6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ

- 4909 - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ
- kitchen vibe - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ

ວັນທີ 1 ກໍລະກົດນີ້ 2024, ອົງການປົກຄອງນະຄອນຫລວງວຽງຈັນ ໄດ້ດຳເນີນ ກອງປະຊຸມ ເປີດກວ້າງ ຄັ້ງທີ 37 ທົ່ວນະຄອນຫລວງວຽງຈັນ (ນວ), ໂດຍການເປັນປະທານຂອງ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ.

ໃນກອງປະຊຸມ, ທ່ານ ນາງ ບົວວອນ ສຸກລາແສງ ຫົວໜ້າພະແນກແຜນການ ແລະ ການລົງທຶນ ນວ ລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ໄລຍະ 6 ເດືອນ ຕົ້ນປີ ແລະ ທິດທາງ 6 ເດືອນທ້າຍປີ 2024 ວ່າ: ໃນ 6 ເດືອນຕົ້ນປີເສດຖະກິດຄາດວ່າຈະຂະຫຍາຍ ຕົວ 5,7% (ມະຕິສະພາບັນລຸ 5,5%) ລວມຍອດຜະລິດຕະພັນພາຍໃນ (GDP) ຄາດວ່າຈະບັນລຸ 43,960 ຕື້ກວ່າກີບ ກວມຫຼາຍກວ່າ 51% ຂອງແຜນປີ (ມະຕິສະພາໃຫ້ບັນລຸ 85.799 ຕື້ກີບ) ສະເລ່ຍລາຍຮັບຕໍ່ຫົວຄົນຫຼາຍກວ່າ 43 ລ້ານກີບ (ມະຕິສະພາໃຫ້ໄດ້ 81,7 ລ້ານກີບ). ໃນນັ້ນ, ຂະແໜງກະສິກຳຂະຫຍາຍຕົວເພີ່ມຂຶ້ນ 4,2%; ຂະແໜງອຸດສາຫະກຳຂະຫຍາຍຕົວເພີ່ມຂຶ້ນ 7,05% ແລະ ຂະແໜງການບໍລິການຂະຫຍາຍຕົວເພີ່ມຂຶ້ນ 3,8%.

- Visit Laos Visit SALANA BOUTIQUE HOTEL - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ

ສຳລັບການເກັບລາຍຮັບງົບປະມານ ປະຕິບັດໄດ້ 4,846 ຕື້ກວ່າກີບ ກວມຫຼາຍກວ່າ 67% ຂອງມະຕິສະພາ ແລະ ຫຼາຍກວ່າ 64% ຂອງແຜນການກະຊວງການເງິນ.

ໂດຍລວມແລ້ວການປະຕິບັດຄາດໝາຍຂອງແຜນພັດທະນາເສດຖະກິດ-ສັງຄົມໃນມະຕິກອງປະຊຸມສະພາປະຊາຊົນນະຄອນຫລວງວຽງຈັນ ຜ່ານການຈັດຕັ້ງປະຕິບັດ 97 ຄາດໝາຍ ຕາມມະຕິສະພາປະຊາຊົນ ນວ ໃນ 6 ເດືອນຕົ້ນປີ 2024, ເຖິງວ່າຈະປະເຊີນກັບສິ່ງທ້າທາຍຫລາຍຢ່າງແຕ່ບັນດາພະແນກການ ແລະ ອົງການທຽບເທົ່າກໍໄດ້ສຸມໃສ່ຈັດຕັ້ງປະຕິບັດບັນດາຄາດໝາຍຕ່າງໆທີ່ສະພາປະຊາຊົນ ນວ ໄດ້ມອບໃຫ້ ເຫັນວ່າມີ 77 ຄາດໝາຍທີ່ມີຄວາມຄືບໜ້າ ແລະ ຄາດວ່າຈະບັນລຸ ມີ 6 ຄາດໝາຍທີ່ກຳລັງຈັດຕັ້ງປະຕິບັດ ແລະ ມີ 14 ຄາດໝາຍທີ່ມີຄວາມຄືບໜ້າຊ້າຈະຕ້ອງໄດ້ສຸມໃສ່ຈັດຕັ້ງປະຕິບັດເພື່ອໃຫ້ບັນລຸໃນທ້າຍປີ.

ຂໍ້ມູນ: ວຽງຈັນໃໝ່

- 6961 1024x682 - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ

- 5 - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ
- 3 - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ
- 4 - 6 ເດືອນຕົ້ນປີ ນະຄອນຫລວງວຽງຈັນ ເກັບລາຍຮັບງົບປະມານ ໄດ້ 4,846 ຕື້ກວ່າກີບ