ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ

- Asean science technoloy meeting - ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ
- AGL banner - ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ

ຄະນະຜູ້ແທນກະຊວງວິທະຍາສາດ ແລະ ເຕັກໂນໂລຊີຂອງ ສປປ ລາວ ນຳ​ໂດຍທ່ານ ຫຸມພັນ ອິນທະຣາດ, ຮອງລັດຖະມົນຕີ ກະຊວງວິິທະຍາສາດ ແລະ ເຕັກໂນໂລຊີ, ປະທານຄະນະກຳມະການຮ່ວມມື ດ້ານວິທະຍາສາດ ແລະ ເຕັກໂນໂລຊີ ອາຊຽນ ຂອງລາວ, ໄດ້ເຂົ້າຮ່ວມກອງ​ປະຊຸມລັດຖະມົນຕີວິທະຍາສາດແລະເຕັກໂນໂລຊີອາຊຽນຄັ້ງທີ17(AMMST-17th), ກອງ​ປະຊຸມຄະນະກຳມະການຮ່ວມມື ດ້ານວິທະຍາສາດ ແລະ ເຕັກໂນໂລຊີ ອາຊຽນຄັ້ງທີ73(ASEAN COST 73rd ),ກອງປະຊຸມປີ່ນອ້ອມອື່ນໆ ​ແລະ ງານວາງສະແດງອາທິດວິທະຍາສາດ, ເຕັກໂນໂລຊີ ແລະ ນະວັດຕະກຳຄັ້ງທີ 10(ASTIW 10th),ຊຶ່ງໄດ້ຈັດຂື້ນແຕ່ວັນທີ 12 ຫາ 20 ຕຸລາ 2017 ຢູ່ທີ່ນະຄອນຫຼວງເນປີດໍ, ສາ​ຫະພາບມຽນມາ.

ໃນກອງປະຊຸມ ລັດຖະມົນຕີວິທະຍາສາດ ແລະ ເຕັກໂນໂລຊີ ອາຊຽນ ຄັ້ງທີ່ 17 ນີ້ ໄດ້ຮັບຟັງການລາຍ​ງານ​ຄວາມ​ຄືບ​ໜ້າ ແລະ ຕີລາຄາການຈັດຕັ້ງປະຕິບັດແຜນປະຕິບັດງານ ດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ອາຊຽນ2016-2025(ASEAN Plan of Action on Science, Technology and Innovationຫຼືເອີ້ນວ່າ APASTI 2016-2025) ທີ່ໄດ້ຮັບຮອງໃນກອງປະຊຸມລັດຖະມົນຕີ ວິທະຍາສາດ ແລະ ເຕັກໂນໂລຊີ ຄັ້ງທີ 16 ທີ່ນະຄອນຫຼວງວຽງຈັນ ໃນປີ 2015. ກອງປະຊຸມໄດ້ຊົມເຊີຍຄວາມພະຍາຍາມສູງຂອງບັນດາປະເທດສະມາຊີກ ທີ່ນຳເອົາວິທະຍາສາດ, ເຕັກໂນໂລຊີ ແລະ ນະວັດຕະກຳ ປະກອບສ່ວນປະຕິບັດແຜນງານສ້າງປະຊາຄົມເສດຖະກິດອາຊຽນ(AEC Blueprint 2025), ການບັນລຸບັນດາເປົ້າໝາຍພັດທະນາແບບຍືນຍົງຂອງອົງການສະຫະປະຊາຊາດ(SDG)ແລະບັນດາເປົ້າໝາຍແລະຄາດໝາຍຕ່າງໆທີ່ໄດ້ກຳນົດໄວໃນປະຕິບັດແຜນປະຕິບັດງານ APASTI.

ກອງປະຊຸມຍັງໄດ້ຄົ້ນຄ້ວາ, ປຶກສາຫາລື ແລະ ແລກປ່ຽນຄຳຄິດເຫັນຢ່າງສ້າງສັນ ແລະ ໄດ້ຕົກລົງຮັບຮອງ​ເອົາ ບາງບັນຫາ ທີ່ສຳຄັນດັ່ງນີ້: ໄດ້ຮັບຮອງ​ເອົາຖະແຫຼງການວ່າດ້ວຍນະວັດຕະກຳ ອາຊຽນ (ASEAN Declaration on Innovation) ເພື່ອສະເໜີພິຈາລະນາຮັບຮອງໃນກອງປະຊູມສຸດຍອດ ອາຊຽນ ຄັ້ງທີ 31, ໃນເດືອນພະຈິກ 2017 ທີ່ປະເທດລິບປີນ, ໄດ້ຕົກລົງຮັບຮອງເອົາບັນດາໂຄງການຕ່າງໆ ທີ່ນຳໃຊ້ກອງທຶນວິທະຍາສາດ, ເຕັກໂນໂລຊີ ແລະ ນະວັດຕະກຳ ອາຊຽນ (ASTIF) ຈຳນວນ 12 ໂຄງການ, ເຊີ່ງໃນນັ້ນ ສປປ ລາວ ສາມາດຍາດໄດ້ 1 ໂຄງການ; ກອງປະຊຸມໄດ້ສະ​ແດງ​ຄວາມ​ຍີ​ນດີ​ ​ແລະຊົມ​ເຊີຍຕໍ່ການສະເໜີຈາກ ປະເທດມາເລເຊຍ, ອິນໂດເນເຊຍ ແລະ ສິງກະໂປ ທີ່ຈະປະກອບສ່ວນງົບປະມານປະເທດລະ1 ລ້ານໂດລາສະຫະລັດເຂົ້າໃນການປະຕິບັດ APASTI ເຊິງມີສອງປະເທດ ໄດ້ປະກອບສ່ວນໄປແລ້ວເຊັ່ນ:ປະເທດໄທ ແລະ ຟີລິບປີນ ປະເທດລະ 1 ລ້ານໂດລາສະຫະລັດ. ກອງປະຊຸມຄັ້ງນີ້ ໄດ້ຮັບຮູ້ຂໍ້ສະເໜີ ຟື້ນຟູຄືນບັນດາເຄືອຄ່າຍການນຳໃຊ້ນິວເຄຼຍຂະໜາດໃຫຍ່ ແລະ ຊີໂກຼຕອນ (Synchroton) ຂອງອາຊຽນ ແລະ ເຄືອຄ່າຍສູນຄົ້ນຄ້ວາຄວາມປອດໄພ ພະລັງງານນິວເຄຼຍ ອາຊຽນ ​ແລະການສ້າງຕັ້ງສູນ ASEAN Hydroinformatics and Climate Data Centre (AHC)ນຳ​ອີກ​ດ້ວຍ. ກອງປະຊຸມລັດຖະມົນຕີຄັ້ງນີ້ໄດ້ສະແດງຄວາມຍີນດີ ທີ່ໄດ້ກຳນົດເອົາປີ 2018 ເປັນປີແຫ່ງນະວັດຕະກໍາ ອາຊຽນ-ຈີນ ແລະ ການໃຫ້ຄໍາໜັ້ນສັນຍາຂອງປະເທດອີນເດຍ ທີ່ຈະເພີ່ມງົບປະມານເຂົ້າກອງທຶນພັດທະນາວິທະຍາສາດ ແລະ ເຕັກໂນໂລຊີ ອາຊຽນ-ອີນເດຍ ຈາກ 1 ລ້ານໂດລາສະຫະລັດ ເປັນ 5 ລ້ານໂດລາສະຫະລັດ, ກອງປະຊຸມໃນຄັ້ງນີ້ຍັງໄດ້ຮັບຮອງເອົາແຜນປະຕິບັດງານດ້ານວິທະຍາສາດ ແລະ ເຕັກໂນໂລຊີ ອາຊຽນ-ລັດເຊຍ ແຕ່ປີ 2016-2025, ແລະ ​ເຫັນ​ດີສຶບຕໍ່ຈັດຕັ້ງປະຕິບັດແຜນງານສົ່ງເສີມທຶນຄົ້ນຄ້ວາ ອາຊຽນ-ອາເມລິກາ. ນອກຈາກ​ນັ້ນ​ບັນດາລັດຖະມົນຕີວິທະຍາສາດ ແລະ ເຕັກໂນໂລຊີ ອາຊຽນໄດ້ມີການແລກປ່ຽນຄຳຄິດເຫັນ​ແລະ​ໃຫ້​ຄວາມ​ສຳຄັນ​ຫລາຍຕໍ່ກັບການສົ່ງເສີມພາກທຸລະກິດຂະໜາດນ້ອຍ ແລະ ກາງ ໂດຍຜ່ານການຖ່າຍທອດ, ການເຜີຍແຜ່, ການຮັບເອົາ ແລະ ຮັບຮອງ ເຕັກໂນໂລຊີ ເພື່ອສົ່ງເສີມການເຕີບໂຕແບບສະເໜີພາບ ແລະ ກອງປະຊຸມເຫັນດີຮ່ວມມືກັນກຳນົດເປັນນະໂຍບາຍ ໃນອານາຄົດ ເພື່ອອຳນວຍສະດວກໃຫ້ແກ່ການ ເລີ້ມຕົ້ນດ້ານເຕັກໂນໂລຊີ (technology start up) ​ແລະ​ຍັງ​ໄດ້​ຊົມ​ເຊີຍ​ຕໍ່ຜູ້​ທີ່​ໄດ້​ຮັບ​ລາງວັນ​ວິທະຍາສາດ ​ແລະ​ເຕັກ​ໂນ​ໂລ​ຊີ​ອາ​ຊຽນ 2015 ອີກ​ດ້ວຍ. ພິ​ເສດທ່ານ ຫຸມພັນ ອິນທະຣາດ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ລາວໄດ້ຮັບກຽດ​ຂື້ນຕັດ​ແຖບ​ຜ້າ​​ຮ່ວມ​ກັບ​ທ່ານ​ລັດຖະມົນຕີ ​ແລະ​ຮອງ​ລັດຖະມົນຕີກະຊວງ​ສື​ກສາສະຫະພາບ​ມຽນມາໃນ​ພິທີເປີດງານວາງສະແດງອາທິດວິທະຍາສາດ, ເຕັກໂນໂລຊີ ແລະ ນະວັດຕະກຳຄັ້ງທີ 10 ຂອງບັນດາປະເທດສະມາຊິກອາຊຽນ.

- Wave100S AD to Website 2020 0 - ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ

+ການຄົ້ນຄວ້າດ້ານວິທະຍາສາດ ແລະ ເຕັກໂນໂລຊີ ຢູ່ປະເທດເຮົາມີຜົນງານຫລາຍດ້ານ

-    AD conten website - ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ
- lattana banner - ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ
- lattana banner 1 - ລາວເຂົ້າຮ່ວມກອງປະຊຸມລັດຖະມົນຕີ ​ວິທະຍາສາດ ແລະ ເຕັກໂນໂລຊີອາຊຽນ ຄັ້ງທີ 17 ທີ່ມຽນມາ
error: Alert: ເນື້ອຫາຂ່າວມີລິຂະສິດ !!