ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ

- 1234498823 - ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ
- kitchen vibe - ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ

      ຊາຍແດນລະຫວ່າງອິດສະລາແອນກັບລີບັງຍັງເຄັ່ງຕຶງຢ່າງໜັກ ໂດຍກຸ່ມເຮັດໂບລາຍິງຈະຫລວດຮອບໃໝ່ຫລາຍກວ່າ 200 ລູກ ຕອບໂຕ້ການສູນເສຍແກນນໍາເພີ່ມອີກ 1 ຄົນ.

      ວັນທີ 5 ກໍລະກົດ, ສໍານັກຂ່າວຕ່າງປະເທດລາຍງານວ່າ: ກຸ່ມເຮັດໂບລາອອກຖະແຫລງການວ່າ: ໄດ້ຍິງຈະຫລວດຫລາຍກວ່າ 200 ລູກ ຂ້າມຊາຍແດນໄປພາກເໜືອຂອງອິດສະລາແອນ ໃນວັນທີ 4 ກໍລະກົດຜ່ານມາ ໂດຍເນັ້ນໂຈມຕີເປົ້າໝາຍກ່ຽວຂ້ອງກັບກອງທັບອິດສະລາແອນ.

- Visit Laos Visit SALANA BOUTIQUE HOTEL - ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ

      ທັງນີ້, ການຍິງຈະຫລວດດັ່ງກ່າວເພີ່ມຂຶ້ນສອງເທົ່າຈາກທີ່ກຸ່ມເຮັດໂບລາປະຕິບັດການ ໃນວັນທີ 3 ກໍລະກົດຜ່ານມາ ເພື່ອຕອບໂຕ້ກອງທັບອິດສະລາແອນໂຈມຕີທາງອາກາດຢູ່ພື້ນທີ່ທາງຕອນໃຕ້ຂອງລີບັງ ສັງຫານທ່ານ ໂມຮຳເໝັດ ນິມາ ນາສເຊີ ເຊິ່ງເປັນໜຶ່ງໃນສະມາຊິກອາວຸໂສຂອງກຸ່ມເຮັດໂບລາ.

      ຂະນະທີ່ກອງທັບອິດສະລາແອນອອກຖະແຫລງການວ່າ: ທະຫານຄົນໜຶ່ງເສຍຊີວິດຈາກການໂຈມຕີດັ່ງກ່າວ ແລະ ຕອບໂຕ້ດ້ວຍປະຕິບັດການໂຈມຕີທາງອາກາດ ທໍາລາຍເປົ້າໝາຍຫລາຍແຫ່ງຢູ່ພາກໃຕ້ຂອງລີບັງ. ພ້ອມທັງກ່າວເຖິງທ່ານ ເຊີ ວ່າເປັນຜູ້ບັນຊາການໜ່ວຍຮົບອາຊິດຂອງກຸ່ມເຮັດໂບລາ ເຊິ່ງມີຖານຍິງຈະຫລວດຢູ່ພື້ນທີ່ທາງຕາເວັນຕົກສຽງໃຕ້ຂອງລີບັງ.

      ບັນຍາກາດຕາມເຂດຊາຍແດນທາງເໜືອຂອງອິດສະລາແອນກັບທາງໃຕ້ຂອງລີບັງ ທີ່ເຄັ່ງຕຶງຢ່າງຕໍ່ເນື່ອງ ນັບແຕ່ສົງຄາມຢູ່ເຂດກາຊາເກີດຂຶ້ນ ໃນວັນທີ 7 ຕຸລາ 2023 ສ້າງຄວາມກັງວົນໃຫ້ທຸກພາກສ່ວນທີ່ກ່ຽວຂ້ອງວ່າ: ການປະທະຢູ່ບໍລິເວນນີ້ອາດລຸກລາມຂະຫຍາຍວົງກວ້າງເປັນສົງຄາມລະດັບພາກພື້ນ ໂດຍຮອດຕອນນີ້ມີຜູ້ເສຍຊີວິດຫລາຍກວ່າ 400 ຄົນຢູ່ລີບັງ ສ່ວນຫລາຍເປັນສະມາຊິກກຸ່ມເຮັດໂບລາ ແລະ ຢູ່ອິດສະລາແອນມີຜູ້ເສຍຊີວິດຢ່າງໜ້ອຍ 25 ຄົນ ສ່ວນຫລາຍເປັນທະຫານ.

- 5 - ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ
- 4 - ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ
- 3 - ເຮັດໂບລາຍິງຈະຫລວດ 200 ກວ່າລູກຖະຫລົ່ມອິດສະລາແອນ ຕອບໂຕ້ແກນນໍາຖືກສັງຫານອີກ