ເມືອງສີສັດຕະນາກຈະເລັ່ງແກ້ໄຂສະພາບຫຍໍ້ທໍ້ໃຫ້ລຸດລົງ

ອໍານາດການປົກຄອງ ເມືອງສີສັດຕະນາກນະຄອນ ຫລວງວຽງຈັນ, ຈະສູ້ຊົນແກ້ ໄຂ ສະພາບຄວາມບໍ່ເປັນລະບຽບ ຮຽບຮ້ອຍ ແລະ ປາກົດການຫຍໍ້ ທໍ້ຕ່າງໆ ໃນສັງຄົມໃຫ້ຫລຸດລົງ ເທື່ອລະກ້າວ, ພາຍຫລັງເຫັນ ວ່າ ໄລຍະນີ້ມັກ ມີສະພາບບໍ່ດີຕ່າງໆ ເກີດຂຶ້ນຫລາຍ, ໂດຍສະເພາະ ບັນຫາລັກຊັບ-ຊິງຊັບ.

+ ປກສ ເມືອງສີສັດຕະນາກຈັບໄວລຸ້ນຄ້າຢາບ້າ ພ້ອມຂອງກາງຫລາຍກວ່າ 1.000 ເມັດ

+ ຊົມເຊີຍ ປກສ ໄຊເສດຖາສາມາດຈັບແກ໋ງປຸ້ນຊັບອັນຕະລາຍມາດໍາເນີນຄະດີ

ໃນກອງປະຊຸມປະ ຈໍາ ເດືອນ ຕຸລາ 2017 ຂອງ ເມືອງ ດັ່ງກ່າວ, ທີ່ຈັດຂຶ້ນໃນວັນທີ 30 ຕຸລານີ້, ໂດຍການເປັນປະທານ ຂອງ ທ່ານເຈົ້າ ເມືອງສີສັດຕະ ນາກ ໂພຄໍາ ໄຊຍະສອນ ໃຫ້ຮູ້ ວ່າ: ໜຶ່ງເດືອນຜ່ານມາ, ໃນຂອບ ເຂດເມືອງ ສີສັດຕະນາກມີປາ ກົດການ ຫຍໍ້ທໍ້ ເກີດຂຶ້ນ 34 ເລື່ອງ. ໃນນີ້ລັກຊັບພົນລະເມືອງ ມີ 26 ເລື່ອງ, ລັກລົດຈັກ 1 ເລື່ອງ, ຊິງຊັບພົນລະ ເມືອງ 4 ເລື່ອງ, ປຸ້ນຊັບ 2 ເລື່ອງ, ຄາດ ຕະກຳ ແລະ ທຳຮ້າຍຮ່າງກາຍ 1 ເລື່ອງ ແລະ ສາມາດແກ້ໄຂໄດ້ 17 ເລື່ອງ, ຈັບຕົວຜູ້ກະທໍາຜິດໄດ້ 24 ຄົນ ( ຍິງ 4 ຄົນ). ນອກນີ້, ຍັງພົບເຫັນຜູ້ລະເມີດກົດຈະລາ ຈອນຫລາຍກວ່າຮ້ອຍກໍລະນີ, ແລະ ມີອຸປະຕິເຫດຕາມຖະໜົນ ເກີດຂຶ້ນ 17 ຄັ້ງ, ມີພາຫະ ນະເປ່ເພຫລາຍກວ່າ 30 ຄັນ, ມີຜູ້ບາດ ເຈັບຫລາຍສີບຄົນ, ແລະ ຕໍ່ສະພາບ ດັ່ງກ່າວ, ໃນຕໍ່ ໜ້ານີ້, ອົງການປົກຄອງເມືອງສີ ສັດຕະນາກແຕ່ລະຂັ້ນ ຈະສຸມໃສ່ ການຈັດຕັ້ງປະຕິບັດແນວທາງ ປ້ອງກັນຊາດ-ປ້ອງກັນຄວາມ ສະຫງົບຮອບດ້ານ ແລະ ຕົ້ນຕໍ ແມ່ນເລັ່ງໃສ່ການແກ້ໄຂປາກົດ ການ ຫຍໍ້ທໍ້ຕ່າງໆໃນສັງຄົມ ເປັນ ຕົ້ນ: ບັນຫາຢາເສບຕິດ, ການ ປຸ້ນຊັບ-ຊີງຊັບ, ລັກຊັບ, ອຸປະຕິເ ຫດ ແລະ ເອົາໃຈໃສ່ລົງກວດ ກາຈັດສັນຄວາມເປັນລະບຽບ ຮຽບຮ້ອຍ ແລະ ແກ້ໄຂສະພາບ ການຂາຍເຄື່ອງຊະຊາຍທີ່ບໍ່ ເປັນລະບຽບຈົບງາມໃຫ້ໄດ້ຢ່າງຂາດຕົວ.

ຂ່າວໃຫ້ຮູ້ອີກວ່າ: ໃນ 9 ເດືອນຜ່ານມາເມືອງດັ່ງກ່າວ ສາມາດມ້າງຄະດີຢາເສບຕິດ ໄດ້ 45 ເລື່ອງກັກຜູ້ຖືກຫາ 76 ຄົນຍຶດຂອງກາງຢາບ້າ 26 ພັນ ກວ່າເມັດ, ຢາໄອ 47 ກລາມ ແລະ ໂທລະສັບມືຖື 45 ເຄື່ອງ ຜົນເດັ່ນແມ່ເມື່ອບໍ່ດົນມານີ້, ເຈົ້າໜ້າທີ່ປາບປາມຢາເສບຕິດ ເມືອງໄດ້ນຳກຳລັງກວດຄົ້ນ ເຮືອນພັກຫລັງໜຶ່ງ ຢູ່ເຂດບ້ານ ດົງນາໂຊກ ພາຍຫລັງໄດ້ຮັບ ແຫລ່ງຂ່າວຈາກປະຊາຊົນວ່າ: ມີກຸ່ມຄົນບໍ່ດີຈຳນວນໜຶ່ງອາໄສບ້ານພັກດັ່ງກ່າວເປັນບ່ອນນັດຊື້- ຂາຍຢາເສບຕິດ ຈິ່ງໄດ້ພົບເຫັນ ແລະ ກັກຕົວ ທ້າວ ຮວ່າງ ຫລື ຫວຽດ ອາຍຸ 21 ປີ ຢູ່ບ້ານ ໂພນ ພະເນົາ ເມືອງໄຊເສດຖາ ແລະ ທ້າວ ທະນູ່ສັກ ຫລື ນູ່ ອາຍຸ 21 ປີ ຢູ່ບ້ານໂພນຕ້ອງສະຫວາດ ເມືອງຈັນທະບູລີ, ຈາກການສອບ ສວນຂະຫຍາຍຜົນ ຈິ່ງສາມາດ ກັກຕົວຜູ້ຮ່ວມຂະບວນການໄດ້ ອີກຄື: ທ້າວ ຊ້າງ ອາຍຸ 29 ປີ ຢູ່ບ້ານຈັນສະຫວ່າງ, ທ້າວນ້ອຍ ອາຍຸ 33 ປີຢູ່ບ້ານທົ່ງປົ່ງ ແລະ ທ້າວ ສີວິພາກອນ ອາຍຸ 19 ປີ ຢູ່ບ້ານຕາດທອງ ເມືອງສີໂຄດຕະ ບອງນະຄອນ ຫລວງວຽງຈັນ ພ້ອມຂອງກາງຢາບ້າຫລາຍ ກວ່າ 5 ພັນເມັດ ແລະ ຄະດີອື່ນໆ.