ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້

ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້ - 1111 4 - ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້
ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້ - kitchen vibe - ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້

      ລະຫວ່າງທີ່ອາເມລິກາກໍາລັງຜະເຊີນສະພາບອາກາດທີ່ຮ້ອນອົບເອົ້າໃນຫລາຍພື້ນທີ່ ກໍມີເຈົ້າໜ້າທີ່ປ່າໄມ້ທ່ານໜຶ່ງ ທົດລອງອົບເຂົ້າໜົມດ້ວຍແສງແດດໄດ້ສໍາເລັດ ພຽງແຕ່ວາງເຂົ້າໜົມໃສ່ໜ້າລົດເທົ່ານັ້ນ.

      ວັນທີ 28 ມິຖຸນາ 2024 ເຟສບຸກເພຈຂອງອຸທະຍານແຫ່ງຊາດຊາກົວໂຣຢູ່ເມືອງທູຊອນ ລັດແອຣິໂຊນາ ໄດ້ໂພສພາບພ້ອມຂໍ້ຄວາມບັນຍາຍການທົດລອງເຮັດອາຫານດ້ວຍແສງແດດລ້ວນໆ ທ່າມກາງອາກາດຮ້ອນອົບເອົ້າ.

ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້ - Visit Laos Visit SALANA BOUTIQUE HOTEL - ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້

      ການເຮັດອາຫານໃນຄັ້ງນີ້ເປັນການອົບເຂົ້າໜົມເຄັກກ້ວຍຫອມ. ເຈົ້າໜ້າທີ່ປ່າໄມ້ຜູ້ທໍາການທົດລອງນໍາເອົາແປ້ງເຂົ້າໜົມທີ່ປະສົມຮຽບຮ້ອຍແລ້ວໃສ່ລົງໃນພິມເຂົ້າໜົມ 2 ອັນ ຈາກນັ້ນໄດ້ເອົາໄປວາງໄວ້ທາງໜ້າລົດໃນຫ້ອງໂດຍສານ ເພື່ອໃຫ້ຮັບແສງແດດໄດ້ຢ່າງເຕັມສ່ວນ ແລ້ວຖ່າຍຮູບການປ່ຽນແປງເປັນໄລຍະໆ ພ້ອມບັນທຶກອຸນຫະພູມເວລານັ້ນເອົາໄວ້.

      ການອົບເຂົ້າໜົມເລີ່ມແຕ່ເວລາປະມານ 11:00 ໂມງ ອຸນຫະພູມທາງນອກ 36.1 ອົງສາ, ສ່ວນອຸນຫະພູມພາຍໃນລົດ 72.7 ອົງສາ. ເມື່ອຮອດເວລາ 14:00 ໂມງ ອຸນຫະພູມນອກລົດ 40.5 ອົງສາ ສ່ວນອຸນຫະພູມໃນລົດ 99.4 ອົງສາ ເຊິ່ງທຽບເທົ່າອຸນຫະພູມໃນເຕົາອົບທີ່ເລີ່ມອຸ່ນແລ້ວ ເມື່ອຮອດຕອນນີ້ ເຫັນໄດ້ຊັດເຈນວ່າເຂົ້າໜົມເຄັກເລີ່ມກາຍເປັນສີທອງ ແລະ ຟູຂຶ້ນຈົນເກືອບຈະລົ້ນແມ່ພິມອອກມາ.

      ເມື່ອຮອດເວລາ 15:00 ໂມງ ບັນດາເຈົ້າໜ້າທີ່ປ່າໄມ້ນໍາເອົາເຂົ້າໜົມເຄັກອອກມາຈາກລົດ ແລະ ພົບວ່າຜິວພາຍນອກຂອງເຂົ້າໜົມກາຍເປັນສີນໍ້າຕານຄືກັບເຂົ້າໜົມທີ່ສຸກແລ້ວ, ແຕ່ເຂົ້າໜົມທາງໃນຍັງບໍ່ສຸກ.

     ໃນໂພສຍັງລະບຸວ່າ: ຫລັງຈາກພວກເຂົາທົດລອງເຮັດອາຫານຈາກແສງແດດອັນຮ້ອນແຮງຢູ່ຫລັງລົດຫລາຍຢ່າງ ສະຫລຸບໄດ້ວ່າ: “ຄຸກກີ້” ຄືອາຫານທີ່ໃຊ້ແສງແດດໃນອາເມລິກາຕອນນີ້ຊ່ວຍເຮັດໃຫ້ສຸກໄດ້ດີທີ່ສຸດ.

     ນອກຈາກນີ້, ໃນໂພສຍັງຂຽນຄໍາເຕືອນວ່າ: ໃນລະຫວ່າງທີ່ອາກາດຮ້ອນແບບນີ້ ປະຊາຊົນບໍ່ຄວນປ່ອຍໃຫ້ສັດລ້ຽງ ຫລື ເດັກນ້ອຍຢູ່ໃນລົດຕາມລໍາພັງ ຖ້າໄດ້ຍິນສຽງຮ້ອງໄຫ້ຂອງເດັກນ້ອຍ ຫລື ສຽງເຫົ່າຂອງໝາ ຄວນໃຫ້ການຊ່ວຍເຫລືອທັນທີ ເພາະຖ້າຕິດຢູ່ໃນລົດທ່າມກາງອາກາດຮ້ອນຂະໜາດນີ້ພຽງ 10-20 ນາທີ ອາດເປັນອັນຕະລາຍເຖິງຊີວິດໄດ້.

ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້ - 5 - ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້
ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້ - 3 - ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້
ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້ - 4 - ອາເມລິກາ ຮ້ອນເຖິງຂັ້ນໃຊ້ແດດອົບເຄັກທາງຫລັງລົດໄດ້