ກະຊວງຍຸຕິທໍາເລັ່ງປັບປຸງກົງຈັກອົງການປະຕິບັດຄໍາຕັດສິນຂອງສານໃຫ້ເຂັ້ມແຂງ

- 7888 - ກະຊວງຍຸຕິທໍາເລັ່ງປັບປຸງກົງຈັກອົງການປະຕິບັດຄໍາຕັດສິນຂອງສານໃຫ້ເຂັ້ມແຂງ
- AGL banner - ກະຊວງຍຸຕິທໍາເລັ່ງປັບປຸງກົງຈັກອົງການປະຕິບັດຄໍາຕັດສິນຂອງສານໃຫ້ເຂັ້ມແຂງ

ທ່ານ ໄຊສີ ສັນຕິວົງ ລັດຖະມົນຕີ ກະຊວງຍຸຕິທໍາ ກ່າວໃນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII, ໃນວັນທີ 25 ຕຸລານີ້ວ່າ: ເພື່ອສືບຕໍ່ຈັດຕັ້ງຜັນຂະຫຍາຍ ມະຕິກອງປະຊຸມສະໄໝສາມັນ ຂອງສະພາແຫ່ງຊາດເທື່ອນີ້ ກະຊວງຍຸຕິທໍາ ໄດ້ວາງແຜນສືບຕໍ່ປັບປຸງກົງຈັກການຄຸ້ມຄອງ ແລະ ອົງການຈັດຕັ້ງປະຕິບັດຄໍາຕັດສິນຂອງສານ ໃຫ້ມີຄວາມໜັກແໜ້ນ, ເຂັ້ມແຂງທາງດ້ານການເມືອງ,  ແນວຄິດ ແລະ ມີແບບແຜນວິທີເຮັດວຽກທີ່ດີ ເພື່ອເຮັດໃຫ້ການຈັດຕັ້ງປະຕິບັດຄໍາຕັດສິນຂອງສານ ມີທັດສະນະທີ່ຖືກຕ້ອງ ແລະ ໂປ່ງໃສ, ເອົາໃຈໃສ່ສ້າງເງື່ອນໄຂອໍານວຍຄວາມສະດວກ ໃຫ້ອົງການຈັດຕັ້ງປະຕິບັດຄໍາຕັດສິນຂອງສານ ແລະ ເພີ່ມທະວີກົນໄກການປະສານສົມທົບກັບພາກສ່ວນກ່ຽວຂ້ອງ ໃຫ້ມີຄວາມແໜ້ນແຟ້ນ ແລະ ກົມກຽວ ແນໃສ່ຮັບປະກັນໃຫ້ການຈັດຕັ້ງປະຕິບັດຄໍາຕັດສິນຂອງສານມີຄວາມວ່ອງໄວ, ຖືກຕ້ອງ, ເຂັ້ມງວດ ແລະ ສັກສິດ, ສູ້ຊົນສ້າງບາດກ້າວບຸກທະລຸໃນການຈັດຕັ້ງປະຕິບັດຄໍາຕັດສິນຂອງສານ ໃຫ້ບັນລຸຄາດໝາຍທີ່ວາງໄວ້, ພ້ອມທັງຕັ້ງໜ້າສຶກສາອົບຮົມ, ໂຄສະນາເຜີຍແຜ່ມາດຕາ 98 ຂອງລັດຖະທໍາມະນູນ ແລະ ກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານໃຫ້ເລິກເຊິ່ງ, ທົ່ວທຸກເປົ້າໝາຍ ເພື່ອສ້າງຄວາມຮູ້, ຄວາມເຂົ້າໃຈ, ຈິດສໍານຶກຕໍ່ຄໍາຕັດສິນຂອງສານ ໃຫ້ຖືກຕ້ອງຕາມລັດຖະທໍາມະນູນ, ກົດໝາຍ ແລະ ຄໍາຕັດສິນຂອງສານ, ສືບຕໍ່ຄົ້ນຄວ້າ ແລະ ປັບປຸງກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ ແລະ ສ້າງນິຕິກໍາໃຕ້ກົດໝາຍ ເພື່ອເປັນບ່ອນອີງໃຫ້ການຈັດຕັ້ງປຕບັດຄໍາຕັດສິນຂອງສານ, ຫັນພະນັກງານລົງຊ່ວຍແຂວງທີ່ມີຄວາມຫຍຸ້ງຍາກທາງດ້ານບຸກຄະລາກອນ ເພື່ອຊຸກຍູ້ ແລະ ຊີ້ນໍາຕົວຈິງໃນການຈັດຕັ້ງປະຕິບັດຄໍາຕັດສິນຂອງສານ ເປັນຕົ້ນແມ່ນນະຄອນຫຼວງວຽງຈັນ ຊຶ່ງເປັນຈຸດທີ່ມີຄໍາຕັດສິນຄ້າງ ແລະ ພວມປະຕິບັດ ກວມເອົາ 45% ຂອງຈໍານວນຄໍາຕັດສິນທົ່ວປະເທດ, ສືບຕໍ່ຄົ້ນຄວ້າ, ສະຫຼຸບສັງລວມສະຖິຕິຄໍາຕັດສິນຄະດີປະເພດຕ່າງໆທີ່ພວມປະຕິບັດ ແລະ ຄໍາຕັດສິິນທີ່ບໍ່ມີເງື່ອນໄຂປະຕິບັດໄດ້ນັ້ນ ໃຫ້ຊັດເຈນທາງດ້ານຈໍານວນ, ບັນດາສາເຫດ ເພື່ອກໍານົດວິທີການ ແລະ ມາດຕະການແກ້ໄຂໃຫ້ຖືກຕ້ອງ ແລະ ສອດຄ່ອງ, ພ້ອມເພີ່ມທະວີການພົວພັນແລກປ່ຽນບົດຮຽນກັບຕ່າງປະເທດ ໂດຍສະເພາແມ່ນບັນດາປະເທດເພື່ອນິດຍຸດທະສາດເຊັ່ນ: ສສ ຫວຽດນາມ, ສປ ຈີນ ເພື່ອຄົ້ນຄວ້າຊອກຮູ້ບົດຮຽນທີ່ດີຂອງບັນດາປະເທດດັ່ງກ່າວ ມາໝູນໃຊ້ເຂົ້າໃນການປັບປຸງອົງການຈັດຕັ້ງປະຕິບັດຄໍາຕັດສິນຂອງສານ ໃຫ້ສອດຄ່ອງ, ໜັກແໜ້ນ ແລະ ເຂັ້ມແຂງ.

 

 

-    AD conten website - ກະຊວງຍຸຕິທໍາເລັ່ງປັບປຸງກົງຈັກອົງການປະຕິບັດຄໍາຕັດສິນຂອງສານໃຫ້ເຂັ້ມແຂງ
- lattana banner 1 - ກະຊວງຍຸຕິທໍາເລັ່ງປັບປຸງກົງຈັກອົງການປະຕິບັດຄໍາຕັດສິນຂອງສານໃຫ້ເຂັ້ມແຂງ
- lattana banner - ກະຊວງຍຸຕິທໍາເລັ່ງປັບປຸງກົງຈັກອົງການປະຕິບັດຄໍາຕັດສິນຂອງສານໃຫ້ເຂັ້ມແຂງ
error: Alert: ເນື້ອຫາຂ່າວມີລິຂະສິດ !!