ຈັດອັນດັບພາສປອດສິງກະໂປ ດີທີ່ສຸດໃນໂລກ

- af2a0e1eda986d381bcd6de2a84183ab53a64cb9 762x537 - ຈັດອັນດັບພາສປອດສິງກະໂປ ດີທີ່ສຸດໃນໂລກ
- AGL banner - ຈັດອັນດັບພາສປອດສິງກະໂປ ດີທີ່ສຸດໃນໂລກ

ສິງກະ​ໂປ ປະ​ເທດ​ເກາະ​ຂະໜາດ​ນ້ອຍ​ຢູ່​ອາຊີ​ຕາ​ເວັນ​ອອກສຽງ​ໃຕ້ ປັດຈຸບັນ​ນີ້​ມີ​ໜັງສື​ເດີນທາງ​ທີ່​ມີ​ອຳນາດ​ຫລາຍ​ທີ່​ສຸດ​ໃນ​ໂລກ ຈາກ​ການຈັດ​ອັນ​ດັບ​ຫລ້າ​ສຸດ ​ໂດຍ​ພົນລະ​ເມືອງ​ສິງກະ​ໂປ​ສາມາດ​ເດີນທາງ​ໄປ​ປະ​ເທດ​ປອດ​ວີ​ຊາ​ໄດ້​ຫລາຍ​ກວ່າ​ປະ​ເທດ​ໃດໆ.

- 1020836 1678036630 - ຈັດອັນດັບພາສປອດສິງກະໂປ ດີທີ່ສຸດໃນໂລກ

ສຳນັກ​ຂ່າວ​ເອ​ເອຟພີລາ​ຍງານ​ຈາກ​ປະ​ເທດ​ສິງກະ​ໂປ ​ໃນ​ວັນ​ທີ 25 ຕຸລາ​ວ່າ: Passport Index ທີ່​ກວດ​ສອບ​ການ​ໃຊ້​ປະ​ໂຫຍ​ດຈາກ​ໜັງສື​ເດີນທາງ ພົບ​ວ່າ: ສິງກະ​ໂປ​ເລື່ອນ​ຂຶ້ນສູ່​ອັນ​ດັບ 1 ​ໃນ​ດັດຊະນີ, ພາຍຫລັງ​ປາຣາ​ໄກວ​ປະກາດ​ຍົກ​ເລີກ​ຂໍ້​ຈຳກັດ​ສຳລັບ​ຊາວ​ສິງກະ​ໂປ ​ເຊິ່ງໝາຍ​ຄວາມ​ວ່າ​ປັດຈຸບັນ​ຜູ້​ຖື​ໜັງສື​ເດີນທາງ​ສິງກະ​ໂປ​ປະມານ 5,6 ລ້ານ​ຄົນ ສາມາດ​ເດີນທາງ​ໄປ 159 ປະ​ເທດ​ທົ່ວ​ໂລກ ທີ່​ບໍ່​ຈຳ​ເປັນ​ຕ້ອງ​ຂໍ​ວີ​ຊາ ຫລື ຂໍ​ວີ​ຊາ​ຢູ່​ປາຍທາງ.

​ເຢຍລະ​ມັນ​ຢູ່​ອັນ​ດັບ​ທີ 2 ຜູ້​ຖືພາ​ສປອດ​ຂອງ​ປະ​ເທດ​ນີ້​ສາມາດ​ໄປ​ທ່ຽວ 158 ປະ​ເທດ​ໂດຍ​ບໍ່​ຕ້ອງ​ຂໍ​ວີ​ຊາ, ຂະນະ​ທີ່​ຊູ​ແອດ​ກັບ ສ.​ເກົາຫລີ ຢູ່​ອັນ​ດັບ 3 ​ເທົ່າ​ກັນ.

ຜູ້​ຖືພາ​ສປອດ​ສະຫະລັດ​ອາ​ເມ​ລິ​ກາ​ຢູ່​ອັນ​ດັບ​ທີ 6 ຮ່ວມ​ກັບ​ມາ​ເລ​ເຊຍ, ອຽກລັງ ​ແລະ ກາ​ນາ​ດາ.

ອັບ​ກາ​ນິດ​ສະຖານ​ຢູ່​ອັນ​ດັບ​ທ້າຍ​ສຸດ ຜູ້​ຖືພາ​ສປອດ​ປະ​ເທດ​ນີ້​ສາມາດ​ເດີນທາງ​ໄປ​ທ່ຽວ​ປະ​ເທດ​ປອດ​ວີ​ຊາ​ໄດ້​ພຽງ 22 ປະ​ເທດ.

ພາສປອດ ອິນ​ເດກ ກ່າວ​ວ່າ: ປະ​ໂຫຍ​ດຂອງ​ພາສປອດ​ສະຫະລັດ​ອາ​ເມ​ລິ​ກາ​ຫລຸດ​ລົງ ນັບ​ແຕ່​ປະທານາທິບໍດີ ​ໂດ​ນັນ ທຣຳ ຂຶ້ນຄອງ​ຕຳ​ແໜ່​ງ ​ໂດຍ​ຕວກກີ ​ແລະ ສາທາລະນະ​ລັດ​ອາ​ຟຣິກາ​ກາງ​ກາຍ​ເປັນ 2 ປະ​ເທດ​ຫລ້າ​ສຸດ ທີ່​ຖອນ​ການ​ບໍ່​ຕ້ອງ​ຂໍ​ວີ​ຊາ​ສຳລັບ​ຜູ້​ຖື​ໜັງສື​ເດີນທາງ​ຂອງ​ອາ​ເມ​ລິ​ກາ.

- lattana banner - ຈັດອັນດັບພາສປອດສິງກະໂປ ດີທີ່ສຸດໃນໂລກ
- lattana banner 1 - ຈັດອັນດັບພາສປອດສິງກະໂປ ດີທີ່ສຸດໃນໂລກ
-    AD conten website - ຈັດອັນດັບພາສປອດສິງກະໂປ ດີທີ່ສຸດໃນໂລກ
error: Alert: ເນື້ອຫາຂ່າວມີລິຂະສິດ !!