ກັກຕົວຜົວເມຍຄູ່ສ້າງຄູ່ສາ ຄ້າຂາຍນ້ຳກະທ່ອມ ພ້ອມຢຶດນ້ຳກະທ່ອມ 140 ລິດ
June 17, 2024 - 10:14 AM
ວັນທີ 13 ມິຖຸນາ 2024, ເຈົ້າໜ້າທີ່ວິຊາສະເພາະ ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງຈໍາພອນ ແຂວງສະຫວັນນະເຂດ ໄດ້ຮັບແຈ້ງຈາກພົນລະເມືອງດີວ່າມີກຸ່ມໄວໜຸ່ມຢູ່ເຂດບ້ານ ດອນແຍງ ເມືອງຈຳພອນ ຄ້າ-ຂາຍນ້ຳກະທ່ອມ ໃຫ້ກຸ່ມນັກຮຽນຊື້ໄປມົ້ວສຸມດື່ມຕາມເສັ້ນທາງ ຄັນຝາຍສຸຍ ເມືອງຈຳພອນ, ດັ່ງນັ້ນເຈົ້າໜ້າທີ່ຈຶ່ງລົງກວດກາ ແລະ ກັກຕົວເປົ້າໝາຍໄດ້ 2 ຄື: ທ້າວ ແມັກ ອາຍຸ 20 ປີ, ອາຊີບສ້ອມແປງ ແລະ ນາງ ຈັນພອນທິບ ອາຍຸ 19 ປີ ອາຊີບຄ້າຂາຍ (ເຊິ່ງເປັນຜົວເມຍກັນ) ຢູ່ບ້ານ ດອນແຍງ ເມືອງຈຳພອນ ແຂວງສະຫວັນນະເຂດ ພ້ອມດ້ວຍຂອງກາງໃບກະທ່ອມ 2,5 ກິໂລກຣາມ, ນ້ຳກະທ່ອມ 140 ລິດ.
ຈາກນັ້ນຈຶ່ງນຳຕົວມາສືບສວນ-ສອບສວນ ເພື່ອດໍາເນີນຄະດີຕາມລະບຽບກົດໝາຍ.
