ທູດຮົງກາລີ ຢືນຢັນຈະສືບຕໍ່ຊຸກຍູ້ສົ່ງເສີມການພົວພັນຮ່ວມມືສອງຝ່າຍ ຮົງກາລີ-ລາວ ໂດຍສະເພາະການຮ່ວມມືໃນຂົງເຂດເສດຖະກິດ

- 2361 - ທູດຮົງກາລີ ຢືນຢັນຈະສືບຕໍ່ຊຸກຍູ້ສົ່ງເສີມການພົວພັນຮ່ວມມືສອງຝ່າຍ ຮົງກາລີ-ລາວ ໂດຍສະເພາະການຮ່ວມມືໃນຂົງເຂດເສດຖະກິດ
- kitchen vibe - ທູດຮົງກາລີ ຢືນຢັນຈະສືບຕໍ່ຊຸກຍູ້ສົ່ງເສີມການພົວພັນຮ່ວມມືສອງຝ່າຍ ຮົງກາລີ-ລາວ ໂດຍສະເພາະການຮ່ວມມືໃນຂົງເຂດເສດຖະກິດ

ວັນທີ 7 ມິຖຸນາ 2024, ທ່ານ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢອຳລາຂອງ ທ່ານ ຊານດໍ ຊີໂພສ໌ (Sandor Sipos) ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ຮົງກາລີ ປະຈໍາ ສປປ ລາວ, ໂດຍມີສຳນັກງານຕັ້ງຢູ່ບາງກອກ, ປະເທດໄທ.ໃນໂອກາດສຳເລັດການປະຕິບັດໜ້າທີ່ການທູດຢູ່ ສປປ ລາວ.

ທ່ານ ສະເຫລີມໄຊ ກົມມະສິດ ໄດ້ສະແດງຄວາມຊົມເຊີຍ ຕໍ່ ທ່ານ ຊານດໍ້ ຊີໂພສ໌ ທີ່ປະສົບຜົນສໍາເລັດໃນການປະຕິບັດໜ້າທີ່ເປັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ຮົງກາລີ ປະຈຳ ສປປ ລາວ ເຊິ່ງທ່ານທູດໄດ້ປະກອບສ່ວນສຳຄັນ ເຂົ້າໃນການສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີ ລະ ຫວ່າງ ລາວ-ຮົງກາລີ ໃຫ້ສືບຕໍ່ນັບມື້ໄດ້ຮັບການຂະຫຍາຍຕົວຂຶ້ນຢ່າງຕໍ່ເນື່ອງ. ພ້ອມນັ້ນ, ທ່ານທູດຍັງໄດ້ຊຸກຍູ້ໃຫ້ມີການຢ້ຽມຢາມແລກປ່ຽນ ແລະ ພົບປະລະຫວ່າງການນຳສອງປະເທດ ຢ່າງເປັນປົກກະຕິ, ການສະໜັບສະໜູນຊ່ວຍເຫລືອເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ. ພິເສດ, ທ່ານທູດ ໄດ້ເອົາໃຈໃສ່ຊຸກຍູ້ການເປີດສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຮົງກາລີ ຄືນໃໝ່ ໃນທ້າຍປີ 2022 ແລະ ໃນໂອກາດການເດີນທາງມາຢ້ຽມຢາມ ສປປ ລາວ ຂອງລັດຖະມົນຕີກະຊວງການຕ່າງປະເທດ ແລະ ການຄ້າ ຮົງກາລີ ໃນວັນທີ 14 ມິຖຸນາ 2024 ນີ້, ກໍຈະໄດ້ມີພິທີເປີດຄືນ ສະຖານເອກອັກຄະລັດຖະທູດ ແຫ່ງ ຮົງກາລີ ປະຈໍາ ສປປ ລາວ ຢ່າງເປັນທາງການ.

ພ້ອມນັ້ນ, ທ່ານທູດ ຍັງໄດ້ຕິດຕາມ ແລະ ຊຸກຍູ້ ບັນດາໂຄງການຮ່ວມມື ເປັນຕົ້ນ ໂຄງການຮ່ວມມື ລາວ-ຮົງກາລີ ພາຍໃຕ້ເງິນກູ້ຢືມບໍ່ມີດອກເບ້ຍຈາກລັດຖະບານຮົງກາລີ ໄລຍະ 3 ເຊັ່ນ: ໂຄງການໃນຂະແໜງການກະສິກໍາ; ໂຄງການຄຸ້ມຄອງບໍລິຫານນໍ້າ ນະຄອນຫລວງວຽງຈັນ; ໂຄງການຄຸ້ມຄອງພົນລະເມືອງ. ພ້ອມນີ້, ລັດຖະບານ ຮົງກາລີ ຍັງໄດ້ໃຫ້ການຊ່ວຍເຫລືອ ແກ່ ສປປ ລາວ ໃນການກໍ່ສ້າງຊັບພະຍາກອນມະນຸດ ໂດຍໄດ້ສະໜອງທຶນການສຶກສາ ຈຳນວນ 150 ທຶນຕໍ່ປີ.

ທ່ານທູດ ຊານດໍ້ ຊີໂພສ໌ ໄດ້ສະແດງຄວາມຂອບໃຈມາຍັງ ກະຊວງການຕ່າງປະເທດ ແລະ ພາກ ສ່ວນກ່ຽວຂ້ອງຂອງ ສປປ ລາວ ທີ່ໄດ້ໃຫ້ການຮ່ວມມື ແລະ ອຳນວຍຄວາມສະດວກເປັນຢ່າງດີ ຕະ ຫລອດໄລຍະຜ່ານ ເຊິ່ງເຮັດໃຫ້ການປະຕິບັດໜ້າທີ່ການທູດຢູ່ ສປປ ລາວ ໄດ້ຮັບຜົນສຳເລັດຢ່າງຈົບ ງາມ, ສະແດງຄວາມເຊື່ອໝັ້ນວ່າ ສປປ ລາວ ຈະປະສົບຜົນສຳເລັດໃນການພັດທະນາ ແລະ ສ້າງສາປະເທດຊາດ ແລະ ມີບົດບາດສູງເດັ່ນຂຶ້ນໃນເວທີສາກົນ. ພ້ອມທັງໄດ້ຢືນຢັນຄືນຄໍາໝາຍໝັ້ນຂອງຕົນທີ່ຈະສືບຕໍ່ຊຸກຍູ້ສົ່ງເສີມການພົວພັນ ແລະ ການຮ່ວມມືສອງຝ່າຍ ຮົງກາລີ-ລາວ ໃຫ້ມີບາດກ້າວຂະ ຫຍາຍ ຕົວຍິ່ງຂຶ້ນ ໂດຍສະເພາະ ຊຸກຍູ້ການຮ່ວມມືໃນຂົງເຂດເສດຖະກິດ ແລະ ຂະແໜງການ ອື່ນໆທີ່ມີທ່າແຮງຮ່ວມກັນ. ທັງນີ້, ກໍເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ຮົງກາລີ-ລາວ ໃນຕໍ່ໜ້າ ແລະ ທ່ານທູດ ຍັງໄດ້ແຈ້ງໃຫ້ຊາບໂດຍຫຍໍ້ ກ່ຽວກັບແຜນການເຄື່ອນໄຫວຢ້ຽມຢາມ ສປປ ລາວ ຂອງ ທ່ານລັດຖະມົນຕີຕ່າງປະເທດ ຮົງກາລີ ໃນລະຫວ່າງວັນທີ 13-14 ມິຖຸນາ 2024 ນີ້.

- 4 - ທູດຮົງກາລີ ຢືນຢັນຈະສືບຕໍ່ຊຸກຍູ້ສົ່ງເສີມການພົວພັນຮ່ວມມືສອງຝ່າຍ ຮົງກາລີ-ລາວ ໂດຍສະເພາະການຮ່ວມມືໃນຂົງເຂດເສດຖະກິດ
- 5 - ທູດຮົງກາລີ ຢືນຢັນຈະສືບຕໍ່ຊຸກຍູ້ສົ່ງເສີມການພົວພັນຮ່ວມມືສອງຝ່າຍ ຮົງກາລີ-ລາວ ໂດຍສະເພາະການຮ່ວມມືໃນຂົງເຂດເສດຖະກິດ
- 3 - ທູດຮົງກາລີ ຢືນຢັນຈະສືບຕໍ່ຊຸກຍູ້ສົ່ງເສີມການພົວພັນຮ່ວມມືສອງຝ່າຍ ຮົງກາລີ-ລາວ ໂດຍສະເພາະການຮ່ວມມືໃນຂົງເຂດເສດຖະກິດ