ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ

- Untitled 1 4 - ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ
- Untitled design - ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ

ເຈົ້າໜ້າ​ທີ່ ປກສ ​ເມືອງ​ໄຊ​ເສດ​ຖານະຄອນຫລວງ​ວຽງ​ຈັນ ໃຫ້ຮູ້ວ່າ: ກໍາລັງເຈົ້າໜ້າທີ່ຕົນສາມາດຈັບຕົວທ້າວ ບຸນ​ຈັນ (ຕູ້ຍ) ອາຍຸ 41 ປີພັກເຊົາຢູ່ບ້ານດອນກອຍເມືອງສີສັດຕະນາກ, ເຊິ່ງເປັນຄົນຮ້າຍກໍ່ເຫດປຸ້ນເອົາເງິນຢູ່ ໜ່ວຍບໍລິການຂອງທະນາຄານແຫ່ງໜຶ່ງຢູ່ບ້ານວຽງຈະເລີນເມືອງໄຊເສດຖາ ແລະ ສາມາດກວາດເງິນໄປຫລາຍກວ່າ 200 ລ້ານກີບເມື່ອທ້າຍເດືອນກັນຍານີ້ ແລະ ພາຍຫລັງສືບສວນ-ສອບສວນຜູ້ກ່ຽວໄດ້ຊັກທອດເຖິງຜູ້ຮ່ວມຂະບວນການທີ່ເຄີຍເຄື່ອນໄຫວກໍ່ເຫດປຸ້ນຊັບພົນລະເມືອງຮ່ວມກັນໃນຜ່ານມາ ແລະ ເຈົ້າໜ້າທີ່ສາມາດນໍາຈັບຕົວມາດໍາເນີນຄະດີໄດ້ຈໍານວນໜຶ່ງຄື: ທ້າວ ຄຳ​ອຸ່ນ ອາຍຸ 41 ປີຢູ່​ບ້ານ​ໃໝ່​ເມືອງ​ບຸນ​ເໜືອ​ແຂວງ​ຜົ້ງສາລີ, ທ້າວ ພອນ​ປະ​ເສີດ ອາຍຸ 32 ປີຢູ່​ບ້ານ​ຫົວ​ຂົວ, ທ້າວ ອີ້ ອາຍຸ 35 ປີ, ທ້າວ ລີມີ້ ອາຍຸ 30 ປີ ​ແລະ ທ້າວ ​ເລ້ ອາຍຸ 24 ປີ​ຢູ່​ບ້ານ​ຮ່ອງ​ສຸພາບເມືອງໄຊເສດຖານະຄອນຫລວງ​ວຽງ​ຈັນ.

ຜ່ານການສືບສວນ-ສອບສວນຂອງເຈົ້າໜ້າທີ່ພວກເຂົາໄດ້ຮັບສາລະພາບວ່າ: ຜ່ານມາ, ໄດ້ຮ່ວມກັນ​ປຸ້ນຊັບພົນລະເມືອງຫລາຍຄັ້ງ, ໂດຍໃຊ້ວິທີການ​ແອບ​ອ້າງ​ເປັນ​ເຈົ້າໜ້າ​ທີ່ແລ້ວ​ໄປ​ຢຶດ​ເອົາ​ລົດຈັກ​ບໍ່​ມີ​ເອກະສານທີ່​ປະກາດ​ຂາຍ​ໃນ​ສື່​ອອນ​ລາຍແລ້ວນຳ​ໄປ​ຂາຍ​ຕໍ່​ໃຫ້​​ພັກ​ພວກ, ນອກນີ້ຍັງໄດ້ປຸ້ນຊັບຢູ່ຕາມຮ້ານເກມຈໍານວນໜຶ່ງລວມແລ້ວຫລາຍກວ່າ 10 ຄັ້ງ ແລະ ຍັງມີ​ພັກ​ພວກທີ່ຮ່ວມກໍ່ເຫດນໍາກັນອີກຈໍານວນໜຶ່ງທີ່ຍັງຫລົບໜີ. ປັດຈຸບັນ, ​ເຈົ້າໜ້າ​ທີ່​ໄດ້​ຢຶດລົດໃຫຍ່ໜຶ່ງຄັນທີ່ພວກເຂົາ​ນຳ​ໃຊ້​ເຄື່ອນ​ໄຫວ​ກະທໍາຜິດ ​ແລະ ຈັດກໍາລັງນໍາຕາມຫາ​ຜູ້​ຮ່ວມ​ຂະ​ບວນການ​ທີ່ຍັງ​ຫລົບໜີ​ມາ​ດຳ​ເນີນ​ຄະດີຕາມລະບຽບກົດໝາຍໂດຍໄວ.

- Wave100S AD to Website 2020 0 - ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ

ຂ່າວໄດ້ໃຫ້ຮູ້ຕື່ມວ່າ: ເມື່ອບໍ່ດົນມານີ້, ​ເຈົ້າໜ້າ​ທີ່ ປກສ ​​ເມືອງ​ສິງ​ແຂວງ​ຫລວງ​ນ້ຳທາ, ກໍສາມາດຈັບຕົວ​ທ້າວ ສົມສີ ອາຍຸ 15 ປີຢູ່​ບ້ານ​ແດນ​ກາງ​ເມືອງ​ລອງ ​ແລະ ທ້າວ ຊົວລີ ອາຍຸ 13 ປີຢູ່​ບ້ານ​ກາງ​ໃໝ່​ເມືອງ​ສິງ​ແຂວງ​ຫລວງ​ນ້ຳທາມາດໍາເນີນຄະດີ, ພາຍຫລັງຮ່ວມກັນກໍ່ເຫດຊິງຊັບພົນລະເມືອງ (​ໂທລະສັບມືຖື​ຍີຫໍ້ໄອ​​ໂຟນ 7 ​ແລະ ຊຳ​ຊຸງ) ຂອງປະຊາຊົນໃນເຂດເທດສະບານເມືອງ.

- WhatsApp Image 2020 05 27 at 5 - ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ
- WhatsApp Image 2020 05 27 at 5 - ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!