ລະນຶກວັນສ້າງຕັ້ງກອງບັນຊາການທະຫານແຂວງສະຫວັນນະເຂດ

ພິທີໂຮມຊຸມນຸມລະນຶກວັນ ສ້າງຕັ້ງກອງບັນຊາການທະຫານແຂວງສະຫວັນນະເຂດຄົບຮອບ   55 (25/3/1962-25/2017)   ໄດ້ຈັດຂຶ້ນໃນວັນທີ 28 ມີນາຜ່ານມານີ້ທີ່ແຂວງດັ່ງກ່າວໂດຍການ ສວນສະໜາມຂອງກຳລັງຈາກກົມກອງຕ່າງໆທີ່ສະແດງໃຫ້ເຫັນແຫ່ງການກຳເນີດ ແລະ ເຕີບໃຫຍ່ເຂັ້ມແຂງຜ່ານຜ່າເສັ້ນທາງແຫ່ງການຕໍ່ສູ້ອົງອາດກ້າແກ່ນຂອງກຳລັງປະກອບອາວຸທ້ອງຖິ່ນໄດ້ມີຜົນງານ ແລະ ໄຊຊະນະທ່ີ່ນັບ ມື້ນັບໃຫຍ່ຫລວງຂຶ້ນເລື້ອຍໆ. ປະ ກອບສ່ວນເຂົ້າໃນການສ້າງສາ ຄວາມເຂັ້ມແຂງຂອງກອງທັບກໍຄືຂອງຊາວລາວເຮົາ.

ສະຫາຍ ພົ/ວ ບົວວັນ ເພັງ  ບຸນທັນ ເລຂາຄະນະພັກ-ຫົວໜ້າ  ການທະຫານກອງບັນຊາການ  ທະຫານແຂວງສະຫວັນນະເຂດ  ມີຄຳເຫັນວ່າ: ໃນວັນທີ 25 ເດືອນ 3 ປີ 1962 ຢູ່ທີ່ຫ້ວຍອາ ໃກ້ ເມືອງພີນ ກຳລັງປະກອບ ອາວຸດທະຫານແຂວງສະຫວັນ  ນະເຂດໄດ້ຮັບການປະກາດສ້າງ  ຕັ້ງຂຶ້ນຢ່າງເປັນທາງການ ເຊິ່ງ  ແມ່ນເຫດການປະຫວັດສາດທີ່  ສຳຄັນທາງດ້ານການທະຫານ,  ເຊິ່ງໃຫ້ກຳເນີດເກີດຂຶ້ນ ແລະ  ເຕີບໃຫຍ່ ຂະຫຍາຍຕົວຂອງກຳ ລັງປະກອບອາວຸປະຊາຊົນທ້ອງ ຖິ່ນສະຫວັນນະເຂດຈາກກອງ ບັນຊາການທະຫານ ເຂດການ ປະກອບເປັນຄະນະບັນຊາການ ທະຫານແຂວງຊຸດທຳອິດ ເຊິ່ງ  ມີສະຫາຍ ສົມສັກ ໄຊສົງຄາມ,  ເປັນຫົວໜ້າການທະຫານ, ສະ ຫາຍວັນທອງ ລິນສົມພູ ເປັນຫົວ  ໜ້າການເມືອງ, ສະຫາຍລະຄອນສີ ເປັນຮອງການທະຫານ  ແລະ ສະຫາຍ ຕັງ ພົມມະລີ ເປັນ  ຮອງການເມືອງ ແລະ ພາຍຫລັງທີ່ໄດ້ຮັບ ການປະກາດສ້າງຕັ້ງ  ແລ້ວກໍມີແຜນການສືບຕໍ່ປັບປຸງບັນດາກົມກອງປະກອບອາວຸດ ທ້ອງຖິ່ນອື່ນໆ. ທີ່ແທດເໝາະກັບວຽກງານສູ້ຮົບ ເຊິ່ງມີກອງພັນທີ14,16,17,18,19 ມີກອງ ຮ້ອຍເອກະລາດ 28  ກອງ ຮ້ອຍ 91   ໂຮງຮຽນນາຍສິບຢູ່ແຕ່ລະ ເມືອງກໍມີທະຫານເມືອງຄື: ກອງ ຮ້ອຍ 24 ເມືອງເຊໂປນ, ກອງ ຮ້ອຍ 23 ເມືອງຕະໂອ້ຍ, ກອງ ຮ້ອຍ 25 ເມືອງສອງຄອນ, ກອງຮ້ອຍ 26 ເມືອງດົງເຫັນ ແລະ ເມືອງອື່ນ. ນອກນັ້ນນັກຮົບ   ໃນຖັນແຖວສູ້ຮົບຢູ່ຕາແສງ ແລະ ໜ່ວຍກອງຫລອນແຕ່ລະບ້ານ ໃນທົ່ວແຂວງກໍໄດ້ ຮັບການປັບ ປຸງໃນທຸກດ້ານນັບທັງດ້ານການ ເມືອງ-ແນວຄິດ ແລະ ດ້ານ ການຮ່ຳຮຽນຝຶກແອບວິຊາສະ ເພາະນັບມື້ເຂັ້ມແຂງ.

ໃນໂອກາດອັນສະຫງ່າລາສີນີ້ສະຫາຍ ພົນຕີ ແອສະໄໝ  ເລື່ອງວັນໄຊ ຄະນະປະຈຳພັກກະຊວງປ້ອງກັນ ປະເທດທັງເປັນ ຮອງລັດຖະມົນຕີ ກໍໄດ້ໃຫ້ກຽດປະດັບຫລຽນໄຊ ພິລາດອາດ ຫານຊັ້ນ 1 ໃຫ້ກອງບັນຊາການ ທະຫານແຂວງສະຫວັນນະເຂດຢ່າງສົມກຽດຕາມການຕົກລົງຂອງລັດຖະມົນຕີກະຊວງດັ່ງກ່າວ.