ສານສູງແອັສປາຍອອກໝາຍຮຽກ ອະດີດຜູ້ນຳກາຕາລູນາ

- advert banner 728 90 728x90 - ສານສູງແອັສປາຍອອກໝາຍຮຽກ ອະດີດຜູ້ນຳກາຕາລູນາ

ສານ​ໄຮ​ຄໍ​ຂອງ​ແອັສປາຍ​ຕ້ອງການ​ໃຫ້​ທ່ານ ຄາຣ ປຸຍ​ເດິ​ມອງ ອະດີດ​ປະທານາທິບໍດີ​ກາ​ຕາ​ລູນາ ພ້ອມ​ພັກ​ພວກ​ອີກ 13 ຄົນ ​ເຂົ້າລາຍ​ງານ​ຕົວ​ພາຍ​ໃນ 48 ຊົ່ວ​ໂມງ ​ແລະ ຮຽກ​ຄ່າ​ເສຍ​ຫາຍ​ເບື້ອງຕົ້ນ​ 6,2 ລ້ານ​ເອີ​ໂຣ.

- new3 - ສານສູງແອັສປາຍອອກໝາຍຮຽກ ອະດີດຜູ້ນຳກາຕາລູນາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມາດຣິດ ປະ​ເທດ​ແອັສປາຍ ​ໃນ​ວັນ​ທີ 31 ຕຸລາ​ວ່າ: ສານ​ໄຮ​ຄໍ​ຂອງ​ແອັສປາຍ​ອອກ​ໝາຍ​ຮຽກ​ໃຫ້​ທ່ານ ຄາຣ ປຸຍ​ເດິ​ມອງ ອະດີດ​ປະທານາທິບໍດີ​ກາ​ຕາ​ລູນາ ພ້ອມ​ອະດີດ​ເຈົ້າໜ້າ​ທີ່​ໃນ​ຄະນະ​ລັດຖະບານ​ອີກ 13 ຄົນ ​ເຂົ້າລາຍ​ງານ​ຕົວ​ຢູ່​ສຳນັກງານ​ຂອງ​ສານ​ໃນ​ນະຄອນຫລວງ​ມາດຣິດ ຕາມ​ການ​ນັດ​ໝາຍ​​ໃນ​ວັນ​ທີ 2-3 ພະຈິກ​ນີ້. ຂະນະ​ດຽວ​ກັນ ສານ​ກຳນົດ​ໄລຍະ​ເວລາ 72 ຊົ່ວ​ໂມງ​ໃຫ້​ທັງ 14 ຄົນ ​ໃນ​ການ​ຮ່ວມ​ກັນ​ວາງ​ມັດ​ຈຳ “ຄ່າ​ເສຍ​ຫາຍ” ທີ່​ອາດ​ເກີດ​ຂຶ້ນ​ໃນ​ເບື້ອງຕົ້ນ ​ເປັນ​ຈຳນວນ 6,2 ລ້ານ​ເອີ​ໂຣ.

ຄຳ​ສັ່ງ​ດັ່ງກ່າວ​ຂອງ​ສານ​ສູງ​ມີ​ຂຶ້ນພຽງ 1 ວັນ ຫລັງ​ສຳນັກງານ​ໄອ​ຍະ​ການ​ສູງ​ສຸດ​ປະກາດ​ສັ່ງ​ຟ້ອງ​ທ່ານ ປຸຍ​ເດິ​ມອງ ຖານ​ເປັນ​ກະບົດ, ປຸກລະດົມ​ທາງ​ການ​ເມືອງ​ເພື່ອ​ສ້າງ​ຄວາມ​ແຕກ​ແຍກ ​ແລະ ການ​ໃຊ້​ອຳນາດ​ລັດ​ໃນ​ທາງ​ບໍ່​ຖືກຕ້ອງ ຈາກ​ຄວາມ​ພະຍາຍາມ​ເຄື່ອນ​ໄຫວ​ຝ່າຍ​ດຽວ​ເພື່ອ​ແບ່ງ​ແຍກ​ດິນ​ແດນ ​ໂດຍ​ການຈັດ​ລົງ​ປະຊາ​ມະຕິ​ໃນ​ວັນ​ທີ 1 ຕຸລາ​ຜ່ານ​ມາ ທັງ​ທີ່​ສານ​ລັດຖະທຳ​ມະນູນ​ປະກາດ​ວ່າ​ກິດຈະກຳ​ການ​ເມືອງ​ຄັ້ງນີ້​ເປັນ​ໂມຄະ.

error: Content is protected !!