ໄຟໄໝ້ກອງຂີ້ເຫຍື້ອເກີດສານພິດຫຍັງແດ່ ?
ການເຜົາໄໝ້ຕ້ອງອາໄສ 3 ປັດໄຈ ຄື : ເຊື້ອໄຟ, ອົກຊີແຊນ ແລະ ພະລັງງານ ຫລື ຄວາມຮ້ອນ ໂດຍການເຜົາໄໝ້ທີ່ສົມບູນຈະໄດ້ອາຍກາກໂບນິກ, ແຕ່ຫາກເຜົາໄໝ້ ບໍ່ສົມບູນຈະໄດ້ຄວັນ ແລະ ຜະລິດຕະພັນຕ່າງໆຂຶ້ນຢູ່ກັບເຊື້ອໄຟທີ່ຖືກເຜົາໄໝ້.
– ສານພິດອັນຕະລາຍ 3 ອັນດັບທຳອິດ ໄດ້ແກ່ : ໄດອັອກໄຊ ສານກໍ່ພະຍາດມະເຮັງທີ່ເກີດຈາກການເຜົາໄໝ້ປລາສະຕິກ, ຟິວ ແຣນ ສານກໍ່ພະຍາດມະເຮັງທີ່ເກີດຈາກການເຜົາໄໝ້ປລາສະຕິກທີ່ມີສ່ວນປະສົມຂອງຄລໍຣີນ ແລະ ສະໄຕຣີນ ສານກໍ່ພະຍາດມະເຮັງທີ່ເກີດຈາກການເຜົາໄໝ້ໂຟມ ແລະ ຜະລິດຕະພັນບັນຈຸອາຫານທີ່ເຮັດມາຈາກໂຟມ.
ສ່ວນແກ໊ສພິດອື່ນໆ ໄດ້ແກ່ : ກາກໂບນິກ ເກີດຈາກການເຜົາໄໝ້ເຊື້ອໄຟທີ່ມີກາກບອນຢ່າງບໍ່ສົມບູນ, ຊັນເຟີໄດອັອກໄຊ ເກີດ ຈາກການເຜົາໄໝ້ເຊື້ອໄຟທີ່ມີກຳມະຖັນ ຫລື ຊັນເຟີ ເປັນສາເຫດຂອງຝົນກົດ, ນີໂຕຣແຊນອັອກໄຊເຮັດໃຫ້ລະຄາຍເຄືອງຕໍ່ຕາ ແລະ ເນື້ອເຍື່ອຕ່າງໆໃນຮ່າງກາຍ, ຮີໂດຣແຊນຊັນໄຟ ແກ໊ສໄຂ່ເນົ່າທີ່ມີກິ່ນເໝັນໆ ແລະ ອື່ນໆ. ນອກຈາກນີ້, ຫາກມີການຖິ້ມໂລຫະໜັກໃນກອງຂີ້ເຫຍື້ອ ຈະເຮັດໃຫ້ເກີດການຟົ້ງກະຈາຍສູ່ສິ່ງແວດລ້ອມນຳ.
ສຳລັບກໍລະນີໄຟໄໝ້ບໍ່ຂີ້ເຫຍື້ອ ເຊິ່ງເປັນສູນລວມຂອງຂີ້ເຫຍື້ອທຸກຊະນິດ ພົບວ່າມີຊັນເຟີໄດອັອກໄຊ 5 – 8 ສ່ວນໃນລ້ານສ່ວນ(ppm) ເຊິ່ງເກີນມາດຕະຖານເປັນ 100 ເທົ່າຂອງມາດຕະຖານທີ່ສຳນັກງານປົກປ້ອງສິ່ງແວດລ້ອມສະຫະລັດອາເມລິກາ(Environmental Protection Agency: EPA) ກຳນົດວ່າບໍ່ຄວນມີແກ໊ສດັ່ງກ່າວເກີນ 0,075 ppm ໃນສິ່ງແວດລ້ອມ. ແນວໃດກໍຕາມ, ຫາກເປັນໄປໄດ້ທ່ານຄວນພະຍາຍາມຫລີກເວັ້ນຈາກຄັວນໄຟທີ່ເກີດຈາກການເຜົາໄໝ້ຂີ້ເຫຍື້ອຈະດີທີ່ສຸດ.
