ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ

- Untitled design - ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ

ຣັດ​ເຊຍ​ໃຊ້​ອຳນາດ​ໂຕ້​ມະຕິ​ຂອງ​ອາ​ເມ​ລິ​ກາ ທີ່​ຕ້ອງການ​ໃຫ້​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ຂະຫຍາຍ​ເວລາ​ການ​ສືບສວນ​ການ​ໃຊ້​ອາວຸດ​ເຄມີ​ຢູ່​ພາກ​ເໜືອ​ຂອງ​ຊີຣີ ດ້ວຍ​ເຫດຜົນ “ບໍ່​ມີ​ຫລັກ​ຖານ”.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 24 ຕຸລາ​ວ່າ: ຣັດ​ເຊຍ​ໃຊ້​ສິດ​ໂຕ້​ໃນ​ຖານະ​ສະມາຊິກ​ຖາວອນ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ປະຕິ​ເສດ​ຮ່າງ​ມະຕິ​ທີ່​ອາ​ເມ​ລິ​ກາສະ​ເໜີ​ເຂົ້າສູ່​ການ​ພິຈາລະນາ​ຂອງ​ກອງ​ປະຊຸມ ​ໃນ​ວັນ​ທີ 24 ຕຸລາ ​ເພື່ອ​ໃຫ້​ມີ​ການ​ຂະຫຍາຍ​ໄລຍະ​ເວລາ​ອີກ 1 ປີ ​ເພື່ອ​ສືບສວນ​​ເຫດການ​ໂຈມ​ຕີ​ດ້ວຍ​ແກັສຊາຣິນ ຢູ່​ເມືອງ​ຂ່າ​ນ ​ເຊ​ຄຸນ ທາງ​ຕອນ​ເໜືອ​ຂອງ​ຊີຣີ ​ໃນ​ເດືອນ​ເມສາ​ປີ​ນີ້ ​ເຊິ່ງສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ “ປະມານ 100 ຄົນ”.

- Wave100S AD to Website 2020 0 - ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ
- 98466162 gettyimages 664877186 - ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ
ທູດອາເມລິກາປະຈຳສະຫະປະຊາຊາດສະແດງຮູບຜູ້ເສຍຊີວິດດ້ວຍອາວຸດເຄມີໃນກອງປະຊຸມສະຫະປະຊາຊາດ

ທັງ​ນີ້ ຖື​ເປັນຄັ້ງທີ 9 ​ແລ້ວ​ທີ່ຣັດ​ເຊຍ​ໃຊ້​ອຳນາດ​ໂຕ້​ມະຕິ​ກ່ຽວ​ກັບ​ຊີຣີ ນັບ​ແຕ່​ສົງຄາມ​ກາງ​ເມືອງ​ເກີດ​ຂຶ້ນ​ໃນ​ເດືອນ​ມີນາ 2011, ສ່ວນ​ທ່ານ​ນາງ ນິກກີ ​ເຮ​ລີ ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ​ສະຫະ​ປະຊາ​ຊາດ (UN) ກ່າວ​ຕຳ​ໜິຣັດ​ເຊຍ​ວ່າ​ບໍ່​ໃຫ້​ຄວາມ​ສຳຄັນ​ຕໍ່​ຄວາມ​ພະຍາຍາມ​ຂອງ​ປະຊາ​ຄົມ​ໂລກ ​ໃນ​ການ​ກວາດ​ລ້າງ​ອາວຸດ​ເຄມີ​ໃຫ້​ໝົດ​ໄປ.

- 98466164 gettyimages 664863596 - ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ
ອຸປະທູດຣັດເຊຍປະຈຳສະຫະປະຊາຊາດໃນຂະນະຮ່ວມປະຊຸມດ່ວນສະຫະປະຊາຊາດກໍລະນີໃຊ້ອາວຸດເຄມີຢູ່ຊີຣີ

ຂະນະ​ທີ່​ທ່ານ ວາສຊິ​ລີ ​ເນ​ເບ​ນ​ເຊຍ ​ເອກ​ອັກຄະ​ລັດຖະທູດຣັດ​ເຊຍ​ປະຈຳ UN ກ່າວ​ວ່າ: ຕະຫລອດ​ໄລຍະ​ເວລາ​ຜ່ານ​ມາ, UN ​ແລະ ອົງການ​ເພື່ອ​ການ​ຫ້າມ​ໃຊ້​ອາວຸດ​ເຄມີ (OPCW) ສືບສວນ​ເຫດການ​ຢູ່​ເມືອງ​ຂ່າ​ນ ​ເຊ​ຄຸນ “​ໂດຍ​ປາສະຈາກ​ຫລັກ​ຖານ”, ​ແຕ່​ກ່າວ​ອີກ​ວ່າ: ການ​ໃຊ້​ອຳນາດ​ໂຕ້​ໃນ​ຄັ້ງນີ້ ບໍ່​ໄດ້​ໝາຍ​ຄວາມ​ວ່າ: ການ​ສືບສວນ​ຈະ​ຕ້ອງ​ຢຸດຕິ.

- WhatsApp Image 2020 05 27 at 5 - ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ
- WhatsApp Image 2020 05 27 at 5 - ຣັດເຊຍໂຕ້ມະຕິຕໍ່ເວລາສືບສວນ ການໃຊ້ອາວຸດເຄມີຢູ່ຊີຣີ
error: Alert: ເນື້ອຫາຂ່າວມີລິຂະສິດ !!