ມອງໂກເລຍຜະເຊີນ ຫິມະລະດູຮ້ອນ ຫາຍາກ
June 23, 2024 - 2:34 PM

ຫລາຍພື້ນທີ່ຂອງມອງໂກເລຍ ລວມທັງນະຄອນຫລວງອູລານບາຕໍ ຂອງປະເທດ ມີຫິມະລະດູຮ້ອນຕົກລົງມາສ້າງຄວາມໜາວເຢັນ ໃນວັນທີ 21 ມິຖຸນາຜ່ານມາ.
ລາຍງານລະບຸວ່າ: ພາກກາງ, ຕາເວັນອອກ ແລະ ຕາເວັນຕົກຂອງມອງໂກເລຍມີຝົນຕົກໜັກນັບແຕ່ເຊົ້າວັນທີ 20 ມິຖຸນາ ແລະ ກາຍເປັນຫິມະຕົກໃນເຊົ້າວັນທີ 22 ມິຖຸນາ.
ເຖິງວ່າມອງໂກເລຍມີສະພາບອາກາດແບບພາກພື້ນທະວີບທີ່ແປປ່ວນ, ແຕ່ການມີຫິມະຕົກໃນລະດູຮ້ອນຖືເປັນປາກົດການຫາຍາກ.
ທັງນີ້, ສໍານັກງານການແກ້ໄຂເຫດສຸກເສີນແຫ່ງຊາດມອງໂກເລຍກະຕຸ້ນເຕືອນປະຊາຊົນລະມັດລະວັງໄພພິບັດທີ່ອາດເກີດຂຶ້ນໄດ້.
ໜ່ວຍງານອຸຕຸນິຍົມວິທະຍາຂອງມອງໂກເລຍຄາດຄະເນວ່າ: ສະພາບອາກາດແປປ່ວນນີ້ຈະຍັງເກີດຂຶ້ນຈົນຮອດທ້າຍອາທິດນີ້.