​ກຳລັງ​ເຈົ້າໜ້າທີ່​ກຽມຄວາມ​ພ້ອມ​ຮັກສາ​ຄວາມ​ສະຫງົບ​ງານ​ບຸນທາດຫລວງ ​ແລະ ພິທີ​ເປີດ​ປີ​ທ່ອງ​ທ່ຽວລາວ 2018.

- 22792365 1491649327537726 5889122839578555634 o - ​ກຳລັງ​ເຈົ້າໜ້າທີ່​ກຽມຄວາມ​ພ້ອມ​ຮັກສາ​ຄວາມ​ສະຫງົບ​ງານ​ບຸນທາດຫລວງ ​ແລະ ພິທີ​ເປີດ​ປີ​ທ່ອງ​ທ່ຽວລາວ 2018.
- Untitled design - ​ກຳລັງ​ເຈົ້າໜ້າທີ່​ກຽມຄວາມ​ພ້ອມ​ຮັກສາ​ຄວາມ​ສະຫງົບ​ງານ​ບຸນທາດຫລວງ ​ແລະ ພິທີ​ເປີດ​ປີ​ທ່ອງ​ທ່ຽວລາວ 2018.

ວັນ​ທີ 26 ຕຸລາ​ນີ້, ທ່ານ ພົນ​ຈັດຕະວາ  ບຸບຜາ ສີ​ພົມມາ ຫົວໜ້າກອງ​ບັນຊາ​ການ ປກສ ນະຄອນຫລວງ​ວຽງຈັນ ຫົວໜ້າຄະນະ​ກຳມະການ​ຮັກສາ​ຄວາມ​ສະຫງົບ ງານ​ບຸນ​ພະທາດ​ຫລວງ​ວຽງຈັນ ​ແລະ ງານ​ເປີດ​ປີ​ທ່ອງ​ທ່ຽວລາວ 2018 ​ໄດ້​ຊີ້​ແຈງ​ຕໍ່ສື່​ມວນ​ຊົນ​ວ່າ: ​ໃນງານ​ບຸນ​ສຳຄັນ​ດັ່ງກ່າວ ປກສ ນະຄອນຫລວງໄດ້​ຈັດ​ກຳລັງ​ເຈົ້າໜ້າທີ່ຫລາຍ​ກວ່າ 2 ພັນ​ຄົນ, ​ລົງ​ຮັກສາ​ຄວາມ​ສະຫງົບ ​ແລະ ຄວາມ​ເປັນ​ລະບຽບຮຽບຮ້ອຍ​ເພື່ອ​ຮັບປະກັນ ​ໃຫ້ການ​ຈັດ​ງານ​ບຸນ​ດັ່ງກ່າວ​ໄດ້​ດຳ​ເນີນ​ໄປ​ດ້ວຍ ບັນຍາກາດ​​ເບີກບານ​ມ່ວນ​ຊື່ນ ​ແລະ ຟົດຟຶ້ນ.

ທ່ານ ຫົວໜ້າກອງ​ບັນຊາ​ການ ປກສ ​ໃຫ້​ຮູ້​ວ່າ: ​ບຸນ​ນະມັດສະການພະທາດ​ຫລວງ​ວຽງຈັນ ​ປີນີ້, ​ແມ່ນ​ມີ​ຄວາມ​ໝາຍສຳຄັນຍິ່ງ, ​ເນື່ອງ​ຈາກ​ຈະ​ມີ​ພິທີ​ເປີດ​ປີ​ທ່ອງ​ທ່ຽວລາວ 2018 ຢ່າງ​ເປັນ​ທາງ​ການ, ​ແລະ ຄາດ​ວ່າ​ຈະ​ມີ​ນັກ​ທ່ອງ​ທ່ຽວ ​ແລະ ມວນ​ຊົນ​ເຂົ້າ​ມາ​ທ່ຽວຊົມ​ຫລາຍ​ກວ່າທຸກ​ປີຜ່ານມາ, ສະ​ນັ້ນ ຈຶ່ງ​ໄດ້​ເນັ້ນ​ໃນ​ການ​ຮັກສາ​ຄວາມ​ສະຫງົບ, ປອດ​ໄພ ​ເປັນ​ຕົ້ນ​ແມ່ນການ​ສວຍ​ໂອກາດ​ຂອງ​ພວກ​ບໍ່ດີ​ດຶງ​ກະ​ເປົາ, ​ລັກລອບ​ຫລີ້ນການ​ພະນັນ, ການກໍ່ອາ​ລະວາ​ດຕີ​ກັນ ​ແລະ ອື່ນໆ, ​ໂດຍ​ໄດ້​ມີ​ຂໍ້​ຫ້າມ​ສຳລັບ​ຜູ້​ທີ່​ຈະ​ມາ​ບຸນ​ຄື: ຫ້າມ​ມີ​ການ​ໂຄສະນາ​ທຸກ​ຮູບ​ແບບ​ທີ່​ຜິດ​ຕໍ່ກົດໝາຍຂອງ ສປປ ລາວ, ຫ້າມ​ຂາຍ​ເຄື່ອງ ຫລື ນຳ​ເອົາ​ອາວຸດ​ທຸກ​ປະ​ເພດ​ລວມທັງ: ມີດ, ງ້າວ, ສະໜັບມື ​ເຂົ້າ​ໄປ​ໃນ​ງານ​ບຸນ ​ໂດຍ​ເດັດຂາດ, ຫ້າມ​ຂາຍ ​ແລະ ນຳ​ເອົາ​ຢາ​ເສບ​ຕິດ, ທາດ​ລະ​ເບີດ, ທາດ​ແຕກ, ທາດ​ເບື່ອ, ສານ​ເຄມີ​ທີ່​ອອກ​ລິດ​ຕໍ່ລະບົບ​ປະສາດ​ທຸກ​ຊະນິດ​ເຂົ້າມາ​ວາງ​ຂາຍ​ພາຍ​ໃນ​ງານ​ຢ່າງ​ເດ​ຂາດ, ຫ້າມ​ນຳ​ເອົາ​ຜະລິດ​ຕະພັນ​ທີ່​ຮຽນ​ແບບ​​ເຂົ້າ​ມາ​ວາງ​ຂາຍ, ຫ້າມ​ນຳ​ເຂົ້າ, ບໍລິການ​ຊື້-ຂາຍ ໂຄມ​​ໄຟ​ລອຍ​ຟ້າ ​ແລະ ຈູດໝາກກະ​ໂພ​ກທຸກ​ຊະນິດ, ຫ້າມ​ວາງ​ຂາຍ​ເຄື່ອງ​ເກີນ​ຂອບ​ເຂດ​ອອກ​ມາໜ້າຮ້ານ​ທີ່​ຄະນະ​ກຳມະການ​ຈັດ​ງານ​ຕະຫລາດນັດ​ກຳນົດ​ໄວ້, ຫ້າມ​ຂາຍ ​ແລະ ນຳ​ເອົາ​ຜະລິດ​ຕະພັນ​ວັດທະນະທຳ​ທີ່​ລາມົກ ​ແລະ ​ເຊື່ອມ​ຊາມ​ຕ່າງໆ​ເຂົ້າມາ​ໃນ​ງານ​ຢ່າງ​ເດັດຂາດ, ຫ້າມຫລີ້ນການ​ພະນັນ ​ແລະ ​ຂາຍ​ເຄື່ອງ​ຊະຊາຍ ​ໂດຍ​ບໍ່​ໄດ້​ຮັບ​ອະນຸດ​ຍາດ​ຈາກ​ຄະນະ​ກຳມະການ​ຈັດ​ງານ​ບຸນ​ຢ່າງ​ເດັດ​ຂາດ, ຫ້າມ​ດື່ມ​ສິ່ງ​ມືນ​ເມົາ ​ແລ້ວ​ກໍ່ອາ​ລະວາ​ດຕີ​ກັນ ສ້າງ​ຄວາມ​ບໍ່ສະຫງົບ​ໃນ​ງານ​ບຸນ, ສຳລັບ​ນັກສະ​ແດງ​ສິນ​ລະ​ປະ​ຢູ່​ໃນ​ງານ​ຕະຫລາດນັດ​ສາກົນ​ແຕ່ລະ​ຈຸດ​ຕ້ອງ​ແຕ່ງ​ກາຍ ​ແລະ ນຸ່ງ​ເຄື່ອງ​ສຸພາບ​ຮຽບຮ້ອຍ​ໃຫ້​ຖືກຕ້ອງ​ຕາມ​ຮີດຄອງ​ປະ​ເພນີ​ລາວ, ຫ້າມ​ຕອ​ກເຫລັກ ຫລື ສິ່ງ​ຂອງ​ຕ່າງໆ​ໃສ່​ພຶ້ນ​ເດີ່ນ​ພະທາດ​ຫລວງ​ຢ່າງ​ເດ​ຂາດ, ຫ້າມ​ນຳ​ໃຊ້ ​ໂດຼນ ຫລື ອຸປະກອນ​ຖ່າຍ​ພາບ​ທາງ​ອາກາດ. ມາດ​ຕະການ​ຈັດ​ຕັ້ງ​ປະຕິບັດ ​ແມ່ນ ​ໃຫ້ ປກສ ​ເມືອງ, ປກສ ກຸ່ມ​ບ້ານ ສົມທົບ​ອຳນາດ​ການ​ປົກຄອງກ່ຽວຂ້ອງ ​ໃນ​ກໍລະນີ​ເຈົ້າໜ້າທີ່​ກວດກາ​ພົບ​ເຫັນ​ການ​ປະພຶດ​ຂອງ​ບຸກຄົນ ຫລື ພາກສ່ວນ​ໃດໜຶ່ງທີ່​ຝ່າຝືນ​ກົດ​ລະບຽບ ​ແລະ ຂໍ້​ກຳນົດ​ຕ່າງໆທີ່​ວາງ​ອອກ ຈະ​ໄດ້​ສຶກສາ​ອົບຮົມ​ກ່າວ​ເຕືອນ, ປັບ​ໃໝ ຫລື ດຳ​ເນີນ​ຄະດີ​ຕາມ​ລະບຽບກົດໝາຍຢ່າງ​ເດັດ​ຂາດ.

- Wave100S AD to Website 2020 0 - ​ກຳລັງ​ເຈົ້າໜ້າທີ່​ກຽມຄວາມ​ພ້ອມ​ຮັກສາ​ຄວາມ​ສະຫງົບ​ງານ​ບຸນທາດຫລວງ ​ແລະ ພິທີ​ເປີດ​ປີ​ທ່ອງ​ທ່ຽວລາວ 2018.
- WhatsApp Image 2020 05 27 at 5 - ​ກຳລັງ​ເຈົ້າໜ້າທີ່​ກຽມຄວາມ​ພ້ອມ​ຮັກສາ​ຄວາມ​ສະຫງົບ​ງານ​ບຸນທາດຫລວງ ​ແລະ ພິທີ​ເປີດ​ປີ​ທ່ອງ​ທ່ຽວລາວ 2018.
- WhatsApp Image 2020 05 27 at 5 - ​ກຳລັງ​ເຈົ້າໜ້າທີ່​ກຽມຄວາມ​ພ້ອມ​ຮັກສາ​ຄວາມ​ສະຫງົບ​ງານ​ບຸນທາດຫລວງ ​ແລະ ພິທີ​ເປີດ​ປີ​ທ່ອງ​ທ່ຽວລາວ 2018.
error: Alert: ເນື້ອຫາຂ່າວມີລິຂະສິດ !!