ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ

- 222 2 - ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ
- kitchen vibe - ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ

      ປະຊາຊົນຢ່າງໜ້ອຍ 6 ຄົນຢູ່ເມືອງຢາງກຸ້ງ ບໍ່ສະບາຍຈາກພະຍາດອະຫິວາ, ສ່ວນໜ່ວຍງານທີ່ກ່ຽວຂ້ອງຂອງມຽນມາຍົກລະດັບເຝົ້າລະວັງ.

      ວັນທີ 7 ກໍລະກົດ, ສໍານັກຂ່າວຕ່າງປະເທດລາຍງານວ່າ: ກະຊວງສາທາລະນະສຸກມຽນມາລາຍງານການພົບປະຊາຊົນຢ່າງໜ້ອຍ 6 ຄົນ ເຊິ່ງອາໄສຢູ່ເຂດທຸລະກິດຂອງເມືອງຢາງກຸ້ງ ມີຜົນກວດຄັດກອງພະຍາດອະຫິວາເປັນບວກ ຕອນນີ້ຄົນເຈັບກຸ່ມດັ່ງກ່າວຢູ່ໃນພື້ນທີ່ກັກບໍລິເວນຂອງໂຮງໝໍແຫ່ງໜຶ່ງແລ້ວ.

- Visit Laos Visit SALANA BOUTIQUE HOTEL - ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ

     ທັງນີ້, ຜົນການກວດສອບພື້ນທີ່ພົບວ່າ: ອາຄານທີ່ພັກອາໄສເຊິ່ງມີການພົບຜູ້ຕິດເຊື້ອ ມີຜູ້ຢູ່ອາໄສຫລາຍກວ່າ 600 ຄົນ, ແຕ່ມີຫ້ອງນໍ້າພຽງ 12 ຫ້ອງ. ຂະນະດຽວກັນ ຜົນການກວດຄັດກອງຢູ່ໂຮງໝໍສອງແຫ່ງໃນເມືອງຢາງກຸ້ງ ພົບຜູ້ຕິດເຊື້ອພະຍາດອະຫິວາເພີ່ມອີກຢ່າງໜ້ອຍ 5 ຄົນ.

     ໃນເບື້ອງຕົ້ນ ໜ່ວຍງານທີ່ກ່ຽວຂ້ອງສັ່ງປິດຮ້ານອາຫານທຸກແຫ່ງໃນພື້ນທີ່ສ່ຽງ ແລະ ມີການສົ່ງຂໍ້ຄວາມທາງໂທລະສັບມືຖືເຕືອນປະຊາຊົນໃຫ້ເພີ່ມການຮັກສາສຸຂະອະນາໄມ.

      ຂະນະທີ່ຂໍ້ມູນຈາກອົງການອະນາໄມໂລກ (WHO) ລະບຸວ່າ: ແຕ່ລະປີທົ່ວໂລກມີຄົນເຈັບຈາກພະຍາດອະຫິວາປະມານ 1.3-4 ລ້ານຄົນ ແລະ ມີຜູ້ເສຍຊີວິດສູງເຖິງປີລະປະມານ 143,000 ຄົນ.

     ສາເຫດສ່ວນຫລາຍຂອງການເຈັບເປັນຈາກພະຍາດນີ້ມາຈາກການຮັບປະທານອາຫານ ແລະ ດື່ມນໍ້າທີ່ປົນເປື້ນເຊື້ອແບັດທີເຣຍ, ອາການທີ່ພົບໄດ້ຫລາຍ ຄືຖອກທ້ອງຢ່າງຮຸນແຮງ, ຮາກ ແລະ ປວດກ້າມຊີ້ນ. ຍິ່ງໄປກວ່ານັ້ນ ພະຍາດອະຫິວາແຜ່ໄດ້ຢ່າງວ່ອງໄວໃນສະພາບແວດລ້ອມທີ່ບໍ່ຖືກສຸຂະລັກສະນະ.

- 4 - ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ
- 3 - ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ
- 5 - ມຽນມາພົບຜູ້ຕິດເຊື້ອພະຍາດອະຫິວາຢູ່ຢາງກຸ້ງ ເຕືອນປະຊາຊົນຮັກສາຄວາມສະອາດ