ເປີດແລ້ວງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2

- IMG 6242 - ເປີດແລ້ວງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2
- Untitled design - ເປີດແລ້ວງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2

ງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2 ປະຈຳປີ 2017 (2nd VIENTIANE FURNITURE FAIR 2017), ໄດ້ມີຂຶ້ນຢ່າງເປັນທາງການໃນວັນທີ 3-9 ເມສານີ້, ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ, ພາຍຫລັງໄດ້ມີການວາງ ສະແດງ ແລະ ຈຳໜ່າຍສິນຄ້າເຟີນີເຈີໄປກ່ອນແລ້ວແຕ່ວັນທີ 1 ເມສາເປັນຕົ້ນມາ.          ປະທານສະມາຄົມເຟີນີເຈີລາວ ກ່າວວ່າ: ເພື່ອສືບຕໍ່ຈາກການຈັດວາງສະແດງສິນຄ້າ ເຟີນີເຈີວຽງຈັນ ຄັ້ງທີ 1 ທີ່ຜ່ານມາໃຫ້ຕໍ່ເນື່ອງລຽນຕິດ, ເຮັດໃຫ້ສັງຄົມໄດ້ຮູ້ຈັກກັບຜະລິດ ຕະພັນເຟີນີເຈີໄມ້ລາວກ້ວາງຂວາງອອກໄປເລື້ອຍໆ, ທັງເປັນການສົ່ງ ເສີມ ແລະ ສ້າງຄວາມເຂັ້ມແຂງໃຫ້ກັບສີໄມ້ລາຍມື ແລະ ຫົວໜ່ວຍທຸລະກິດ ເຟີນີເຈີໄມ້ລາວໃຫ້ມີການຂະຫຍາຍຕົວ ແລະ ສາມາດເຂົ້າສູ່ຕະຫລາດພາກພື້ນ ແລະ ສາ ກົນໄດ້ຫລາຍຂຶ້ນ, ພ້ອມຍັງເປັນການນຳໃຊ້ໄມ້ໃຫ້ເກີດປະໂຫຍດສູງສຸດ ແລະ ມີໄມ້ໄວ້ໃຊ້ຢ່າງຍືນຍົງ, ໂດຍການປຸງແຕ່ງໃຫ້ເປັນຜະລິດຕະພັນສຳເລັດຮູບຈາກໄມ້, ຫວາຍ ແລະ ໄມ້ປ່ອງ ແລະ ກາຍເປັນຜະລິດຕະພັນທີ່ມີຄຸນນະພາບ ແລະ ລາຄາສູງ ສາມາດສົ່ງອອກໄປຕ່າງປະເທດໄດ້ ແລະ ຊ່ວຍສ້າງວຽກເຮັດງານທຳ, ຕ້ານໄພຫວ່າງງານ ແລະ ຊ່ວຍໃຫ້ປະຊາຊົນມີລາຍຮັບ ສາມາດຫລຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.

ໃນງານວາງສະແດງດັ່ງກ່າວ ໄດ້ມີບັນດາໂຮງງານເຟີນີເຈີ ແລະ ປຸງແຕ່ງໄມ້ສຳເລັດຮູບ, ຫົວໜ່ວຍ ທຸລະກິດເຄື່ອງມື, ເຄື່ອງຈັກ, ອຸປະກອນປະກອບການ ແລະ ຕົບແຕ່ງເຄື່ອງເຟີນີເຈີ, ຫົວໜ່ວຍ ທຸລະກິດກ້າເບ້ຍໄມ້ ແລະ ອື່ນໆ ເຂົ້າຮ່ວມວາງສະແດງຫລາຍກວ່າ 200 ຮ້ານ, ພ້ອມນີ້ ຈະມີກິດຈະກຳຕ່າງໆເປັນຕົ້ນ ການສາທິດຜະລິດ ເຄື່ອງເຟີນີເຈີໄມ້ ແລະ ແກະສະຫລັກໄມ້, ການຈົກສະຫລາກຊີງລາງວັນ, ການເດີນແບບ ຫລານນ້ອຍອະນຸບານ ແລະ ປະຖົມໃນຊຸດປີໃໝ່ລາວ ແລະ ການແຂ່ງຂັນດົນຕີລະດັບວົງຕ່າງໆ ໂດຍບໍ່ຈຳກັດເພດ-ອາຍຸ ເພື່ອສ້າງຄວາມມ່ວນຊື່ນໃຫ້ຜູ້ເຂົ້າມາທ່ຽວຊົມງານດັ່ງກ່າວຟົດຟື້ນຍິ່ງຂຶ້ນ.

- Wave100S AD to Website 2020 0 - ເປີດແລ້ວງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2
- WhatsApp Image 2020 05 27 at 5 - ເປີດແລ້ວງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2
- WhatsApp Image 2020 05 27 at 5 - ເປີດແລ້ວງານວາງສະແດງສິນຄ້າເຟີນີເຈີວຽງຈັນ ຄັ້ງທີ 2
error: Alert: ເນື້ອຫາຂ່າວມີລິຂະສິດ !!