ສານປະຊາຊົນສູງສຸດຈະສູ້ຊົນແກ້ໄຂຄະດີໃຫ້ບັນລຸ 85% ຂຶ້ນໄປ

- Law - ສານປະຊາຊົນສູງສຸດຈະສູ້ຊົນແກ້ໄຂຄະດີໃຫ້ບັນລຸ 85% ຂຶ້ນໄປ
- AGL banner - ສານປະຊາຊົນສູງສຸດຈະສູ້ຊົນແກ້ໄຂຄະດີໃຫ້ບັນລຸ 85% ຂຶ້ນໄປ

ເຊົ້າວັນທີ 25 ຕຸລານີ້, ທ່ານ ຄໍາພັນ ສິດທິດໍາພາ ປະທານສານປະຊາຊົນສູງສຸດ ໄດ້ກວ່າໃນກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII ວ່າ: ເພື່ອສືບຕໍ່ຈັດຕັ້ງຜັນຂະຫຍາຍ ມະຕິກອງປະຊຸມສະໄໝສາມັນ ຂອງສະພາແຫ່ງຊາດເທື່ອນີ້ ສານປະຊາຊົນສານປະຊາຊົນສູງສຸດກໍໄດ້ວາງແຜນພັດທະນາລະບົບສານຂອງຕົນ ໃຫ້ມີຄວາມເຂັ້ມແຂງ ແລະ ແກ້ໄຂຂໍ້ຫຍຸ້ງຍາກ, ຄົງຄ້າງໃຫ້ໝົດໄປໃນປີ 2018 ໂດຍຈະສຸມໃສ່ໜ້າວຽກດັ່ງນີ້: ຈະເອົາໃຈໃສ່ພິຈາລະນາແກ້ໄຂຂະດີໃຫ້ມີຄວາມວ່ອງໄວ ແລະ ບັນລຸໄດ້ຢ່າງນ້ອຍ 85% ຂອງຈໍານວນຄະດີທັງໝົດ ຢ່າງມີຄຸນນະພາບ, ປະຊາຊົນມີຄວາມພໍໃຈຕໍ່ການຕັດສິນ ແລະ ເຫັນດີນໍາໄປຈັດຕັ້ງປະຕິບັດຫຼາຍຂຶ້ນ, ອັດຕາການຂໍອຸທອນ ແລະ ຂໍລົບລ້າງຫຼຸດລົງ, ເຮັດໃຫ້ຜູ້ພິພາກສາຂອງພະນັກງານສານມີຄຸນທາດການເມືອງ, ຈັນຍາບັນ-ຈັນຍາທໍາໜັກແໜ້ນ ແລະ ມີຄວາມສາມາດທາງດ້ານວິຊາສະເພາະ-ວິຊາການ, ຮັບປະກັນຄວາມສະເຫງົບຄວາມປອດໄພຢູ່ໃນການຈັດຕັ້ງຂອງສານ, ປັບປຸງ ແລະ ຂະຫຍາຍການຈັດຕັ້ງຂອງສານ ໃຫ້ກະທັດຮັດ, ສອດຄ່ອງກັບສະພາບຄວາມເປັນຈິງຂອງສານ ແລະ ສາມາດເຊື່ອມໂຍງກັບສາກົນເທື່ອລະກ້າວ, ທັງປັບປຸງກົດໝາຍໃຫ້ໄດ້ໜຶ່ງສະບັບຕາມແຜນການທີ່ກອງປະຊຸມສະພາບແຫ່ງຊາດຮັບຮອງ ແລະ ອອກນິຕິກໍາລຸ່ມກົດໝາຍໃຫ້ຫຼາຍ ເພື່ອເປັນເຄື່ອງມືໃນການປະຕິບັດ, ພ້ອມທັງສູ້ຊົນບໍລິຫານສານໃຫ້ມີຄຸນນະພາບ ແລະ ປະສິດທິຜົນສູງ, ມີພື້ນຖານທາງດ້ານວັດຖຸເຕັກນິກທີ່ທັນສະໄໝ ແລະ ສາມາດປະຕິບັດພາລະບົດບາດໜ້າທີ່ໃນການປົກປ້ອງລັດດ້ວຍກົດໝາຍໃຫ້ມີຄວາມສັກສິດ, ເຂັ້ມງວດ ແລະ ຍຸຕິທໍາ.

- lattana banner - ສານປະຊາຊົນສູງສຸດຈະສູ້ຊົນແກ້ໄຂຄະດີໃຫ້ບັນລຸ 85% ຂຶ້ນໄປ
- lattana banner 1 - ສານປະຊາຊົນສູງສຸດຈະສູ້ຊົນແກ້ໄຂຄະດີໃຫ້ບັນລຸ 85% ຂຶ້ນໄປ
-    AD conten website - ສານປະຊາຊົນສູງສຸດຈະສູ້ຊົນແກ້ໄຂຄະດີໃຫ້ບັນລຸ 85% ຂຶ້ນໄປ
error: Alert: ເນື້ອຫາຂ່າວມີລິຂະສິດ !!