ສານເຄມີໃນເຕົ້ານົມເດັກນ້ອຍອັນຕະລາຍກະທົບລະບົບສືບພັນ

- 040404 - ສານເຄມີໃນເຕົ້ານົມເດັກນ້ອຍອັນຕະລາຍກະທົບລະບົບສືບພັນ
- Untitled design - ສານເຄມີໃນເຕົ້ານົມເດັກນ້ອຍອັນຕະລາຍກະທົບລະບົບສືບພັນ

ມີຜົນການສຶກສາກວດພົບສານເຄມີອັນຕະລາຍ BPA ໃນເຕົ້ານົມປລາສະຕິກເດັກນ້ອຍ ເຊິ່ງພົບຫລາຍເຖິງ 80% ວ່າມີຜົນກະທົບຕໍ່ລະບົບສືບພັນ ເນື່ອງຈາກການຜະລິດເຕົ້ານົມເດັກນ້ອຍນັ້ນ ນຳໃຊ້ປລາສະຕິກໂພລີກາກບອນ ແລະ ປລາສະຕິກຊະນິດນີ້ມີສານເຄມີ BPA ທີ່ມີຜົນວິໄຈຈາກທາງເອີຣົບໃນປີ 2008 ໂດຍວິໄຈໃນສັດທົດລອງໃຫ້ກິນນົມຈາກເຕົ້ານົມປລາສະຕິກໂພລີກາກບອນຕໍ່ເນື່ອງ ພົບວ່າ : ສານເຄມີດັ່ງກ່າວໄດ້ປົນເປື້ອນມາໃນນ້ຳນົມ ແລະ ມີ ຜົນໃນການໄປລົບກວນການເຮັດວຽກຂອງຮໍໂມນເອສໂຕຣເຈນ ເຊິ່ງເປັນຮໍໂມນເພດຍິງ ລວມເຖິງໄປມີຜົນຕໍ່ການຜະລິດອະສຸຈິໄດ້ໜ້ອຍລົງ ສົ່ງຜົນກະທົບຕໍ່ລະບົບສືບພັນຂອງສັດທົດລອງ ເຮັດໃຫ້ໃນຫລາຍປະເທດ ເຊັ່ນ : ການາດາ, ສະຫະພາບເອີຣົບ, ຈີນ, ມາເລເຊຍ ແລະ ອາຟຣິກາໃຕ້ ອອກປະກາດຫ້າມຜະລິດ ແລະ ຈຳໜ່າຍເຕົ້ານົມເດັກນ້ອຍທີ່ຜະລິດຈາກສານເຄມີໂພລີກາກບອນໄປແລ້ວ ເພາະເຫັນວ່າຈະສົ່ງຜົນກະທົບຕໍ່ການພັດທະນາລະບົບປະສາດ ແລະ ພຶດຕິກຳຂອງເດັກນ້ອຍ ລວມໄປເຖິງການພັດທະນາລະບົບສືບພັນຂອງພວກເຂົານຳ.

ສຳລັບໃນປະເທດລາວກໍຄືປະເທດໃກ້ຄຽງນັ້ນ ພົບວ່າມີການຈຳໜ່າຍເຕົ້ານົມເດັກນ້ອຍທີ່ຜະລິດຈາກໂພລີກາກບອນໃນທ້ອງຕະຫລາດຫລາຍກ່ວາ 80% ພົບສານ BPA ປົນເປື້ອນໃນເຕົ້ານົມ ແລະ ຍັງພົບຕື່ມວ່າຫາກອຸນຫະພູມຂອງນ້ຳຍິ່ງສູງເທົ່າໃດ ກໍຈະສົ່ງຜົນໃຫ້ມີສານເຄມີດັ່ງກ່າວປົນເປື້ອນອອກມາໃນຈຳນວນຫລາຍ. ແນວໃດກໍຕາມ, ຍັງບໍ່ມີການວິໄຈໃນເດັກນ້ອຍ ເນື່ອງຈາກປະເທດລາວຍັງຂາດຫ້ອງທົດລອງທີ່ສາມາດທົດລອງໃນເລື່ອງນີ້ໄດ້, ແຕ່ໃນປະເທດເກົາຫລີ ແລະ ໄຕ້ຫວັນ ໄດ້ເຄີຍທົດລອງວິໄຈຍ່ຽວຂອງເດັກນ້ອຍທີ່ດື່ມນົມຈາກເຕົ້າປລາສະຕິກທີ່ເຮັດຈາກໂພລີກາກບອນ ກໍພົບວ່າມີສານເຄມີ BPA ປົນເປື້ອນອອກມາເຊັ່ນກັນ. ດັ່ງນັ້ນ, ຈຶ່ງຢາກໃຫ້ພໍ່ແມ່ເລືອກຊື້ເຕົ້ານົມເດັກນ້ອຍທີ່ຜະລິດຈາກປລາສະຕິກໂພລີພຣອບພີລີນ ຫລື PP ຫລື ໃຫ້ສັງເກດບໍລິເວນຂ້າງເຕົ້ານົມ ຈະມີຄຳວ່າ BPA Free  ຫລື PP ຫລື ສັງເກດໄດ້ຈາກກົ້ນເຕົ້ານົມຈະມີສັນຍະລັກ ມີເລກ 5 ຢູ່ກາງ ແລະ ມີຮູບລູກສອນອ້ອມຮອບ, ແຕ່ຫາກເປັນເຕົ້ານົມທີ່ຜະລິດຈາກປລາສະຕິກໂພລີກາກບອນ ບໍລິເວນກົ້ນເຕົ້ານົມຈະມີສັນຍະລັກເລກ 7 ຢູ່ທາງກາງ ແລະ ມີລູກສອນອ້ອມຮອບ.

- Wave100S AD to Website 2020 0 - ສານເຄມີໃນເຕົ້ານົມເດັກນ້ອຍອັນຕະລາຍກະທົບລະບົບສືບພັນ

ໃນການຄວບຄຸມການຜະລິດເຕົ້ານົມເດັກນ້ອຍນັ້ນຍັງບໍ່ໄດ້ມີອຳນາດຄວບຄຸມການຜະລິດໂດຍກົງ ດັ່ງນັ້ນຈຶ່ງນຳເອົາຜົນວິໄຈທີ່ກ່ຽວຂ້ອງກັບສານ BPA ມານຳສະເໜີທ່ານ ເພື່ອໃຫ້ສັງເກດ ແລະ ລະ ວັງອັນຕະລາຍຈາກສານດັ່ງກ່າວ ທັງນີ້ກໍເພື່ອສຸຂະພາບທີ່ແຂງແຮງສົມບູນຂອງລູກຫລານທ່ານເອງ.

- WhatsApp Image 2020 05 27 at 5 - ສານເຄມີໃນເຕົ້ານົມເດັກນ້ອຍອັນຕະລາຍກະທົບລະບົບສືບພັນ
- WhatsApp Image 2020 05 27 at 5 - ສານເຄມີໃນເຕົ້ານົມເດັກນ້ອຍອັນຕະລາຍກະທົບລະບົບສືບພັນ
error: Alert: ເນື້ອຫາຂ່າວມີລິຂະສິດ !!