ຜູ້ນໍາຄົນໃໝ່ຂອງອັງກິດ ກ່າວວ່າຈະຟື້ນຟູ ແລະ ສ້າງການປ່ຽນແປງຂອງປະເທດ

- 222 1 - ຜູ້ນໍາຄົນໃໝ່ຂອງອັງກິດ ກ່າວວ່າຈະຟື້ນຟູ ແລະ ສ້າງການປ່ຽນແປງຂອງປະເທດ
- kitchen vibe - ຜູ້ນໍາຄົນໃໝ່ຂອງອັງກິດ ກ່າວວ່າຈະຟື້ນຟູ ແລະ ສ້າງການປ່ຽນແປງຂອງປະເທດ

       ທ່ານ ເຊີເຄຍ ສຕາຣເມີ ນາຍົກລັດຖະມົນຕີຄົນໃໝ່ຂອງອັງກິດ ໃຫ້ຄໍາໝັ້ນເດີນໜ້າພັດທະນາປະເທດ ຫລັງນໍາພາພັກແຮງງານຊະນະການເລືອກຕັ້ງແບບໃນຮອບ 14 ປີ.

     ວັນທີ 5 ກໍລະກົດ, ສໍານັກຂ່າວຕ່າງປະເທດລາຍງານວ່າ: ທ່ານ ເຊີເຄຍ ສຕາຣເມີ ນາຍົກລັດຖະມົນຕີອັງກິດ ຖະແຫລງຫລັງຮັບຄໍາສັ່ງໃຫ້ດໍາລົງຕໍາແໜ່ງນາຍົກລັດຖະມົນຕີຄົນໃໝ່ ດ້ວຍການຍົກຍ້ອງທ່ານ ຣິຊີ ຊູແນັກ ອະດີດນາຍົກລັດຖະມົນຕີ ໃນຖານະຜູ້ນໍາເຊື້ອສາຍອາຊີຄົນທໍາອິດໃນປະຫວັດສາດຂອງປະເທດ.

      ທ່ານ ເຊີ ສຕາຣເມີ ກ່າວເຖິງຜົນການເລືອກຕັ້ງທົ່ວໄປ ເຊິ່ງພັກແຮງງານໄດ້ຮັບໄຊຊະນະຢ່າງຫລວງຫລາຍ ກັບມາເປັນລັດຖະບານໄດ້ຄັ້ງທໍາອິດໃນຮອບ 14 ປີ ແລະ ພັກອະນຸລັກນິຍົມພົບກັບການປະລາໄຊຄັ້ງປະຫວັດສາດ ໃຫ້ພັກອະນຸລັກນິຍົມວ່າ: ເປັນການສົ່ງສຽງຂອງຊາວອັງກິດ “ຕ້ອງການການປ່ຽນແປງ” ແລະ ບ້ານເມືອງ “ກໍາລັງເມື່ອຍລ້າ”.

      ຂະນະດຽວກັນ, ທ່ານ ເຊີ ສຕາຣເມີ ໃຫ້ຄໍາໝັ້ນ ການເປັນນາຍົກລັດຖະມົນຕີຂອງຊາວອັງກິດທຸກຄົນ ຢືນຢັນການຟື້ນຟູ ແລະ ການປະຕິຮູບ “ແຕ່ຕ້ອງໃຊ້ເວລາ” ເນື່ອງຈາກຕ້ອງເປັນການປັບປຸງ ແລະ ແກ້ໄຂຢ່າງລະອຽດ “ໃນທຸກຈຸດ” ໂດຍພ້ອມເຮັດວຽກຮ່ວມກັບຝ່າຍຄ້ານຈາກພັກອະນຸລັກນິຍົມ ແລະ ຮຽກຮ້ອງຄວາມສາມັກຄີ ແລະ ການຮ່ວມກັນພັດທະນາລະຫວ່າງອັງກິດ, ສະກອດແລນ, ເວວ ແລະ ອຽກລັງເໜືອ.

- 3 - ຜູ້ນໍາຄົນໃໝ່ຂອງອັງກິດ ກ່າວວ່າຈະຟື້ນຟູ ແລະ ສ້າງການປ່ຽນແປງຂອງປະເທດ
- 5 - ຜູ້ນໍາຄົນໃໝ່ຂອງອັງກິດ ກ່າວວ່າຈະຟື້ນຟູ ແລະ ສ້າງການປ່ຽນແປງຂອງປະເທດ
- 4 - ຜູ້ນໍາຄົນໃໝ່ຂອງອັງກິດ ກ່າວວ່າຈະຟື້ນຟູ ແລະ ສ້າງການປ່ຽນແປງຂອງປະເທດ