ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ

- 2300 - ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ
- kitchen vibe - ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ

ໃນໂອກາດເຂົ້າຮ່ວມກອງປະຊຸມສ່ອງແສງວຽກງານພັກ-ວຽກງານການເມືອງ ປະຈຳໄຕມາດ II ປີ 2024 ຂອງກອງບັນຊາການ ປກສ 4 ແຂວງພາກເໜືອ ແລະ 1 ເຂດ ຄື: ກອງບັນຊາການ ປກສ ແຂວງຫລວງນ້ຳທາ, ບໍ່ແກ້ວ, ອຸດົມໄຊ, ຜົ້ງສາລີ ແລະ ປກສ ເຂດພິເສດສາມຫລ່ຽມຄໍາ ວັນທີ 5 ກໍລະກົດ 2024 ຢູ່ແຂວງຫລວງນ້ຳທາ.

ພົທ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບໄດ້ ຊີ້ນຳໃຫ້ຄະນະພັກ-ຄະນະບັນຊາ ກອງບັນຊາການ ປກສ 4 ແຂວງ ແລະ 1 ເຂດ ເພີ່ມທະວີວຽກງານກໍ່ສ້າງພັກທາງດ້ານການເມືອງ-ແນວຄິດ ແລະ ການຈັດຕັ້ງຢ່າງໜັກແໜ້ນ, ສືບຕໍ່ປັບປຸງກົງຈັກການຈັດຕັ້ງຂັ້ນຕ່າງໆ ໃຫ້ມີຄວາມເຂັ້ມແຂງ, ສາມາດເຮັດລ້ອນໜ້າທີ່ຕາມການມອບໝາຍ, ເພີ່ມທະວີເອົາໃຈໃສ່ເຮັດວຽກງານພະລາທິການ ເພື່ອສ້າງໃຫ້ກົມກອງມີຄວາມເຂັ້ມແຂງ ຕິດພັນກັບການແກ້ໄຂຊີວິດການເປັນຢູ່ຂອງນາຍ ແລະ ພົນຕຳຫລວດ ດ້ວຍການເພີ່ມພູນຜະລິດຜົນ ຕາມທິດເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມທະວີເອົາໃຈໃສ່ຮັກສາຄວາມສະຫງົບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມ ໂດຍສະເພາະ ແຜນປ້ອງກັນກອງປະຊຸມສຸດຍອດອາຊຽນ ຄັ້ງທີ 44-45, ກອງປະຊຸມໃຫຍ່ 3 ຂັ້ນ, ປີທ່ອງທ່ຽວລາວ ແລະ ງານສຳຄັນສຳຄັນອື່ນໆ.

- Visit Laos Visit SALANA BOUTIQUE HOTEL - ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ

ພ້ອມນີ້ ທ່ານຍັງມີຄຳເຫັນເຈາະຈິ້ມໃຫ້ບັນດາຜູ້ແທນເຂົ້າຮ່ວມ ມີຄຳເຫັນຕໍ່ວຽກງານພັກ-ວຽກງານການເມືອງ, ພ້ອມກັນປຶກສາຫາລື, ກໍານົດທິດທາງຄາດໝາຍໃນຕໍ່ໜ້າ ຄື: ຂະບວນການຮັກສາຄວາມສະຫງົບ, ດ້ານແນວຄິດຂອງນາຍ ແລະ ພົນຕຳຫລວດ, ບັນຫາຄວາມຫຍຸ້ງຍາກ ແລະ ຜົນກະທົບທາງດ້ານເສດຖະກິດ, ການເງິນ, ຄວາມເປັນຢູ່ຂອງນາຍ ແລະ ພົນຕຳຫລວດ, ການຕ້ານ-ສະກັດກັ້ນ ແລະ ແກ້ໄຂບັນດາປະກົດການຫຍໍ້ທໍ້ຕ່າງໆ ເປັນຕົ້ນແມ່ນ ບັນຫາການຄ້າ-ຂາຍ ແລະ ມົ້ວສຸມຢາເສບຕິດ, ການຄ້າມະນຸດ, ບັນຫາອຸບັດຕິເຫດ ແລະ ບັນຫາອື່ນໆ.

- 5 - ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ
- 3 - ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ
- 4 - ຮອງລັດຖະມົນຕີ ກະຊວງ ປກສ ຊີ້ນຳໃຫ້ ປກສ 4 ແຂວງພາກເໜືອ ປັບປຸງກົງຈັກການຈັດຕັ້ງທຸກຂັ້ນ ໃຫ້ມີຄວາມເຂັ້ມແຂງກວ່າເກົ່າ