ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024

- 16264250046939 - ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024
- kitchen vibe - ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024

      ຂໍ້ມູນຢ່າງເປັນທາງການໂດຍລັດຖະບານຫວຽດນາມ ລະບຸວ່າ: ເສດຖະກິດຂອງປະເທດຂະຫຍາຍຕົວໃນລະດັບ 6.4% ໃນໄລຍະ 6 ເດືອນທໍາອິດຂອງປີນີ້ ສູງກວ່າໄລຍະເວລາດຽວກັນຂອງປີຜ່ານມາ.

      ວັນທີ 29 ມິຖຸນາ, ສໍານັກຂ່າວຕ່າງປະເທດລາຍງານວ່າ: ສໍານັກງານສະຖິຕິແຫ່ງຊາດຫວຽດນາມລາຍງານ ອັດຕາການເຕີບໃຫຍ່ທາງເສດຖະກິດຂອງປະເທດໃນໄລຍະ 6 ເດືອນທໍາອິດຂອງປີນີ້ ຫລື ລະຫວ່າງເດືອນມັງກອນ-ມິຖຸນາ ຢູ່ທີ່ 6.4% ເພີ່ມຂຶ້ນຫລາຍ ເມື່ອທຽບໃສ່ສະຖິຕິການຂະຫຍາຍຕົວທາງເສດຖະກິດ 3.7% ໃນໄລຍະເວລາດຽວກັນຂອງປີ 2023.

- Visit Laos Visit SALANA BOUTIQUE HOTEL - ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024

     ຂໍ້ມູນຢ່າງເປັນທາງການລະບຸອີກວ່າ: ການຂະຫຍາຍຕົວຢ່າງຕໍ່ເນື່ອງຂອງເສດຖະກິດຫວຽດນາມເປັນຜົນມາຈາກປັດໄຈຫລາຍປະການ ລວມທັງການລົງທຶນສາທາລະນະ ແລະ ຕະຫລາດແລກປ່ຽນທີ່ມີການປະຕິຮູບຢ່າງຕໍ່ເນື່ອງ ເຊິ່ງສ້າງສະຖຽນລະພາບໃຫ້ຕ່ອງໂສ້ອຸປະທານນໍາອີກ.

     ທັງນີ້, ຜົນຜະລິດອຸດສາຫະກໍາເພີ່ມຂຶ້ນ 7.5% ແລະ ການລົງທຶນຈາກຕ່າງປະເທດເພີ່ມຂຶ້ນ 8.2% ໃນໄລຍະເວລາດຽວກັນ. ຂະນະທີ່ຜູ້ສັງເກດເບິ່ງວ່າ: ລັດຖະບານຫວຽດນາມຍັງຕ້ອງໃຫ້ຄວາມສໍາຄັນຕໍ່ການເດີນໜ້າພັດທະນາໂຄງສ້າງທີ່ສໍາຄັນຂອງພາກສ່ວນການຜະລິດ, ການປະມວນຜົນ, ການຂົນສົ່ງ ແລະ ການບໍລິການ.

      ຂະນະທີ່ລາຍໄດ້ຈາກການສົ່ງອອກສິນຄ້າຂອງຫວຽດນາມ ມີມູນຄ່າ 190,000 ລ້ານໂດລາສະຫະລັດ ໃນໄລຍະ 6 ເດືອນທໍາອິດຂອງປີນີ້ ເພີ່ມຂຶ້ນ 14.5% ເມື່ອທຽບໃສ່ໄລຍະເວລາດຽວກັນຂອງປີຜ່ານມາ ໂດຍມີອາເມລິກາຄອງຕໍາແໜ່ງປະເທດຄູ່ຄ້າລາຍໃຫຍ່ທີ່ສຸດຂອງຫວຽດນາມໃນໄລຍະເວລາດັ່ງກ່າວ.

      ລັດຖະບານຫວຽດນາມກໍານົດເປົ້າໝາຍການຂະຫຍາຍຕົວທາງເສດຖະກິດຂອງປະເທດ ໄວ້ທີ່ 6.5% ໃນປີນີ້ ເພີ່ມຂຶ້ນຈາກສະຖິຕິ 5.05% ໃນປີ 2023.

- 4 - ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024
- 5 - ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024
- 3 - ເສດຖະກິດຫວຽດນາມຂະຫຍາຍຕົວດີເກີນຄາດ ໄລຍະ 6 ເດືອນຕົ້ນປີ 2024