ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ

ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ - 44777 - ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ
ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ - kitchen vibe - ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ

ວັນທີ 7 ມິຖຸນາ 2024, ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ຈັດພິທີສະເຫລີມສະຫລອງ ຫັດຖະກໍາພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ ທີ່ຫໍວັດທະນະທໍາແຫ່ງຊາດ, ເຂົ້າຮ່ວມຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ, ພ້ອມດ້ວຍພັນລະຍາ.

ໂອກາດນີ້, ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງ ຖວທ ກ່າວວ່າ: ພິທີເຕົ້າໂຮມກັນໃນມື້ນີ້ກໍເພື່ອພ້ອມກັນຊື່ນຊົມຍິນດີ ແລະ ສະເຫລີມສະຫລອງເຫດການປະຫວັດສາດດ້ານມໍລະດົກວັດທະນະທໍາລາວເຮົາ ຄືການທີ່ ຫັດຖະກໍາພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ໄດ້ຮັບຮອງບັນທຶກໂດຍ ອົງການອຸຍແນັສໂກ ເຂົ້າເປັນມໍລະດົກວັດທະນະທໍາທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດ ໂດຍສະເພາະແມ່ນຂອງປວງຊົນລາວທຸກທົ່ວໜ້າ. ດັ່ງທີ່ຮູ້ນໍາກັນແລ້ວວ່າ: ແມ່ຍິງລາວ ມີວັດທະນະທໍາການນຸ່ງຖື ທີ່ເປັນເອກະລັກສະເພາະ ຂອງຊາດລາວມາແຕ່ສະໄໝບູຮານນະການ ກໍຄື ການນຸ່ງສິ້ນ, ບຽງແພ ທີ່ມີຫລາກຫລາຍສີສັນ ແລະ ລວດລາຍ ຊື່ງຕິດພັນກັນຢ່າງສະໜິດແໜ້ນກັບ ວິຖີການດໍາລົງຊີວິດຂອງຄົນລາວໃນທຸກພາກ, ທຸກເຂດແຂວງໃນທົ່ວປະເທດ ລວມທັງຊາວລາວທີ່ຢູ່ຕ່າງປະເທດເຊັ່ນດຽວກັນ; ແມ່ຍິງລາວເຂົ້ານັ່ງແປ້ນກີ່ຮຽນຕໍ່າຫູກ ຕັ້ງແຕ່ອາຍຸກ່ອນ 10 ປີ ໂດຍມີແມ່, ແມ່ເຖົ້າ ແລະ ແມ່ຍ່າເປັນຄູສອນ ເຊິ່ງສິດສອນກັນແບບປາກເປົ່າ, ພ້ອມທັງການລົງມືຕໍ່າຜ້າຕົວຈິງ ໂດຍທີ່ບໍ່ມີປຶ້ມຕໍາລາບັນທຶກໄວ້, ມີພຽງແຕ່ນິທານ, ກາບກອນ ແລະ ພາສິດສອນໃຈໃດໆ ທີ່ຜູກພັນຢູ່ໃນລີງລາຍ ເຕັກນິກການຕໍ່າ ຕະຫລອດຮອດການນໍາໃຊ້ຜ້າປະເພດຕ່າງໆ ອັນໄດ້ກາຍເປັນບົດຮຽນອັນລໍ້າຄ່າ ຖືກສະສົມ ແລະ ສືບທອດຈາກຄົນຮຸ່ນຕໍ່ຮຸ່ນ ກາຍເປັນວັດທະນະທໍາທີ່ສວຍງາມ ແລະ ມີເອກະລັກສະເພາະຄຽງຄູ່ກັບປະຊາຊົນລາວ, ເປັນມູນມັງມໍລະດົກຂອງຄອບຄົວ ແລະ ຂອງສັງຄົມເຊື້ອຊາດລາວເຮົາຍືນຍາວມາຈົນເຖິງທຸກວັນນີ້. ຍ້ອນແນວນັ້ນ, ລາຍ “ນາກ” ຫລື “ເງືອກ” ເປັນລາຍທີ່ໂດດເດັ່ນອັນດັບໜຶ່ງໃນຜ້າລາວ ເຊິ່ງຕົນຕົວຖືກປະດິດຄິດສ້າງຂຶ້ນ ດ້ວຍຈິດສໍານຶກ ຢໍາແຢງ ແຝງບູຊາ ດ້ວຍສິລະປະອັນປານີດ ແລະ ຜູກພັນກັບຊີວິດການເປັນຢູ່ຂອງຊາດລາວຢ່າງແຍກບໍ່ອອກ ຈົນຊ່າງຕໍ່າຫູກເອີ່ຍເຖິງວຽກງານຕໍ່າຫູກຂອງຕົນເມື່ອໃດ ຈະມີຄໍາເວົ້າຕິດສົບສືບຕໍ່ກັນວ່າ: ຕໍ່າຫູກ ຕໍ່ານາກ.

ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ - Visit Laos Visit SALANA BOUTIQUE HOTEL - ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ

ນີ້ເປັນເຫດການປະຫວັດສາດອີກອັນໜຶ່ງ ທີ່ປິຕິຍິນດີ ແລະ ເປັນກຽດອັນສູງສົ່ງ ອັນເຕັມໄປດ້ວຍຄວາມເອກອ້າງທະນົງໃຈ ຂອງປວງຊົນລາວທັງຊາດ ຕະຫລອດຮອດຄົນເຊື້ອຊາດລາວເຮົາ ບໍ່ພຽງແຕ່ຢູ່ພາຍໃນປະເທດ ແຕ່ຢູ່ທົ່ວທຸກມຸມໂລກ ສາມາດຢັ້ງຢືນໄດ້ຢ່າງພາກພູມໃຈວ່າ: ຫັດ ຖະກໍາລາຍນາກ ຂອງພວກເຮົາ ໄດ້ຖືກຮັບຮອງເຂົ້າເປັນມໍລະດົກໂລກຢ່າງແທ້ຈິງ ແລະ ຈະຍືນຍົງຢູ່ຄຽງຄູ່ກັບມວນມະນຸດທົ່ວໂລກຢ່າງຖາວອນຕະຫລອດໄປ. ສໍາຄັນໄປກວ່ານັ້ນ, ເຫດການດັ່ງກ່າວນີ້ ຍັງເປັນໝາກຜົນແຫ່ງການຈັດ ຕັ້ງປະຕິບັດແນວທາງນະໂຍບາຍອັນຖືກຕ້ອງສອດຄ່ອງ ຂອງພັກ-ລັດເຮົາ ວ່າດ້ວຍການຊຸກຍູ້ສົ່ງເສີມ, ປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທໍາອັນດີງາມ ຂອງຊາດ ໃຫ້ນັບມື້ນັບກວ້າງຂວາງ ຕິດພັນກັບການພັດທະນາເສດຖະກິດ-ສັງຄົມແຫ່ງຊາດ ໃຫ້ນັບມື້ນັບເຂັ້ມແຂງ, ພ້ອມທັງອະນຸລັກຮັກສາວັດທະນະທໍາ ອັນເປັນເອກະລັກຂອງຊາດໃຫ້ມີຄວາມຍືນຍົງຕະຫລອດໄປ.

ຂ່າວ: ປະເທດລາວ

ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ - 5 - ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ
ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ - 4 - ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ
ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ - 3 - ສະຫລອງ ຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ເຂົ້າເປັນມໍລະດົກໂລກ