5 ສັນຍານອັນຕະລາຍຂອງໜິ້ວໃນພົກຍ່ຽວ

- 012510 2017 - 5 ສັນຍານອັນຕະລາຍຂອງໜິ້ວໃນພົກຍ່ຽວ
- Untitled design - 5 ສັນຍານອັນຕະລາຍຂອງໜິ້ວໃນພົກຍ່ຽວ

ໜິ້ວໃນພົກຍ່ຽວ ເປັນໜຶ່ງໃນພະຍາດໜິ້ວທີ່ເກີດຂຶ້ນໃນລະບົບທໍ່ຍ່ຽວທີ່ອາດເກີດໜິ້ວໄດ້ທັງໃນໝາກໄຂ່ຫລັງ, ຫລອດໝາກໄຂ່ ຫລັງ ແລະ ພົກຍ່ຽວ ໂດຍຈະພົບເປັນກ້ອນໜິ້ວນ້ອຍໆ ມີຂະໜາດນັບແຕ່ນ້ອຍກ່ວາ 1 ຊັງຕີແມັດ ໄປຈົນເຖິງໃຫຍ່ກ່ວາ 5 ຊັງຕີແມັດ ອາດມີກ້ອນດຽວ ຫລື ຫລາຍກ້ອນ ແລະ ອາດມີລັກສະນະແຂງຫລາຍ ຫລື ອາດຈະອ່ອນໄດ້ ຂຶ້ນຢູ່ກັບສານປະກອບທີ່ເຮັດໃຫ້ເກີດໜິ້ວຂອງແຕ່ລະຄົນປ່ວຍ. ສ່ວນຫລາຍ 80% ອາດຈະພົບເປັນສານການຊຽມອອກຊາເລດ ນອກຈາກນີ້ ອາກມີສານການຊຽມຟອສເຟດ ແອມໂມນຽມຢູເຣດ, ກົດຢູຣິກ ຫລື ອື່ນໆໄດ້.

ໜິ້ວໃນພົກຍ່ຽວມີສາເຫດມາຈາກ : ຍ່ຽວຄ້າງໃນພົກຍ່ຽວຊຳ້ເຮື້ອ ຫລື ເປັນເວລາດົນ ເຮັດໃຫ້ມີການຕົກຕະກອນຂອງນຳ້ຍ່ຽວຈົນກາຍເປັນກ້ອນໜິ້ວ, ພົກຍ່ຽວລະຄາຍເຄືອງຊຳ້ເຮື້ອ, ກ້ອນໜິ້ວອາດຈະຕົກມາຈາກໝາກໄຂ່ຫລັງແລ້ວມາຢູ່ໃນພົກຍ່ຽວແທນ, ດື່ມນຳ້ໜ້ອຍເກີນໄປ ຈົນເຮັດໃຫ້ຍ່ຽວເຂັ້ມຂຸ້ນ, ເກີດອາການຕົກຕະກອນຈົນເປັນກ້ອນໜິ້ວໄດ້ງ່າຍຂຶ້ນ, ກິນອາຫານ ຫລື ເຄື່ອງດື່ມທີ່ມີທາດການຊຽມອອກຊາເລດຫລາຍຕໍ່ເນື່ອງ ເຊັ່ນ : ໂຢເກິດ, ຖົ່ວເຫລືອງ, ໝາກງາ, ໝາກເບີຣີຕ່າງໆ, ໝາກເດື່ອ, ຫົວກະຫລົດ, ໝາກບີທູດ, ໝາກເຂືອ, ຜັກກະລໍ່າ, ຜັກກາດດອກ, ໜໍ່ໄມ້ຝຣັ່ງ, ຫົວຜັກບົ່ວໃຫຍ່, ໝາກເລັ່ນ, ຜັກກະເສດ ແລະ ຍອດຜັກທັງຫລາຍ ເຊິ່ງກິນຫລາຍເກີນໄປຕິດຕໍ່ໍກັນເປັນເວລາດົນ.

ໜິ້ວໃນພົກຍ່ຽວອາດເກີດຂຶ້ນໄດ້ກັບທຸກເພດທຸກໄວ ອາດພົບໃນໄວເຮັດວຽກ ແລະ ເພດຊາຍຫລາຍກ່ວາເພດຍິງ.

– ອາການຂອງໜິ້້ວໃນພົກຍ່ຽວປະກອບມີ :

- Wave100S AD to Website 2020 0 - 5 ສັນຍານອັນຕະລາຍຂອງໜິ້ວໃນພົກຍ່ຽວ
  1. ເຈັບທ້ອງ ບໍລິເວນທ້ອງນ້ອຍ ໂດຍມີອາການປວດຊຳ້ເຮື້ອຄືປວດເລື້ອງໆບໍ່ເຊົາ ແລະ ອາດມີອາການປວດຫລັງຊຳ້ເຮື້ອຮ່ວມນຳ.
  2. ຍ່ຽວມີສີຜິດປົກກະຕິ ອາດມີສີຂຸ້ນໆຄືມີຝຸ່ນແປ້ງ ຫລື ອາດມີເລືອດປົນນຳ້ ບາງເທື່ອອາດມີກ້ອນໜິ້ວຫລຸດອອກມານຳ.
  3. ມີອາການຜິດປົກກະຕິເມື່ອປວດຍ່ຽວ ເຊັ່ນ : ຍ່ຽວຫລາຍເທື່ອເກີນໄປ, ຍ່ຽວຢອດ, ປວດແສບອອກຮ້ອນ, ຍ່ຽວຂາດຕອນ, ປວດເບັ່ງ ຫລື ຍ່ຽວໝົດແລ້ວ ແຕ່ຍັງຮູ້ສຶກປວດຍ່ຽວຢູ່ ຫລື ກັ້ນຍ່ຽວບໍ່ໄດ້ເລີຍ.
  4. ຫາກກ້ອນໜິ້ວໄປອັດຕັນຢູ່ທໍ່່ຍ່ຽວ ອາດມີອາການເຈັບທ້ອງນ້ອຍຢ່າງຮຸນແຮງ ແລະ ຍ່ຽວບໍ່ອອກ ຈົນພົກຍ່ຽວອາດອັກເສບຈາກການຕົກຄ້າງຂອງນຳ້ຍ່ຽວໃນພົກຍ່ຽວ.
  5. ອາດມີອາການໄຂ້ ຫລື ປວດຂໍ້ຮ່ວມນຳ.

– ທ່ານສາມາດປ້ອງກັນໜິ້ວໃນພົກຍ່ຽວໄດ້ໂດຍການດື່ມນຳ້ສະອາດຫລາຍໆເພື່ອປ້ອງກັນບໍ່ໃຫ້ຍ່ຽວມີຄວາມເຂັ້ມຂຸ້ນຫລາຍ ເກີນໄປ ຈົນຕົກຕະກອນເປັນໜິ້ວ ໂດຍແພດແນະນຳວ່າໃຫ້ດື່ມນຳ້ ປະມານມື້ລະ 2 ລິດເປັນຢ່າງໜ້ອຍ. ນອກຈາກນີ້, ການຈຳກັດອາຫານທີ່ມີການຊຽມ ແລະ ອອກຊາເລດຫລາຍກໍຊ່ວຍຫລຸດຄວາມສ່ຽງໃນການເກີດໜິ້ວໃນພົກຍ່ຽວໄດ້ຄືກັນ (ກິນໄດ້ຕາມປົກກະຕິ, ແຕ່ຢ່າກິນອາຫານເຫລົ່ານັ້ນຊຳ້ໆຕໍ່ເນື່ອງເປັນເວລາດົນ ຄວນກິນອາຫານໃຫ້ຫລາກຫລາຍ). ຫາກໃຜມີອາການເຈັບທ້ອງນ້ອຍຕະຫລອດ ແລະ ຮູ້ໂຕວ່າດື່ມນຳ້ໜ້ອຍ ຫລື ຍ່ຽວຜິດປົກກະຕິ ຢ່າລືມປຶກສາທ່ານໝໍໂດຍໄວ ກ່ອນທີ່ຈະມີອາການໜັກໄປກ່ວາເກົ່າ ເພື່ອທີ່ຈະໄດ້ຮັບການປິ່ນປົວຢ່າງທັນເວລາ.

- WhatsApp Image 2020 05 27 at 5 - 5 ສັນຍານອັນຕະລາຍຂອງໜິ້ວໃນພົກຍ່ຽວ
- WhatsApp Image 2020 05 27 at 5 - 5 ສັນຍານອັນຕະລາຍຂອງໜິ້ວໃນພົກຍ່ຽວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!