ລາວ-ໄທຮ່ວມສົ່ງເສີມແຫລ່ງທ່ອງທ່ຽວເມືອງ 5 ຊຽງ

ກອງປະຊຸມປຶກສາຫາລື ເພື່ອຮ່ວມສົ່ງເສີມແຫລ່ງທ່ອງ ທ່ຽວລະຫວ່າງລາວ-ໄທ ໂດຍຖື ເອົາເມືອງ 5 ຊຽງເປັນຈຸດພັດທະ ນາຍຸດທະສາດການທ່ອງທ່ຽວຄື: ຊຽງທອງ (ສປປ ລາວ) ຊຽງ ຮຸ້ງ (ສປປ ຈີນ), ຊຽງຮາຍ, ຊຽງໃໝ່, ຊຽງຕຸງ (ປະເທດ ໄທ) ໄດ້ມີຂຶ້ນໃນວັນທີ 28 ຕຸລາ ນີ້, ທີ່ແຂວງບໍ່ແກ້ວຝ່າຍລາວນຳ ໂດຍທ່ານ ສຸກຂະ ຫລຽນທອງ ຄຳ ຫົວໜ້າພະແນກຖະແຫລງ ຂ່າວ, ວັດທະນະທຳ ແລະ ທ່ອງ ທ່ຽວແຂວງບໍ່ແກ້ວຝ່າຍໄທນຳ ໂດຍ ທ່ານ ນາງ ປຣະກອບສິຣິ ພັກດີພິນິດ ຜູ້ຊ່ວຍສາສະດາຈານ ຫົວໜ້າໂຄງການຍອຍເພື່ອກຳ ນົດທິດທາງ ແລະ ຍຸດທະສາດ ການຮ່ວມມືລະຫວ່າງພາກລັດ ແລະ ພາກເອກະຊົນ ໃນຂະແໜງ ການທ່ອງທ່ຽວສອງປະເທດ ລາວ-ໄທ ເພື່ອສົ່ງເສີມວຽກງານ ທ່ອງທ່ຽວ ແລະ ການເຊື່ອມໂຍງ, ບັນດາແຂວງທີມີຊາຍແດນຕິດ ຈອດກັນມີການຮ່ວມມືພັດທະນາ ແຫລ່ງທ່ອງທ່ຽວເປັນຕົ້ນໄດ້ ກຳ ນົດເອົາເມືອງຕົ້ນເຜິ້ງ (ແຂວງ ບໍ່ແກ້ວ) ກັບເມືອຊຽງແສນ (ແຂວງຊຽງຮາຍ) ແລະ ຖືເອົາ ດອນຊາວ, ເມືອງສຸວັນນະໂຄມ ຄຳ ເປັນຈຸດເຊື່ອມໂຍງຂ້າມ ແດນ, ເມືອງປາກທາ ແລະ ເມືອງ ວຽງແກ່ນ (ແຂວງຊຽງຮາຍ) ຖືເອົາພູຊີ້ຟ້າ, ພູຊີ້ຟ້າ, ພູຊີ້ດາວ ແລະ ຜາຕັ້ງ ເປັນຈຸດຮ່ວມມືໃນ ການພັດທະນາແຫລ່ງທ່ອງທ່ຽວ ຂ້າມແດນ, ເມືອງຫ້ວຍຊາຍກັບ ເມືອງຊຽງຂອງຖືເອົາແຫລ່ງ ທ່ອງທ່ຽວດ້ານວັດທະນະທຳ, ທຳມະຊາດ ແລະ ປະຫວັດສາດ ເປັນຈຸດຮ່ວມມືໃນການພັດທະ ນາ ສຳລັບປະເທດລາວແມ່ນ ເອົາແຂວງບໍ່ແກ້ວ- ຫລວງນ້ຳ ທາຖື ເອົາບ້ານຊົນເຜົ່າລຽບຕາມ ເສັ້ນ ທາງ R3A ເປັນຈຸດຮ່ວມມື ໃນ ການພັດທະນາແຫລງທ່ອງ ທ່ຽວ ແລະ ແຂວງບໍ່ແກ້ວ- ອຸດົມ ໄຊ- ໄຊຍະບູລີ ແມ່ນຖືເອົາບັນດາ ບ້ານຊົນເຜົ່າລຽບຕາມສອງຝັ່ງ ແມ່ນ້ຳຂອງ (ຕາມລາຍການ ທ່ອງທ່ຽວແມ່ນ້ຳລ້ານຊ້າງ).
ຫົວໜ້າພະແນກຖະແຫລງ ຂ່າວ, ວັດທະນາທຳ ແລະ ທ່ອງ ທ່ຽວແຂວງບໍ່ແກ້ວໃຫ້ຮູ້ວ່າ: ແຂວງບໍ່ແກ້ວເປັນແຂວງໜຶ່ງທີ່ ຖືເອົາວຽກງານການທ່ອງທ່ຽວ ເປັນບຸລິມະສິດ ແລະ ເປັນທ່າ ແຮງໃນການພັດທະນາ, ສົ່ງເສີມ ການຄ້າ, ການຂົນສົ່ງ, ການບໍລິ ການ, ສ້າງວຽກເຮັດງານທຳ, ສ້າງລາຍຮັບ ແລະ ປັບປຸງຊີວິດ ການເປັນຢູ່ຂອງປະຊາຊົນບັນ ດາເຜົ່າດີຂຶ້ນ. ມາຮອດປັດຈຸບັນ ແຂວງບໍ່ແກ້ວມີແຫລ່ງທ່ອງທ່ຽວ ທີ່ໄດ້ຮັບການພັດທະນາ 13 ແຫ່ງ ແລະ ຍັງບໍ່ໄດ້ຮັບການພັດ ທະນາ 83 ແຫ່ງໃນປີ 2016 ຜ່ານມາ ມີນັກທ່ອງທ່ຽວເຂົ້າມາທ່ຽວ ຫລາຍກວ່າແສນຄົນທຽບໃສ່ປີ 2015 ເພີ່ມຂຶ້ນ 1,44%.

+ ປີທ່ອງທ່ຽວລາວ 2018 ຈະແກ້ໄຂສະພາບການຄົມມະນາຄົມແນວໃດ ?

+ ລາວ-ໄທເຫັນດີເສີມຂະຫຍາຍການເຊື່ອມຈອດດ້ານຄົມມະນາຄົມ

ສຳລັບ 9 ເດືອນຂອງປີ 2017 ນີ້ ມີນັກທ່ອງທ່ຽວເຂົ້າ ມາ 150.537 ຄົນທຽບໃສ່ ແຜນ ການປີແມ່ນຫລຸດລົງ 70,12% ສາເຫດຍ້ອນເສດຖະກິດຂອງ ໂລກມີການປ່ຽນແປງ, ນັກທ່ອງ ທ່ຽວມີຫລາຍທາງເລືອກໃນ ການເດີນທາງເຂົ້າ-ອອກ ຫລາຍ ເສັ້ນທາງ.

ກອງປະຊຸມຍັງປຶກສາຫາລີ ກ່ຽວກັບບຸກລະລາກອນພະນັກ ງານນຳທ່ຽວ, ພະນັກງານບໍລິ ການ ແລະ ການບໍລິການໂຮງ ແຮມບ້ານພັກ, ຮ້ານອາຫານຈະ ຕ້ອງມີການປັບປຸງໃຫ້ທັນ ສະໄໝ ດີຂຶ້ນກວ່າເກົ່າເພື່ອສາມາດຮອງ ຮັບນັກທ່ອງທ່ຽວທີ່ມາທ່ຽວຊົມ ໃຫ້ປະທັບໃຈ.