ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ

- 448339139 990987056370444 3701488955255001529 n - ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ
- kitchen vibe - ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ

ທ່ານ ນາງ ບຸນຄໍາ ວໍລະຈິດ ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ (ກຊສ) ໄດ້ຊີ້ແຈງຕໍ່ຄໍາຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ເມື່ອ​ວັນ​ທີ 13 ມິ​ຖຸ​ນາ 2024 ນີ້ວ່າ:

ເຖິງແມ່ນວ່າລັດຖະບານ ຈະສຸມງົບປະມານເຂົ້າ​ໃສ່ ໃນການຂຶ້ນທະບຽນອອກໃບຕາດິນ ນັບແຕ່ປີ 2021 ເປັນ ຕົ້ນມາ, ແຕ່ກໍເຫັນໄດ້ວ່າ ໃນປີ 2023 ສາມາດບັນລຸໄດ້ ພຽງແຕ່ປະມານ 48% (191.286 ຕອນ) ຂອງແຜນການ (ແຜນ​ການ 400.000 ຕອນ) ແລະ ໃນ 6 ເດືອນຕົ້ນ ຂອງ ປີ 2024 ແມ່ນສາມາດບັນລຸໄດ້ ປະມານ 22% (67.489 ຕອນ) ຂອງແຜນການທີ່ວາງໄວ້ (ແຜນ​ການ 300.000 ຕອນ). ໃນໄລຍະຜ່ານມາ, ກຊສ ກໍໄດ້ຊຸກຍູ້ອົງການປົກຄອງທ້ອງຖິ່ນ ໃນການຈັດຕັ້ງປະຕິບັດວຽກງານດັ່ງກ່າວ ແຕ່ກຍັງມີຂໍ້ຫຍຸ້ງຍາກ ແລະ ມີຫລາຍສາເຫດເປັນຕົ້ນ: ທີ່ດິນທີ່ຍັງເຫຼືອ ໃນການຂຶ້ນທະບຽນອອກໃບຕາດິນ ແມ່ນເປັນທີ່ດິນກະສິກຳ ແລະ ປ່າໄມ້ ຊຶ່ງມີຂະໜາດກວ້າງ ແລະ ຕ້ອງໃຊ້ເວລາໃນການວັດແທກຫຼາຍ. ນອກຈາກນັ້ນ, ການຮັບຮູ້ສິດການນຳໃຊ້ທີ່ດິນ ຫາ​ກໍໄດ້ຮັບຮອງ ຈາກຄະນະປະຈຳສະພາແຫ່ງຊາດ ແລະ ກຳລັງກະກຽມຜັນຂະຫຍາຍ.

- Visit Laos Visit SALANA BOUTIQUE HOTEL - ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ

ພ້ອມນີ້, ຫຼາຍແຂວງ ເພີ່ມຂັ້ນຕອນການອອກໃບຕາດິນ, ການມອບວຽກ ໃຫ້ເມືອງ, ຂັ້ນແຂວງ ຍັງໃຊ້ເວລາກວດກາເຕັກນິກ ແລະ ແກ່ຍາວ ບໍ່ສາມາດເຊັນໃບຕາດິນ, ໂຕເລກການສຳຫຼວດວັດແທກ ຕອນດິນແມ່ນມີຈຳນວນຫຼາຍ ແຕ່ການເຊັນໃບຕາດິນ ອອກແມ່ນມີໜ້ອຍ. ນັບແຕ່ທ້າຍປີ 2023 ເປັນຕົ້ນມາ ຮອດເດືອນພຶດສະພາ 2024, ໂຄງການຂຶ້ນທະບຽນອອກໃບຕາດິນ ສາມາດສຳຫຼວດວັດແທກຕອນດິນໄດ້ 154.991 ຕອນ ແຕ່ເຊັນໃບຕາດິນໄດ້ ພຽງ 67.489 ຕອນ, ນັ້ນໝາຍວ່າ ຍັງມີຕອນດິນຈຳນວນ 87.502 ຕອນ ຍັງລໍຖ້າເຊັນໃບຕາດິນ.

ນອກຈາກນີ້, ການມອບວຽກໃຫ້ເມືອງ ມີຄວາມຫຼ້າຊ້າ ແລະ ຍັງມີລັກສະນະລໍຖ້າໃນຫຼາຍແຂວງ, ເຖິງວ່າໄດ້ມີການຕົກລົງແລ້ວ, ແຕ່ການປະຕິບັດຕົວຈິງ ໂດຍສະເພາະ ການມອບຈໍານວນຕອນດິນ, ການມອບພະນັກງານ ຈາກແຂວງລົງເມືອງ ແມ່ນຍັງບໍ່ທັນໄດ້ປະຕິບັດໃນຫຼາຍເມືອງ ແລະ ອື່ນໆ.

ທີ່ມາ: Lao National Radio

- 3 - ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ
- 5 - ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ
- 4 - ການຂຶ້ນທະບຽນອອກໃບຕາດິນ ມີຄວາມຫຍຸ້ງຍາກຫຼາຍ