ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ

ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ - 111 4 - ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ
ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ - kitchen vibe - ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ

     FrontRunners ແລະ ສະມາຄົມເພື່ອການກິລາທີ່ຍືນຍົງແຫ່ງອັງກິດ (BASIS) ຮ່ວມກັນເຜີຍແຜ່ລາຍງານ Rings of Fire: Heat Risks at the 2024 Paris Olympics ເຕືອນຄວາມສ່ຽງຈາກສະພາບອາກາດຮ້ອນອົບເອົ້າເປັນປະຫວັດສາດໃນລະຫວ່າງການແຂ່ງຂັນກິລາໂອລິມປິກ ລະດູຮ້ອນທີ່ກໍາລັງຈະຈັດຂຶ້ນຢູ່ນະຄອນຫລວງປາຣີ ລະຫວ່າງວັນທີ 26 ກໍລະກົດ – 11 ສິງຫາ ໂດຍຊີ້ວ່າຜົນກະທົບອາດເຖິງຂັ້ນເຮັດໃຫ້ນັກກິລາໝົດສະຕິ ຫລື ໃນກໍລະນີຮ້າຍແຮງທີ່ສຸດຄືເສຍຊີວິດໃນການແຂ່ງຂັນ.

      ລາຍງານດັ່ງກ່າວອ້າງອີງຂໍ້ມູນຈາກ 11 ນັກກິລາໂອລິມປິກ ພ້ອມນັກວິທະຍາສາດດ້ານສະພາບອາກາດ ແລະ ນັກເສລີວິທະຍາທີ່ຊ່ຽວຊານດ້ານຄວາມຮ້ອນໃນຮ່າງກາຍ ໂດຍຍົກຕົວຢ່າງຈາກກໍລະນີການແຂ່ງຂັນໂອລິມປິກຢູ່ນະຄອນຫລວງໂຕກຽວ ປະເທດຍີ່ປຸ່ນ ໃນປີ 2020 ເຊິ່ງໄດ້ຮັບການຂະໜານນາມວ່າເປັນໂອລິມປິກທີ່ຮ້ອນທີ່ສຸດໃນປະຫວັດສາດ ດ້ວຍລະດັບອຸນຫະພູມທີ່ສູງເກີນ 34 ອົງສາ ແລະ ລະດັບຄວາມຊຸ່ມເກືອບ 70% ເຮັດໃຫ້ນັກກິລາຫລາຍຄົນທີ່ເຂົ້າແຂ່ງຂັນເກີດອາການປ່ວຍ.

ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ - Visit Laos Visit SALANA BOUTIQUE HOTEL - ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ

      ທ່ານ ນາງ ເອັມມາ ໂພຄ໊ອກ ປະທານເຈົ້າໜ້າທີ່ບໍລິຫານຂອງ FrontRunners ຊີ້ວ່າ: ປາຣີເກມນັ້ນມີໂອກາດຈະຜະເຊີນສະພາບອາກາດທີ່ຮ້ອນທຸບສະຖິຕິຫລາຍກວ່າໂຕກຽວເກມ ເນື່ອງຈາກການປ່ຽນແປງຂອງສະພາບອາກາດທີ່ຮ້າຍແຮງລົງ ແລະ ການເຜົາໄໝ້ເຊື້ອໄຟຟໍຊິລທີ່ຍັງສົ່ງຜົນຕໍ່ສະພາບຄື້ນຄວາມຮ້ອນ ແລະ ອາກາດຮ້ອນອົບເອົ້າເປັນປະຫວັດສາດໃນໄລຍະຫລາຍເດືອນຜ່ານມາ.

     ໂດຍນາງຮຽກຮ້ອງໃຫ້ໜ່ວຍງານທີ່ເບິ່ງແຍງກິລາດໍາເນີນການຢ່າງຮີບດ່ວນເພື່ອຮັບມືບັນຫາສະພາບອາກາດຮ້ອນອົບເອົ້າລະຫວ່າງການແຂ່ງຂັນກິລາ ແລະ ເຕືອນວ່າ: “ຖ້າໂລກຍັງອົບອຸ່ນ ກິລາຕ່າງໆທີ່ເຮົາຮູ້ຈັກ ແລະ ມັກຮັກຈະຍັງຕົກຢູ່ໃນຄວາມສ່ຽງ”.

      ທັງນີ້, ນະຄອນຫລວງປາຣີຜະເຊີນຄື້ນຄວາມຮ້ອນ 50 ຄັ້ງ ນັບແຕ່ປີ 1947 ໂດຍມີຄວາມຖີ່ ແລະ ຮຸນແຮງຂຶ້ນ ເປັນຜົນມາຈາກການປ່ຽນແປງຂອງສະພາບອາກາດ.

     ໂດຍໃນປີ 2003 ໄລຍະເດືອນກໍລະກົດ ແລະ ສິງຫາ ເຊິ່ງເປັນເວລາດຽວກັນກັບການຈັດປາຣີເກມທີ່ກໍາລັງຈະເກີດຂຶ້ນ ພົບວ່າມີຄື້ນຄວາມຮ້ອນທີ່ຮຸນແຮງເປັນປະຫວັດສາດ ສົ່ງຜົນເຮັດໃຫ້ມີຜູ້ເສຍຊີວິດຢູ່ຝຣັ່ງເກີນ 14,000 ຄົນ.

     ຂະນະທີ່ໜ່ວຍງານອຸຕຸນິຍົມວິທະຍາຂອງຝຣັ່ງຄາດຄະເນວ່າ: ມີໂອກາດ 70% ທີ່ສະພາບອາກາດທົ່ວປະເທດໃນໄລຍະເດືອນພຶດສະພາຫາເດືອນກໍລະກົດຈະຮ້ອນກວ່າປົກກະຕິ.

     ຄະນະກໍາມະການໂອລິມປິກສາກົນໄດ້ເຜີຍແຜ່ຖະແຫລງການກ່ອນໜ້ານີ້ກ່ຽວກັບບັນຫາສະພາບອາກາດຮ້ອນລະຫວ່າງການຈັດແຂ່ງຂັນກິລາ, ພ້ອມສະເໜີມາດຕະການເພື່ອບັນເທົາຜົນກະທົບ ແລະ ປົກປ້ອງສຸຂະພາບຂອງນັກກິລາ, ແຕ່ຍອມຮັບວ່າອາກາດຮ້ອນອົບເອົ້າເປັນບັນຫາຮຸນແຮງຂຶ້ນສໍາລັບການແຂ່ງຂັນກິລາທົ່ວໂລກ.

      ໂດຍສະພາບອາກາດທີ່ຮ້ອນ ຫລື ຊຸ່ມຂຶ້ນ ເຮັດໃຫ້ນັກກິລາຄວບຄຸມອຸນຫະພູມໃນແກນກາງຂອງຮ່າງກາຍໄດ້ຍາກຂຶ້ນ ສົ່ງຜົນເຮັດໃຫ້ສະມັດຖະພາບທາງຮ່າງກາຍຫລຸດລົງ ເຊິ່ງການແຂ່ງຂັນກິລາປະເພດທີ່ໃຊ້ຄວາມອົດທົນຂອງຮ່າງກາຍຈະຍິ່ງໄດ້ຮັບຜົນກະທົບ.

ອ້າງອີງ:

ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ - 4 - ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ
ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ - 3 - ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ
ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ - 5 - ລາຍງານເຕືອນຄວາມສ່ຽງໂອລິມປິກປາຣີຮ້ອນທຸບສະຖິຕິ ຢ້ານນັກກິລາໝົດສະຕິ-ເສຍຊີວິດລະຫວ່າງແຂ່ງຂັນ