7 ວິທີປ້ອງກັນ ແລະ ປິ່ນປົວສິວຢູ່ຫລັງ

- advert banner 728 90 728x90 - 7 ວິທີປ້ອງກັນ ແລະ ປິ່ນປົວສິວຢູ່ຫລັງ
  1. - 010404 300x225 - 7 ວິທີປ້ອງກັນ ແລະ ປິ່ນປົວສິວຢູ່ຫລັງໃຊ້ສະບູແທນຄຣີມອາບນ້ຳ : ໂດຍປົກກະຕິແມ່ຍິງທີ່ມັກໃຊ້ຄຣີມອາບນ້ຳເປັນປະຈຳ ເນື້ອຄຣີມທີ່ມື່ນໆອາດເຮັດໃຫ້ເຮົາລ້າງ ອອກບໍ່ສະອາດ ເຮັດໃຫ້ມີຄາບຄຣີມອາບນ້ຳຕິດຢູ່ຫລັງໄດ້ໂດຍບໍ່ຮູ້ໂຕ ແລະ ນີ້ກໍແມ່ນສາເຫດທີ່ເຮັດໃຫ້ເກີດການສະສົມຂອງສິ່ງເປິ ເປື້ອນຈົນເຮັດໃຫ້ເກີດສິວຕາມມາ ສະນັ້ນ ຂໍແນະນຳໃຫ້ຢຸດໃຊ້ຄຣີມອາບນ້ຳໄປກ່ອນ, ແຕ່ຫັນມາໃຊ້ສະບູທີ່ມີສ່ວນປະສົມຂອງຊາລິໄຊລິກເອຊິດ 2%. ຂະນະດຽວກັນ ຄວນຜັດຖູຜິວດ້ວຍໄຍໝາກບວບໄປນຳ ເພື່ອກະຕຸ້ນການຜັດແຊນຜິວເກົ່າທີ່ຕາຍແລ້ວໃຫ້ຫລຸດອອກ ເມື່ອລ້າງໂຕຈົນກ້ຽງແລ້ວກໍລອງເອົາມືລູບຫລັງເບິ່ງວ່າຍັງມື່ນຢູ່ບໍ່ ຫາກມີຄາບສະບູກໍຕ້ອງລ້າງອອກໃຫ້ສະອາດອີກເທື່ອໜຶ່ງ ພຽງເທົ່ານີ້ຫລັງຂອງທ່ານກໍຈະຫລຸດບັນຫາສິວລົງໄດ້ແລ້ວ.
  2. ທາໂລຊັ່ນທີ່ມີສ່ວນປະສົມຫລຸດການເກີດສິວ : ຫລັງຈາກອາບນ້ຳແລ້ວຄວນໃຊ້ໂລຊັ່ນ ຫລື ຄຣີມສູດ Noncomedogenic ເພາະມັນມີຄຸນສົມບັດທີ່ຊ່ວຍຫລຸດຄວາມມັນເທິງຜິວໜັງ ແລະ ຫລຸດສາເຫດໃນການເກີດສິວໄດ້.
  3. ເລືອກນຸ່ງເຄື່ອງທີ່ໂລ່ງສະບາຍ : ການນຸ່ງເຄື່ອງໃນເວລາທີ່ອາກາດຮ້ອນອົບເອົ້າໃນທຸກມື້ນີ້ ເຮົາຄວນເລືອກນຸ່ງຜ້າຝ້າຍ ຫລື ເຄື່ອງນຸ່ງທີ່ໂລ່ງສະບາຍ ຈຶ່ງບໍ່ໝຸດໝັດໂຕ ແລະ ບໍ່ເກັບຄວາມອັບຊຸ່ມໄວ້ຕາມໄຍຜ້າ ບໍ່ດັ່ງນັ້ນ ເວລາເຫື່ອອອກກໍຈະຍິ່ງກາຍເປັນການສະສົມເຊື້ອແບັກທີເຣຍຈົນເຮັດໃຫ້ມີສິວຕາມມາພາຍຫລັງ.
  4. ໃຊ້ຄຣີມທາສິວກ່ອນນອນ ລອງໄປຖາມຊື້ຕາມຮ້ານຂາຍຢາທົ່ວໄປ ໂດຍຢາທີ່ມີສ່ວນປະສົມຂອງ Benzoyl peroxide ຫລື BP ເພື່ອເອົາມາທາສິວຢູ່ຫລັງກ່ອນເຂົ້ານອນທຸກຄືນ ວິທີນີ້ຈະຊ່ວຍຫລຸດໂອກາດໃນການເກີດສິວອັດຕັນ ຖືວ່າເປັນວິທີທີ່ຫລາຍຄົນໃຊ້ແລ້ວໄດ້ຜົນດີ.
  5. ປ່ຽນຢາສະຜົມໃໝ່ແດ່ : ຢາສະຜົມແບບຄຣີມອາດຈະເຮັດໃຫ້ເຮົາລ້າງຄາບຢາສະຜົມອອກບໍ່ໝົດ ດັ່ງນັ້ນ ລອງຫັນມາໃຊ້ຢາສະຜົມແບບໃສດີກ່ວາ ເພື່ອໃຫ້ລ້າງອອກໄດ້ງ່າຍ ແລະ ຄວນກົ້ມຫົວລົງຕໍ່າແລ້ວລ້າງອອກດີກ່ວາ ພຽງເທົ່ານີ້ກໍສາມາດຊ່ວຍປ້ອງກັນຄາບຢາສະຜົມບໍ່ໃຫ້ຕິດຜິວໜັງຢູ່ຫລັງຈົນເຮັດໃຫ້ເກີດສິວໄດ້.
  6. ໝັ່ນຊັກເຮັດຄວາມສະອາດຜ້າປູບ່ອນນອນສະເໝີ : ຫາກລອງເຮັດສາລະພັດວິທີແລ້ວບໍ່ໄດ້ຊ່ວຍໃຫ້ອາການຂອງສິວຫລຸດລົງ ອາດຈະມີສາເຫດຫລັກຢູ່ເທິງຜ້າປູບ່ອນນອນຂອງທ່ານກໍເປັນໄດ້. ດັ່ງນັ້ນຄວນໝັ່ນເອົາຜ້າປູບ່ອນໄປຊັກເຮັດຄວາມສະອາດ ແລະ ຕາກແດດໃຫ້ແຫ້ງດີຢູ່ສະເໝີ ເພື່ອຂ້າເຊື້ອພະຍາດ.
  7. ອາບນ້ຳທັນທີຫລັງອອກກຳລັງກາຍ : ຫລັງຈາກອອກກຳລັງກາຍແລ້ວ ແນ່ນອນວ່າຜິວໜັງຂອງເຮົາຈະຕ້ອງມີເຫື່ອຊຸ່ມໄປທົ່ວຮ່າງກາຍ ໂດຍສະເພາະຫລັງທີ່ຍິ່ງເກີດສິວໄດ້ງ່າຍ. ດັ່ງນັ້ນ ຫລັງຈາກອອກກຳລັງກາຍແລ້ວ ທ່ານຄວນຟ້າວອາບນ້ຳເຮັດຄວາມສະອາດສິ່ງເປິເປື້ອນ ແລະ ຄາບເຫື່ອໄຄທັນທີ ເພື່ອປ້ອງກັນບໍ່ໃຫ້ແບັກທີເຣຍສະສົມຈົນກະຕຸ້ນໃຫ້ມີສິວລຸກລາມຫລາຍຂຶ້ນ.
- lattana 1 - 7 ວິທີປ້ອງກັນ ແລະ ປິ່ນປົວສິວຢູ່ຫລັງ
- new3 - 7 ວິທີປ້ອງກັນ ແລະ ປິ່ນປົວສິວຢູ່ຫລັງ
error: Content is protected !!