ສະຫວັນນະເຂດມີແຜນບູລະນະພະທາດນາງລາວ

- 22790178 1644401272279265 52061357 o - ສະຫວັນນະເຂດມີແຜນບູລະນະພະທາດນາງລາວ
- AGL banner - ສະຫວັນນະເຂດມີແຜນບູລະນະພະທາດນາງລາວ

ພິທີຖະແຫລງຂ່າວເປີດ ໂຕເວບໄຊພະທາດນາງລາວ (www.pratadnanglao.com) ເພື່ອລະດົມທຶນບູລະນະປະຕິ ສັງຂອນພະທາດຫລວງນາງ ລາວ ທີ່ເປັນມໍລະດົກວັດທະນະ ທຳທີ່ເກົ່າແກ່ເປັນມິ່ງຂວັນຂອງ ຊາວເມືອງວິລະບູລີແຂວງສະ ຫວັນນະເຂດ ໂດຍສະເພາະຂອງ ເຜົ່າຜູ່ໄທທັງສອງຝັ່ງຂອງ. ໄດ້ ຈັດຂຶ້ນໃນມໍ່ໆນີ້, ທີ່ຫ້ອງການປົກ ຄອງແຂວງ ໂດຍການເຂົ້າຮ່ວມ ຂອງທ່ານ ຄຳພູນ ຕຸໄພທູນ ຮອງ ເຈົ້າແຂວງສະຫວັນນະເຂດ.

 

+ ສະຫວັນນະເຂດຈະຈັດຫລາຍກິດຈະກຳຕ້ອນຮັບປີທ່ອງທ່ຽວ 2018

+ ງານວາງສະແດງສິນຄ້າອາຊຽນແຟຣຈັດຂຶ້ນທີ່ແຂວງສະຫວັນນະເຂດ

ໃນພິທີຍັງໄດ້ເຊັນບົດບັນທຶກ ຄວາມເຂົ້າໃຈໃນການມອບ-ຮັບ ເວບໄຊພະທາດນາງລາວລະ ຫວ່າງອຳນາດການປົກຄອງ ແຂວງ ແລະ ບໍລິສັດລາວເວບດີ ໄຊຢ່າງເປັນທາງການ. ຈາກນັ້ນ ທ່ານຄຳພູນ ຕຸໄພທູນ ກໍໄດ້ໃຫ້ ກຽດນຳສະເໜີຄວາມເປັນມາ ຂອງ “ເມືອງວັງ-ອ່າງຄຳ” ເຊິ່ງ ເປັນຖິ່ນຖານຕຳນານກົກເຄົ້າ ເຜົ່າຜູ່ໄທທີ່ຂຶ້ນຊື່ລືນາມສືບສານ ກັນມາຫລາຍຍຸກຫລາຍສະໄໝ, ກໍຄືປະຫວັດຂອງພະທາດ ນາງ ລາວແຫ່ງນີ້ ເຊິ່ງຕັ້ງຢູ່ໃນເຂດ ບ້ານນາທາດ ແລະ ບ້ານນາເຕີ້ ຈຸດສຸມເມືອງວັງ, ຫ່າງຈາກເທ ສະບານແຂວງ ສະຫວັນນະເຂດ ໄປທາງທິດຕາເວັນອອກປະ ມານ 180 ກວ່າກິໂລແມັດ ແລະ ໃນວັນທີ 7/8/2017 ໄດ້ຖືກຮັບ ຮອງເປັນມໍລະດົກວັດທະນະທຳ ລະດັບທ້ອງຖິ່ນຕາມ ຂໍ້ຕົກລົງ ເລກ ທີ 1261/ຈຂ.ສຂ ແລະ ກຳລັງ ສະເໜີເປັນມໍລະດົກແຫ່ງຊາດ ຕາມລຳດັບ. ໃນການບູລະນະປະ ຕິສັງຂອນພະທາດດັ່ງກ່າວຈະ ປະກອບມີຫລາຍໜ້າວຽກເຊັ່ນ: ການສ້ອມແຊມຈຸດຊຳລຸດ ຊຸດ ໂຊມຂອງທາດຄືນໃໝ່ດ້ວຍວັດ ສະດຸພື້ນ້ບານຕາມສູດປູນປະ ທາຍບູຮານດ້ວຍສີມືສະກຸນຊ່າງ ລ້ານຊ້າງສືບທອດໂດຍຊາວ ບ້ານທ້ອງຖິ່ນເຮົາເອງ. ພາຍ ໃຕ້ການຊີ້ນຳຈາກກົມ ມໍລະດົກ, ຈຸດໃດທີ່ຍັງແໜ້ນໜ້າກໍຈະຮັກ ສາໄວ້ເພື່ອເປັນຫລັກຖານທາງ ສະຖາປັດຕາມແບບສະບັບດັ້ງ ເດີມຂອງມັນນອກນີ້ ກໍຈະມີການ ປັບພູມີທັດ ບໍລິເວນອ້ອມຮອບອົງ ພະທາດໃຫ້ກົມກຶນກັບຍຸກສະໄໝ ທີ່ສ້າງພະທາດແຫ່ງນີ້ຄາດວ່າ ລວມມູນຄ່າປະມານ 3 ຕື້ກວ່າ ກີບ ແລະ ໃນຕໍ່ໜ້າຍັງຈະໄດ້ປັບ ປຸງເສັ້ນທາງເຊື່ອມຕໍ່ດ້ວຍການ ປູຢາງຈາກເສັ້ນ ທາງເລກທີ 10 ຜ່ານຈຸດສຸມເມືອງວັງ ເຖິງພະ ທາດມີໄລຍະປະມານ 17 ກິ ໂລ ແມັດ ເພື່ອເຮັດໃຫ້ສາມາດເຂົ້າ ເຖິງແຫລ່ງທ່ອງທ່ຽວໃນເຂດນີ້ ໄດ້ຢ່າງສະດວກສະບາຍ.

ສຳລັບການເປີດໂຕເວບໄຊ ໃນມື້ທຳອິດນີ້, ມີຜູ້ສົນໃຈປະ ກອບສ່ວນແລ້ວເປັນເງິນໂດລາ 500 ໂດລາ, ເງິນກີບແມ່ນ 5 ລ້ານກີບ ແລະ ເງິນບາດໄທອີກ ຈຳນວນ 10.000 ບາດ.

 

- 22790178 1644401272279265 52061357 o 1024x619 - ສະຫວັນນະເຂດມີແຜນບູລະນະພະທາດນາງລາວ

-    AD conten website - ສະຫວັນນະເຂດມີແຜນບູລະນະພະທາດນາງລາວ
- lattana banner 1 - ສະຫວັນນະເຂດມີແຜນບູລະນະພະທາດນາງລາວ
- lattana banner - ສະຫວັນນະເຂດມີແຜນບູລະນະພະທາດນາງລາວ
error: Alert: ເນື້ອຫາຂ່າວມີລິຂະສິດ !!