ຫລາກຫລາຍຄຸນປະໂຫຍດທີ່ທ່ານຈະໄດ້ຈາກການເຕັ້ນເຊືອກ

- advert banner 728 90 728x90 - ຫລາກຫລາຍຄຸນປະໂຫຍດທີ່ທ່ານຈະໄດ້ຈາກການເຕັ້ນເຊືອກ
  1. ເຕັ້ນເຊືອກຫລຸດນຳ້ໜັກໄດ້ຫລາຍກາລໍຣີ : ຖ້າປຽບທຽບກັບການແລ່ນຈັອກກິ້ງ 30 ນາທີແລ້ວ ການເຕັ້ນເຊືອກເຜົາຜານໄຂມັນໄດ້ຫລາຍກ່ວາ ໂດຍຜົນການສຶກສາຈາກ Science Daily ກໍເປີດເຜີຍໃຫ້ຮູ້ວ່າ : ການເຕັ້ນເຊືອກ ຖືເປັນການເຕັ້ນແອໂຣບິກຊະນິດໜຶ່ງ ເຊິ່ງຈະຊ່ວຍເຜົາຜານກາລໍຣີໄດ້ຫລາຍເຖິງ 1.300 ກິໂລກາລໍຣີຕໍ່ການເຕັ້ນເຊືອກ 1 ຊົ່ວໂມງ ຫລື ປຽບທຽບຄື ເຕັ້ນເຊືອກຕໍ່ເນື່ອງ 10 ນາທີ ຮ່າງກາຍກໍເຜົາຜານໄດ້ເທົ່າກັບການແລ່ນໃນໄລຍະທາງ 1,6 ກິໂລແມັດພາຍໃນເວລາ 8 ນາທີ.
  2. ເພີ່ມຄວາມສູງ : ການເຕັ້ນເຊືອກຊ່ວຍເພີ່ມຄວາມສູງ ເພາະຈະບັງຄັບຮ່າງກາຍຂອງເຮົາໃຫ້ຢຽດຊື່, ກ້າມຊີ້ນຫລັງ, ກາງເລົາຄີງ ລວມທັງກ້າມຊີ້ນຂາກໍຈະຢືດຂະຫຍາຍ ແຕ່ທັງນີ້ເຮົາກໍຕ້ອງຢຽດຮ່າງກາຍຊື່ຂະນະທ່ີເຕັ້ນນຳ ແລະ ຫາກສາມາດເຕັ້ນເປັນປະຈຳທຸກມື້ປະມານ 15 ນາທີຕໍ່ມື້ ເທົ່ານີ້ກໍຊ່ວຍເພີ່ມຄວາມສູງໃຫ້ໂຕເອງໄດ້ປະມານ 2 – 3 ນິ້ວ.
  3. ເພີ່ມທັກສະການປະສານງານຂອງອະໄວຍະວະຕ່າງໆ : ສຳລັບຄົນທີ່ໄຈ້ແຍກປະສາດບໍ່ຄ່ອຍໄດ້ ຮ່າງກາຍບໍ່ຄ່ອຍເຄື່ອນໄຫວສຳພັນກັນປານໃດ ຢາກໃຫ້ລອງເຕັ້ນເຊືອກເພື່ອແກ້ໄຂບັນຫານີ້ໄດ້ ເນື່ອງຈາກການເຕັ້ນເຊືອກຊ່ວຍໃຫ້ສະມາທິຂອງທ່ານຈົດຈໍ່ຢູ່ກັບຈັງຫວະການເຄື່ອນໄຫວຂອງຕີນ. ໃນຂະນະທີ່ມືກໍຈະໝູນເຊືອກກ້ຽວໄປເລື້ອຍໆ ເຊິ່ງໃນບ່ອນນີ້ສະໝອງຈະຊ່ວຍທ່ານໄຈ້ແຍກເສັ້ນປະສາດໄປພ້ອມໆກັນນຳ ດັ່ງນັ້ນ ຈຶ່ງໝາຍຄວາມວ່າຫາກທ່ານເຕັ້ນເຊືອກເປັນປະຈຳ ທັກສະດ້ານນີ້ກໍຈະດີຂຶ້ນເລື້ອຍໆ, ການເຮັດວຽກຂອງອະໄວຍະວະສ່ວນຕ່າງໆກໍຈະສາມັກຄີກັນຫລາຍຂຶ້ນ.
  4. ສະຫລາດຂຶ້ນ : ສະຖາບັນການເຕັ້ນເຊືອກແຫ່ງສະຫະລັດອາເມລິກາ ພົບວ່າ : ການເຕັ້ນເຊືອກຈະຊ່ວຍພັດທະນາສະໝອງທັງເບື້ອງຊ້າຍ ແລະ ຂວາ ເຊິ່ງກໍເທົ່າກັບວ່າທັກສະການຮຽນຮູ້ ແລະ ຈື່ຈຳ, ທັກສະການອ່ານ, ທັກສະການເຮັດຄວາມເຂົ້າໃຈ, ຄວາມຈື່ຈຳ ແລະ ການເຮັດວຽກຂອງສະໝອງກໍຈະຖືກພັດທະນາໃຫ້ດີຂຶ້ນເລື້ອຍໆ ທັງຍັງຊ່ວຍໃຫ້ມີສະມາທິຫລາຍຂຶ້ນນຳອີກ.
  5. ດີຕໍ່ສຸຂະພາບຂອງລະບົບຫົວໃຈ ແລະ ຫລອດເລືອດ : ຜົນການສຶກສາຈາກ American College of Sports Medicine  ພົບວ່າ : ການເຕັ້ນເຊືອກເປັນການອອກກຳລັງກາຍແບບແອໂຣບິກທີ່ທາງການແພດເຊື່ອໝັ້ນຫລາຍທີ່ສຸດ ເພາະຊ່ວຍໃຫ້ຫົວໃຈເຕັ້ນແຮງ ປອດຂະຫຍາຍ ເຊິ່ງຖ້າຢາກອອກກຳລັງກາຍລະບົບຫົວໃຈ ແລະ ຫລອດເລືອດ ລວມທັງສຸຂະພາບປອດໄປນຳ ທາງນັກວິໄຈກໍແນະນຳໃຫ້ເຕັ້ນເຊືອກເທື່ອລະ 12 – 20 ນາທີເປັນຢ່າງໜ້ອຍ ແລະ ເຮັດຢ່າງໜ້ອຍ 2 ເທື່ອຕໍ່ອາທິດ.
  6. ຊ່ວຍລະບົບຫາຍໃຈໃຫ້ໂລ່ງສະບາຍຂຶ້ນ : ການເຕັ້ນເຊືອກຊ່ວຍໃຫ້ຮ່າງກາຍແຂງແຮງຂຶ້ນໄດ້, ລະບົບຫົວໃຈເຮັດວຽກດີ ຂຶ້ນ, ປອດແຂງແຂງຂຶ້ນກ່ວາເກົ່າ ຈຶ່ງຫາຍໃຈໄດ້ຍາວຂຶ້ນ, ບໍ່ຮູ້ສຶກເມື່ອຍຈົນຫາຍໃຈບໍ່ທັນເວລາເຮັດກິດຈະກຳຕ່າງໆອີກຕໍ່ໄປ.
  7. ເສີມຄວາມແຂງແຮງຂອງກະດູກ : ດຣ. Daniel W. Barry ຜູ້ຊ່ວຍສາສະດາຈານຄະນະແພດສາດຈາກ University of Colorado ພ້ອມທີມນັກວິໄຈໄດ້ສຶກສາເລື່ອງຄວາມເສື່ອມຂອງກະດູກກ່ອນໄວອັນຄວນໃນນັກກິລາອາຊີບ ແລະ ເຫັນວ່າການເຕັ້ນເຊືອກຂຶ້ນ – ລົງໄປມາເປັນການອອກກຳລັງກາຍທີ່ຊ່ວຍເສີມສ້າງຄວາມແຂງແຮງຂອງກະດູກທີ່ດີສຸດ ເນື່ອງຈາກການເຕັ້ນເຊືອກເປັນການເຄື່ອນໄຫວຮ່າງກາຍທີ່ບໍ່ຮຸນແຮງ ແຕ່ໄດ້ບໍລິຫານກ້າມຊີ້ນ ແລະ ກະດູກເກືອບທຸກສ່ວນ ຈຶ່ງເປັນການອອກກຳລັງກາຍທີ່ບໍ່ມີຄວາມສ່ຽງຕໍ່ອາການບາດເຈັບ ໂດຍສະເພາະອາການບາດເຈັບຈາກການເຄື່ອນໄຫວຮ່າງກາຍໄວ ແລະ ຮຸນແຮງ.
  8. ຊ່ວຍຫລຸດຄວາມສ່ຽງອາການບາດເຈັບຂອງຕີນ ແລະ ຂໍ້ຕີນ : ເຖິງວ່າການເຕັ້ນເຊືອກຈະລົງນຳ້ໜັກໃນຕີນຍຳ້ໆກັນຫລາຍເທື່ອ ແຕ່ຫາກປຽບທຽບກັບກິລາທີ່ຕ້ອງມີການເຄື່ອນໄຫວໄວໆດັ່ງ ບານບ້ວງ, ເຕັນນິດ ຫລື ບານເຕະແລ້ວ ການເຕັ້ນເຊືອກຍັງຊ່ວຍຮັກສາກ້າມຊີ້ນຕີນ ແລະ ຂໍ້ຕີນໄດ້ຫລາຍກ່ວາ ດັ່ງນັ້ນຄວາມສ່ຽງຕໍ່ອາການບາດເຈັບຂອງອະໄວຍະວະສ່ວນນີ້ຈຶ່ງອ່າວໜ້ອຍ.

9. ໃຈເຢັນຂຶ້ນ : ສະຖາບັນການເຕັ້ນເຊືອກສະຫະລັດອາເມລິກາເປີດເຜິຍວ່າຜົນການສຶກສານັກມວຍທີ່ຝຶກຄວາມແຂງແກ່ນຂອງຮ່າງກາຍໂດຍການເຕັ້ນເຊືອກຈະຂຶ້ນສັງວຽນດ້ວຍສະມາທິ ແລະ ຈິດໃຈທີ່ສະຫງົບຫລາຍກ່ວານັກມວຍທີ່ບໍ່ໄດ້ເຕັ້ນເຊືອກຝຶກຊ້ອມ.

- new3 - ຫລາກຫລາຍຄຸນປະໂຫຍດທີ່ທ່ານຈະໄດ້ຈາກການເຕັ້ນເຊືອກ
error: Content is protected !!