ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ

- 448048479 1007416597738463 8091333732439683483 n - ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ
- kitchen vibe - ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ

ວັນທີ 13 ມິຖຸນາ 2024, ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຊີ້ແຈງຕອບຄຳຊັກຖາມຂອງບັນດາສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ກ່ຽວກັບການຄຸ້ມຄອງແຮງງານ ແລະ ແຮງງານເຄື່ອນຍ້າຍໄປຕ່າງປະເທດ ວ່າ: ກະຊວງແຮງງານ ແລະ ສະຫວັດດີການສັງຄົມ ກໍຄື ລັດຖະບານ ໄດ້ເອົາໃຈໃສ່ຄຸ້ມຄອງແຮງງານລາວ ທີ່ເຮັດວຽກຢູ່ຕ່າງປະເທດຢ່າງມີລະບຽບ, ມີກົນໄກການຕິດຕາມ ແລະ ຄຸ້ມຄອງຂະບວນການ, ຂັ້ນຕອນ ໃນການຈັດຫາງານໄປຕ່າງປະເທດຢ່າງຮັດກຸມ ໂດຍໄດ້ປະສານສົມທົບກັບກະຊວງການຕ່າງປະເທດ ເພື່ອໃຫ້ມີສຳນັກງານຜູ້ຕາງໜ້າຂອງ ສປປ ລາວ ເຊັ່ນ: ສະຖານທູດ, ສະຖານກົງສຸນ ຢູ່ປະເທດທີ່ມີແຮງງານລາວເຮັດວຽກຢູ່, ໄດ້ແຕ່ງຕັ້ງພະນັກງານຄຸ້ມຄອງແຮງງານລາວໄປປະຈຳຢູ່ຕ່າງປະເທດຕາມຄວາມເໝາະສົມ, ທັງນີ້ ເພື່ອປົກປ້ອງສິດຜົນ ປະ ໂຫຍດ ຂອງຜູ້ອອກແຮງງານລາວ. ປັດຈຸບັນ, ມີແຮງງານລາວ ອອກໄປເຮັດວຽກຢູ່ຕ່າງປະເທດແບບຖືກຕ້ອງຕາມກົດໝາຍ 212,795 ຄົນ, ແຮງງານທີ່ໄປແບບຜິດກົດໝາຍຈໍານວນ 203,161 ຄົົນ ແລະ ໄດ້ສົ່ງເງິນກັບຄືນປະເທດ ປະມານ 52,110,000 ໂດລາສະຫະລັດຕໍ່ເດືອນ.

ພ້ອມນີ້, ຍັງໄດ້ເອົາໃຈໃສ່ແກ້ໄຂບັນຫາການຂາດແຄນແຮງງານຢູ່ພາຍໃນປະເທດ ໂດຍການຊີ້ນຳ ບັນດາຈຸດບໍລິການຈັດຫາງານຂັ້ນແຂວງ, ເມືອງ ແລະ ວິສາຫະກິດບໍລິການຈັດຫາງານ ເພື່ອສະໜອງແຮງງານເຂົ້າສູ່ຕຳແໜ່ງງານຕ່າງໆ, ຊຸກຍູ້, ແກ້ໄຂບັນຫາຂາດແຄນແຮງງານ ແລະ ປັບປຸງສະຫວັດດີການແຮງງານ ເຊິ່ງມີມາດຕະການແກ້ໄຂສະເພາະໜ້າເຊັ່ນ: ສືບຕໍ່ເຮັດວຽກຮ່ວມກັບ ອົງການຕາງໜ້າຜູ້ອອກແຮງງານ, ອົງການຕາງໜ້າຜູ້ໃຊ້ແຮງງານ (ໃນລະບົບໄຕພາຄີ) ເພື່ອສ້າງຄວາມກົມກຽວໃຫ້ຫລາຍຂຶ້ນກວ່າເກົ່າ, ເພີ່ມທະວີການປຶກສາຫາລືກັບນັກລົງທຶນເພື່ອໃຫ້ມີສ່ວນຮ່ວມແຕ່ຫົວທີໃນການ ສະໜອງຂໍ້ມູນຄວາມຕ້ອງການຂອງຕະຫລາດແຮງງານ, ກໍຄືຕຳແໜ່ງງານຕົວຈິງ ໃນແຕ່ລະໄລຍະ ເພື່ອຮ່ວມກັນດັດປັບຫລັກສູດ, ວິທີການຝຶກ, ພັດທະນາສີມືແຮງງານ, ການປະກາດຮັບສະໝັກແຮງງານ, ຝຶກກ່ອນເຂົ້າສູ່ຕຳແໜ່ງງານ, ອອກໃບຢັ້ງຍືນສີມືແຮງງານເພື່ອຮັບປະກັນເງິນເດືອນພື້ນຖານ, ຄ່າແຮງງານ, ສະຫວັດດີການແຮງງານ ແລະ ຮັບປະກັນໃຫ້ແຮງງານໄດ້ຮັບການປົກປ້ອງຕາມກົດໝາຍວ່າດ້ວຍແຮງງານ ແລະ ກົດໝາຍວ່າດ້ວຍການປະກັນສັງຄົມ;

- Visit Laos Visit SALANA BOUTIQUE HOTEL - ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ

ສືບຕໍ່ສົມທົບບັນດາຂະແໜງການທີ່ກ່ຽວຂ້ອງ ຄົ້ນຄວ້າປັບຄ່າແຮງງານຂັ້ນຕໍ່າ ເພື່ອດຶງດູດແຮງງານເຂົ້າສູ່ຕໍາແໜ່ງງານ ທັງຍົກສູງຊີວິດການເປັນຢູ່ຂອງແຮງງານໃຫ້ດີຂຶ້ນ, ຕາມການລົງໄປພົບປະກັບບັນດາຫົວໜ່ວຍແຮງງານຕຈິງ ມີຫລາຍຫົວໜ່ວຍແຮງງານ ຈ່າຍຄ່າແຮງງານຫລາຍກວ່າການກຳນົດຄ່າແຮງງານຂັ້ນຕໍ່າແລ້ວ ສະເລ່ຍ ແມ່ນ 2,700,000 ກີບ, ແຕ່ອີງໃສ່ຄວາມຕ້ອງການໃນການໃຊ້ຈ່າຍຕົວຈິງ ຕ້ອງແມ່ນ 3,800,000 ຂຶ້ນໄປຈຶ່ງສາມາດຢູ່ໄດ້, ແຕ່ປັດໄຈຕົ້ນຕໍ ຍັງແມ່ນບັນຫາເສດຖະກິດ, ລາຄາສິນຄ້າສູງ, ເງິນເຟີ້ ລາຍຮັບບໍ່ກຸ້ມລາຍຈ່າຍ ເຊິ່ງເປັນໜຶ່ງເຫດຜົນ ທີ່ກະທົບໂດຍກົງ ຕໍ່ຜູ້ອອກແຮງງານ.

- 5 - ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ
- 3 - ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ
- 4 - ແຮງງານລາວທີ່ອອກໄປເຮັດວຽກຢູ່ຕ່າງປະເທດ ສົ່ງເງິນຕາເຂົ້າປະເທດລວມ ປະມານ 52,110,000 ໂດລາຕໍ່ເດືອນ