ຕໍາຫລວດເມືອງພູກູດຈັບ​ຜູ້ຄ້າຢາ​ເສບຕິດອັນຕະລາຍມາດໍາເນີນຄະດີ

- Untitled 1 copy 20 - ຕໍາຫລວດເມືອງພູກູດຈັບ​ຜູ້ຄ້າຢາ​ເສບຕິດອັນຕະລາຍມາດໍາເນີນຄະດີ
- Untitled design - ຕໍາຫລວດເມືອງພູກູດຈັບ​ຜູ້ຄ້າຢາ​ເສບຕິດອັນຕະລາຍມາດໍາເນີນຄະດີ

​ເຈົ້າໜ້າ​ທີ່ ປກສ ​ເມືອງ​ພູ​ກູດ​ແຂວງ​ຊຽງ​ຂວາງ ລາຍງານໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກພົນລະເມືອງດີວ່າໄດ້ມີຄົນບໍ່ດີເຄື່ອນໄຫວຄ້າຂາຍຢາເສບຕິດໃຫ້ໄວລຸ້ນໃນເຂດເທດສະບານເມືອງ, ຈຶ່ງໄດ້ຈັດກໍາລັງເຈົ້າໜ້າທີ່ວິຊາສະເພາະລົງຕິດຕາມ ແລະ ສາມາດພົບເຫັນເປົ້າໝາຍ ແລະ ຈັບຕົວໄດ້ຄື: ​ທ້າວ ພົມ​ມີ(​ໂປະ) ອາຍຸ 32 ປີຢູ່​ບ້ານ​ນາ​ຄວນ​ເມືອງ​ພູ​ກູດ ແລະ ຜ່ານການກວດຄົ້ນເຮືອນພົບເຫັນ​ຂອງ​ກາງ​ຢາ​ບ້າພັນກວ່າ​ເມັດ, ປືນ 5 ກະບອກ, ພ້ອມ​ກະ​ສູນ 77 ລູກ, ​ແກັບ​ໝາກ​ຝ່າ 65 ດອກ ​ແລະ ໝື້ລະ​ເບີດໜັກ 7 ກິໂລ, ​ເຄື່ອງກວດເຫລັກໜຶ່ງຊຸດ, ເງິນ 34 ລ້ານກີບ ​ແລະ ວັດຖຸບູຮານ​ຈຳນວນ​ໜຶ່ງ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີ.

ຜ່ານ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່ຜູ້ກ່ຽວ​ໄດ້​ຮັບສາລະພາບ​ວ່າ: ຢາ​ບ້າ ​ແລະ ອາວຸດ​ດັ່ງກ່າວ​ເປັນ​ຂອງຕົນແທ້, ໂດຍ​ຊື້ມາຈາກ​ຂະ​ບວນການດຽວ​ກັນ ເພື່ອໄວ້ຈໍາໜ່າຍໃຫ້​ໄວ​ລຸ້ນພາຍໃນບ້ານ ແລະ ບ້ານໃກ້ຄຽງ ແລະ ຄະດີຢາເສບຕິດລາຍນີ້, ເຈົ້າໜ້າທີ່ພວມຂະຫຍາຍຜົນຫາຜູ້ຮ່ວມຂະບວນການເພື່ອຈັບຕົວມາດໍາເນີນຄະດີຕາມລະບຽບກົດ ໝາຍ.

 

- Wave100S AD to Website 2020 0 - ຕໍາຫລວດເມືອງພູກູດຈັບ​ຜູ້ຄ້າຢາ​ເສບຕິດອັນຕະລາຍມາດໍາເນີນຄະດີ
- WhatsApp Image 2020 05 27 at 5 - ຕໍາຫລວດເມືອງພູກູດຈັບ​ຜູ້ຄ້າຢາ​ເສບຕິດອັນຕະລາຍມາດໍາເນີນຄະດີ
- WhatsApp Image 2020 05 27 at 5 - ຕໍາຫລວດເມືອງພູກູດຈັບ​ຜູ້ຄ້າຢາ​ເສບຕິດອັນຕະລາຍມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!