຍກວ່າໄວຣັສໄຂ້ຫວັດສັດປີກຊະນິດອື່ນໆ. ດັ່ງນັ້ນ ການເຝົ້າລະວັງ ແລະ ຕິດຕາມສະຖານະການຂອງເຊື້ອໄວຣັສຈຶ່ງເປັນສິ່ງຈໍາເປັນ ເພາະທຸກຄັ້ງທີ່ເກີດການແຜ່ກະຈາຍຂອງເຊື້ອໄວຣັສ ນັ້ນຄືໂອກາດທີ່ຈະເຮັດໃຫ້ໄວຣັສກາຍພັນຈົນອາດແຜ່ເຊື້ອໃນມະນຸດໄດ້ດີຍິ່ງຂຶ້ນ.

ອ້າງອີງ:

- 4 - WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ
- 3 - WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ
- 5 - WHO ເຜີຍ ຜູ້ຕິດເຊື້ອໄຂ້ຫວັດສັດປີກ H5N2 ໃນແມັກຊິກເສຍຊີວິດແລ້ວ ພ້ອມເນັ້ນຄວາມສ່ຽງໃນການແຜ່ລະບາດຍັງຢູ່ລະດັບຕໍ່າ