ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ

ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ - Muslims will pray on Mount Arafat in soaring temperatures on June 15 in the high point and most gruelling day of the annual Hajj pilgrimage  SaudiReligionIslamHajj 5 - ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ
ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ - kitchen vibe - ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ

      ຕົວເລກຢ່າງເປັນທາງການຂອງຜູ້ສະແຫວງບຸນທີ່ເສຍຊີວິດລະຫວ່າງການຈັດພິທີຮັນຢູ່ນະຄອນເມກກະ ປະເທດຊາອຸດິອາຣະເບຍ ໃນປີນີ້ເພີ່ມສູງຂຶ້ນເປັນເກືອບ 500 ຄົນແລ້ວ. ຂະນະທີ່ຄາດວ່າຈໍານວນຜູ້ເສຍຊີວິດທີ່ແທ້ຈິງອາດຫລາຍກວ່ານັ້ນເຖິງສອງເທົ່າ ເນື່ອງຈາກສະພາບອາກາດທີ່ຮ້ອນອົບເອົ້າ ທ່າມກາງອຸນຫະພູມທີ່ສູງເຖິງເກືອບ 50 ອົງສາ.

      ຈໍານວນຜູ້ເສຍຊີວິດທີ່ໄດ້ຮັບການຢືນຢັນຈາກທາງການຂອງແຕ່ລະປະເທດປະກອບມີ ຊາວມາເລເຊຍ 14 ຄົນ, ອິນໂດເນເຊຍ 165 ຄົນ, ຈໍແດນ 75 ຄົນ, ປາກິດສະຖານ 35 ຄົນ, ຕູນິເຊຍ 49 ຄົນ, ອີຣານ 11 ຄົນ ແລະ ອິນເດຍ 98 ຄົນ.

ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ - Visit Laos Visit SALANA BOUTIQUE HOTEL - ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ

     ເຖິງຢ່າງໃດກໍຕາມ, ຄາດວ່າຕົວເລກຜູ້ເສຍຊີວິດຈະເພີ່ມສູງຂຶ້ນອີກ ເນື່ອງຈາກຊາອຸດິອາຣະເບຍ ແລະ ອີຢິບຍັງບໍ່ເປີດເຜີຍຕົວເລກຜູ້ເສຍຊີວິດຢ່າງເປັນທາງການຂອງແຕ່ລະປະເທດ.

      ຕົວເລກຜູ້ສະແຫວງບຸນຊາວອີຢິບທີ່ເສຍຊີວິດໃນພິທີຮັນມີທັງໝົດ 28 ຄົນຕາມຖະແຫລງການຂອງຄະນະລັດຖະບານອີຢິບໃນວັນທີ 20 ມິຖຸນາຜ່ານມາ. ເຖິງຢ່າງໃດກໍຕາມ, ສໍານັກຂ່າວຕ່າງປະເທດລາຍງານວ່າ: ມີຊາວອີຢິບເສຍຊີວິດສູງເຖິງ 500-600 ຄົນ.

      ສ່ວນກະຊວງການຕ່າງປະເທດອາເມລິກາ ເປີດເຜີຍວ່າ: ມີພົນລະເມືອງຊາວອາເມລິກາຫລາຍຄົນເສຍຊີວິດລະຫວ່າງພິທີຮັນ, ແຕ່ບໍ່ໄດ້ລະບຸຕົວເລກ.

      ສາເຫດທີ່ຕົວເລກຜູ້ເສຍຊີວິດຢ່າງເປັນທາງການຕໍ່າກວ່າຕົວເລກທີ່ແທ້ຈິງນັ້ນ ເປັນຍ້ອນລັດຖະບານມີຂໍ້ມູນສະເພາະຜູ້ທີ່ລົງທະບຽນເດີນທາງໄປເຂົ້າຮ່ວມພິທີຮັນຕາມໂກຕ້າທີ່ແຕ່ລະປະເທດໄດ້ຮັບການຈັດສັນຈາກຊາອຸດິອາຣະເບຍ.

     ນອກຈາກຜູ້ເສຍຊີວິດແລ້ວ ຍັງມີຜູ້ສະແຫວງບຸນຈໍານວນຫລາຍທີ່ເກີດການເຈັບເປັນ, ບໍ່ສະບາຍ ເນື່ອງຈາກພະຍາດລົມແດດ ແລະ ອາການອື່ນໆ ຈົນຕ້ອງເຂົ້າຮັບການປິ່ນປົວຢູ່ໂຮງໝໍ. ລັດຖະບານຊາອຸດິອາຣະເບຍເປີດເຜີຍໃນວັນທີ 17 ມິຖຸນາຜ່ານມາວ່າ: ມີຜູ້ເຂົ້າຮັບການປິ່ນປົວຈາກພະຍາດລົມແດດຫລາຍກວ່າ 2,700 ຄົນ ຫລັງຊາວມຸດສະລິມປະມານ 1.8 ລ້ານຄົນເຂົ້າຮ່ວມພິທີທ່າມກາງອຸນຫະພູມທີ່ສູງເຖິງຂັ້ນອັນຕະລາຍ 49 ອົງສາ.

      ກະຊວງສາທາລະນະສຸກຂອງຊາອຸດິອາຣະເບຍດໍາເນີນມາດຕະການເພື່ອຄວາມປອດໄພຂອງຜູ້ສະແຫວງບຸນເຊັ່ນ: ການຈັດກຽມເຕັ້ນຕິດແອຕາມເສັ້ນທາງທີ່ຜູ້ສະແຫວງບຸນເດີນທາງຜ່ານ ແລະ ຄອຍກະຕຸ້ນເຕືອນໃຫ້ຜູ້ສະແຫວງບຸນໃຊ້ຄັນຮົ່ມກັນແດດ ແລະ ດື່ມນໍ້າໃຫ້ພຽງພໍ. ນອກຈາກນີ້ ກອງທັບຊາອຸດິອາຣະເບຍໄດ້ຈັດກໍາລັງເຈົ້າໜ້າທີ່ຫລາຍກວ່າ 1,600 ຄົນ ພ້ອມໜ່ວຍແພດສໍາລັບເບິ່ງແຍງຜູ້ປ່ວຍເປັນພະຍາດລົມແດດໂດຍສະເພາະ, ທີມປະຕິບັດການສຸກເສີນ 30 ທີມ ຕະຫລອດຈົນອາສາສະໝັກສາທາລະນະສຸກ ແລະ ປະຖົມພະຍາບານອີກ 5,000 ຄົນ.

      ເຖິງຢ່າງໃດກໍຕາມ, ຈໍານວນຜູ້ເສຍຊີວິດທີ່ເພີ່ມສູງເຮັດໃຫ້ເກີດຄໍາຖາມວ່າ: ການກຽມການດັ່ງກ່າວອາດຍັງບໍ່ພໍ ຫລື ບໍ່.

     ດຣ. ໂມຮໍາໝັດ ນາອິມ ມອກຕາ ລັດຖະມົນຕີວ່າການກະຊວງກິດຈະການສາສະໜາຂອງມາເລເຊຍ ກ່າວວ່າ: ຜູ້ສະແຫວງບຸນສ່ວນຫລາຍເສຍຊີວິດຈາກພະຍາດຫົວໃຈ, ພະຍາດປອດບວມ ແລະ ການຕິດເຊື້ອໃນກະແສເລືອດ. ຕາມລາຍງານຂອງສໍານັກຂ່າວ BERNAMA, ແຕ່ລາຍງານຂ່າວບໍ່ໄດ້ລະບຸວ່າຜູ້ເສຍຊີວິດຊາວມາເລເຊຍເປັນຜູ້ສະແຫວງບຸນທີ່ລົງທະບຽນຕາມໂກຕ້າຂອງປະເທດ ຫລື ບໍ່.

     ໂຄສົກກະຊວງການຕ່າງປະເທດຂອງອິນເດຍລະບຸວ່າ: ຜູ້ເສຍຊີວິດສ່ວນຫລາຍເສຍຊີວິດຈາກສາເຫດທໍາມະຊາດ, ພະຍາດຊໍາເຮື້ອ ແລະ ພະຍາດຂອງຜູ້ເຖົ້າ.

      ຂະນະດຽວກັນມີລາຍງານວ່າ: ຜົນກະທົບຈາກຊາວຕູນິເຊຍເສຍຊີວິດເປັນຈໍານວນຫລາຍໃນພິທີຮັນປີນີ້ ສົ່ງຜົນເຮັດໃຫ້ປະທານາທິບໍດີ ຄາອິສ ໄຊເອດ ປະກາດໄລ່ລັດຖະມົນຕີກະຊວງກິດຈະການສາສະໜາ ອິບຣາຮິມ ໄຊບີ ອອກຈາກຕໍາແໜ່ງ ໂດຍກ່ອນຈະຖືກໄລ່ອອກ ທ່ານ ໄຊບີ ອອກມາຍອມຮັບວ່າ: ການເສຍຊີວິດໃນພິທີຮັນອາດເກີດຈາກຄວາມປະໝາດຂອງກະຊວງໃນການເບິ່ງແຍງຜູ້ສະແຫວງບຸນ.

      ສໍານັກງານສະຖິຕິຂອງຊາອຸດິອາຣະເບຍເປີດເຜີຍວ່າ: ຊາວມຸດສະລິມຫລາຍກວ່າ 1.8 ລ້ານຄົນເຂົ້າຮ່ວມພິທີຮັນໃນປີນີ້ ເຊິ່ງເປັນໜຶ່ງໃນການຊຸມນຸມທາງສາສະໜາໃຫຍ່ທີ່ສຸດໃນໂລກ.

     ເຖິງວ່າຈະມີຜູ້ສະແຫວງບຸນເສຍຊີວິດໃນພິທີຮັບທຸກປີ ໂດຍປີຜ່ານມາມີຜູ້ເສຍຊີວິດຫລາຍກວ່າ 200 ຄົນ, ແຕ່ຈໍານວນຜູ້ເສຍຊີວິດໃນປີນີ້ເພີ່ມສູງຂຶ້ນຫລາຍ ເນື່ອງຈາກກົງກັບໄລຍະອາກາດຮ້ອນ ໂດຍພິທີຮັນໃນແຕ່ລະປີຈະບໍ່ກົງກັນ. ສໍາລັບປີນີ້ກົງກັບເດືອນມິຖຸນາ ເຊິ່ງເປັນໜຶ່ງໃນເດືອນຮ້ອນທີ່ສຸດຂອງຊາອຸດິອາຣະເບຍ.

ອ້າງອີງ:https://edition.cnn.com/2024/06/21/middleeast/hajj-deaths-mecca-extreme-heat-intl-latam/index.html

ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ - 5 - ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ
ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ - 3 - ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ
ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ - 4 - ອາກາດຮ້ອນອົບເອົ້າເຮັດໃຫ້ຜູ້ສະແຫວງບຸນພິທີຮັນເສຍຊີວິດເພີ່ມຂຶ້ນຕໍ່ເນື່ອງ ຄາດວ່າສູງເຖິງ 1,000 ຄົນ