ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ

ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ - 41 2024 638557975764053236 405 - ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ
ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ - kitchen vibe - ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ

     ປະທານາທິບໍດີ ວິວລຽມ ຣູໂຕ ຜູ້ນໍາເກນຢາ ປະກາດແຜນການກູ້ຢືມເງິນຄັ້ງໃໝ່ ແລະ ຫລຸດການໃຊ້ຈ່າຍ ຫລັງລັດຖະບານຍົກເລີກມາດຕະການຂຶ້ນພາສີ ທີ່ເຮັດໃຫ້ເກີດຄວາມຂັດແຍ່ງ ເຊິ່ງນໍາໄປສູ່ການປະທ້ວງທີ່ມີຜູ້ເສຍຊີວິດຢ່າງໜ້ອຍ 39 ຄົນ.

      ວັນທີ 7 ກໍລະກົດ, ສໍານັກຂ່າວຕ່າງປະເທດລາຍງານວ່າ: ການຊຸມນຸມຢ່າງສັນຕິເພື່ອປະທ້ວງມາດຕະການຂຶ້ນພາສີ ລຸກລາມຈົນກາຍເປັນຄວາມຮຸນແຮງ ເຊິ່ງຕໍາຫລວດເກນຢາໄດ້ຍິງໃສ່ຝູງຊົນທີ່ບຸກເຂົ້າໄປໃນອາຄານລັດຖະສະພາ ຈົນເກີດໄຟໄໝ້ບາງສ່ວນ.

ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ - Visit Laos Visit SALANA BOUTIQUE HOTEL - ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ

     ເຖິງວ່າຜູ້ປະທ້ວງສ່ວນຫລາຍເປັນຊາວເກນຢາເຈນແຊດ, ແຕ່ການຊຸມນຸມດັ່ງກ່າວເຮັດໃຫ້ເກີດຄວາມວຸ້ນວາຍໃນວົງກວ້າງ ຕໍ່ຮ່າງກົດໝາຍການເງິນປະຈໍາປີ ສົ່ງຜົນເຮັດໃຫ້ທ່ານ ຣູໂຕ ຖືກບັງຄັບໃຫ້ຍົກເລີກມາດຕະການຂຶ້ນພາສີ.

     ເຖິງຢ່າງໃດກໍຕາມ, ຜູ້ນໍາເກນຢາກ່າວວ່າ: ປະເທດມີໜີ້ສາທາລະນະປະມານ 10 ພັນລ້ານຊິງລິງເກນຢາ ຫລື ປະມານ 70% ຂອງລວມຍອດຜະລິດຕະພັນພາຍໃນ (GDP) ຂອງເກນຢາ ເຊິ່ງການຕັດສິນໃຈກູ້ເງິນ ຈະເຮັດໃຫ້ການຂາດດຸນການເງິນເພີ່ມຂຶ້ນຈາກ 3.3% ເປັນ 4.6% ແລະ ລັດຖະບານຈະຕ້ອງຈ່າຍຄ່າບໍລິການບາງຢ່າງ ບໍ່ວ່າຈະເປັນການຈ້າງຄູລະດັບມັດທະຍົມສຶກສາ ແລະ ແພດຝຶກຫັດ ຕະຫລອດຈົນການໃຫ້ທຶນສະໜັບສະໜູນໂຄງການຄວບຄຸມຄຸນນະພາບນົມ ແລະ ປຸ໋ຍຢ່າງຕໍ່ເນື່ອງ ເພື່ອຄຸ້ມຄອງຊາວກະສິກອນຂອງປະເທດ.

      ທ່ານ ຣູໂຕ ປະກາດມາດຕະການຮັດສາຍແອວຫລາຍປະການເຊັ່ນ: ການຄວບຮວມອົງກອນ ແລະ ບໍລິສັດທີ່ດໍາເນີນງານໂດຍລັດ 47 ແຫ່ງ ກັບໜ່ວຍງານອື່ນໆ ເຊິ່ງລວມທັງການປິດສໍານັກງານຂອງສຸພາບສະຕີໝາຍເລກໜຶ່ງ ກັບສໍານັກງານຂອງພັນລະຍາຂອງຮອງປະທານາທິບໍດີ ແລະ ການຫລຸດຈໍານວນທີ່ປຶກສາຂອງລັດຖະບານ “ເຄິ່ງໜຶ່ງ”.

      ນອກຈາກນີ້, ທ່ານ ຣູໂຕ ຍັງປະກາດວ່າ: ງົບປະມານສໍາລັບການປັບປຸງລັດຖະບານ ຈະຖືກຫລຸດລົງເຄິ່ງໜຶ່ງເຊັ່ນກັນ ຫລັງມີລາຍງານໃນຕົ້ນປີຜ່ານມາວ່າ: ສໍານັກງານຂອງຮອງປະທານາທິບໍດີເກນຢາ ໃຊ້ເງິນປະມານ 10 ລ້ານຊິວລົງເກນຢາ ໄປກັບຜ້າກັ້ງ ເຊິ່ງເປັນບັນຫາທີ່ສ້າງຄວາມບໍ່ພໍໃຈໃຫ້ຄົນຈໍານວນຫລາຍ.

    “ຍິ່ງໄປກວ່ານັ້ນ ການເດີນທາງທີ່ບໍ່ຈໍາເປັນຂອງເຈົ້າໜ້າທີ່ລັດ ແລະ ລັດຖະກອນ ຈະຖືກໂຈະທັງໝົດ” ທ່ານ ຣູໂຕ ກ່າວ.

ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ - 3 - ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ
ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ - 4 - ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ
ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ - 5 - ເກນຢາປະກາດກູ້ເງິນ-ຫລຸດການໃຊ້ຈ່າຍ ຫລັງລັດຖະບານຍົກເລີກການຂຶ້ນພາສີ