ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ

ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ - 668b50269c664 june heatwave june was the warmest month on record says eu climate agency c3s pc pti 083413588 16x9 1 - ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ
ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ - kitchen vibe - ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ

     ໜ່ວຍງານການປ່ຽນແປງສະພາບອາກາດໂຄເປີນິຄັລ (C3S) ລາຍງານວ່າ: ເດືອນມິຖຸນາຜ່ານມາ ຖືເປັນເດືອນຮ້ອນທີ່ສຸດເປັນປະຫວັດສາດ ແລະ ເກີດສະພາບອາກາດຮຸນແຮງຂຶ້ນທົ່ວໂລກ.

     ວັນທີ 8 ກໍລະກົດ, ສໍານັກຂ່າວຕ່າງປະເທດລາຍງານວ່າ: ເດືອນມິຖຸນາຜ່ານມາ ຖືເປັນເດືອນຮ້ອນທີ່ສຸດເປັນປະຫວັດສາດທົ່ວໂລກ ລວມທັງສະພາບອາກາດທີ່ຮຸນແຮງ ແລະ ທໍາລາຍລ້າງ ນັບແຕ່ນໍ້າຖ້ວມໄປຈົນຮອດຄື້ນຄວາມຮ້ອນ.

ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ - Visit Laos Visit SALANA BOUTIQUE HOTEL - ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ

      ໜ່ວຍງານການປ່ຽນແປງສະພາບອາກາດໂຄເປີນິຄັລ ຂອງສະຫະພາບເອີຣົບ (EU) ລາຍງານລະບຸວ່າ: ທຸກເດືອນນັບແຕ່ເດືອນມິຖຸນາ 2023 ທໍາລາຍສະຖິຕິອຸນຫະພູມຂອງຕົນເອງໃນໄລຍະ 13 ເດືອນ ເຊິ່ງມີສະພາບອາກາດຮ້ອນທົ່ວໂລກແບບບໍ່ເຄີຍເກີດຂຶ້ນມາກ່ອນ “ນີ້ເປັນຫລາຍກວ່າຄວາມແປກປະຫລາດທາງສະຖິຕິ” ທ່ານ ຄາໂລ ບູອອນເຕມໂປ ຜູ້ອໍານວຍການຝ່າຍບໍລິການຂອງສູນໂຄເປີນິຄັລ ກ່າວ. “ເຖິງວ່າເຫດການຂົ້ວຈະສິ້ນສຸດລົງ ເຮົາຍັງເຫັນສະຖິຕິໃໝ່ຂອງສະພາບອາກາດທີ່ອົບອຸ່ນຢູ່ ເຊິ່ງມັນຫລີກເວັ້ນບໍ່ໄດ້ ຕາບໃດທີ່ມະນຸດຍັງເພີ່ມແກັສເຂົ້າໄປໃນຊັ້ນບັນຍາກາດ”.

      ອຸນຫະພູມສະເລ່ຍທົ່ວໂລກເພີ່ມສູງຂຶ້ນໃນເດືອນຜ່ານມາ ທໍາລາຍສະຖິຕິເດືອນມິຖຸນາ 2023 ໂດຍເກີດຂຶ້ນໃນໄລຍະກາງປີທີ່ມີສະພາບອາກາດສຸດຂົ້ວ ເຊິ່ງຄວາມຮ້ອນໄດ້ປົກຄຸມທົ່ວໂລກນັບແຕ່ອິນເດຍ, ຊາອຸດິອາຣະບີ, ອາເມລິກາ ແລະ ເມັກຊິໂກ. ຂະນະທີ່ຝົນທີ່ຕົກລົງມາບໍ່ຢຸດ ສົ່ງຜົນເຮັດໃຫ້ເກີດນໍ້າຖ້ວມຄັ້ງໃຫຍ່ຢູ່ເກນຢາ, ຈີນ, ເບຣຊິນ, ອັບການິດສະຖານ, ຣັດເຊຍ ແລະ ຝຣັ່ງ. ຍິ່ງໄປກວ່ານັ້ນ ໄຟໄໝ້ປ່າໄດ້ເຜົາຜານຫລາຍພື້ນທີ່ຢູ່ເກຼັກ ແລະ ການາດາ ແລະ ໃນອາທິດຜ່ານມາ ພາຍຸເຮີລິເຄນເບຣິລ ກາຍເປັນພາຍຸເຮີລິເຄນລະດັບ 5 ພັດຜ່ານເກາະແຄລິບຽນຫລາຍແຫ່ງ.

      ທ່ານ ຈູລຽນ ນິໂຄລັສ ນັກວິທະຍາສາດອາວຸໂສຂອງ C3S ກ່າວວ່າ: ອຸນຫະພູມທີ່ທໍາລາຍສະຖິຕິສູງສຸດເກີດຂຶ້ນພ້ອມປາກົດການເອລນີໂຢ ເຊິ່ງເປັນປາກົດການທາງທໍາມະຊາດທີ່ເຮັດໃຫ້ເກີດສະພາບອາກາດຮ້ອນຂຶ້ນທົ່ວໂລກ. ຂະນະທີ່ອຸນຫະພູມຂອງມະຫາສະໝຸດກໍເພີ່ມຂຶ້ນເຖິງລະດັບສູງສຸດໃໝ່ເຊັ່ນກັນ ໂດຍມະຫາສະໝຸດອັດລັງຕິກ, ມະຫາສະໝຸດປາຊີຟິກຕອນເໜືອ ແລະ ມະຫາສະໝຸດອິນເດຍ ສົ່ງຜົນເຮັດໃຫ້ເກີດຄວາມຮ້ອນທີ່ເພີ່ມສູງຂຶ້ນທົ່ວໂລກ.

      ນອກຈາກນີ້, ເດືອນມິຖຸນາຜ່ານມາ ອຸນຫະພູມຜິວນໍ້າທະເລເຖິງລະດັບສູງທີ່ສຸດ ແລະ ມີລະດັບສູງທໍາລາຍສະຖິຕິຕິດຕໍ່ກັນ 15 ເດືອນ ເນື່ອງຈາກມະຫາສະໝຸດຄວບຄຸມພື້ນຜິວໂລກເຖິງ 70% ແລະ ເຮັດໜ້າທີ່ດູດຊັບຄວາມຮ້ອນ ເຊິ່ງ 90% ມາຈາກການປ່ອຍແກັສເຮືອນແກ້ວ.

      ເຖິງຢ່າງໃດກໍຕາມ, ອຸນຫະພູມທີ່ສູງຂຶ້ນຍັງບໍ່ຖືວ່າເກີນ 1.5 ອົງສາ ເຊິ່ງຕົກລົງໄວ້ຕາມຄວາມຂໍ້ຕົກລົງປາຣີສ ທີ່ 196 ປະເທດໄດ້ລົງນາມໄວ້ໃນປີ 2015 ເນື່ອງຈາກເປົ້າໝາຍດັ່ງກ່າວວັດແທກເປັນໜ່ວຍທົດສະວັດ ບໍ່ແມ່ນໃນແຕ່ລະປີ, ແຕ່ໃນເດືອນຜ່ານມາ ສູນໂຄເປີນິຄັລຄາດຄະເນວ່າ: ມີໂອກາດເຖິງ 80% ທີ່ອຸນຫະພູມສະເລ່ຍໝົດປີຂອງໂລກຈະເກີນ 1.5 ອົງສາ ໃນໄລຍະ 5 ປີຕໍ່ໜ້າ.

ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ - 3 - ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ
ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ - 5 - ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ
ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ - 4 - ອຸນຫະພູມໂລກປີນີ້ອາດສູງເປັນປະຫວັດສາດອີກ ຫລັງເດືອນມິຖຸນາ ຮ້ອບທຸບສະຖິຕິ