ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່

- 23134852 890577534428386 1630098413 o - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່
- AGL banner - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່

​​ພິທີ​ວາງ​ສີ​ລາ​ລຶກເພື່ອ​​ປຸກ​ສ້າງ​ຫໍ​ສະພາ​ແຫ່ງ​ຊາດ​ຫລັງ​ໃໝ່, ​ໄດ້​ຈັດ​ຂຶ້ນ​ໃນເຊົ້າ​ວັນ​ທີ 1 ພະຈິກ​ນີ້, ທີ່ນະຄອນຫລວງ​ວຽງ​ຈັນ, ​ໂດຍ​ການ​​​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ຍັງ ວໍລະ​ຈິດ ປະທານ​ປະ​ເທດ​ແຫ່ງ ສປປ ລາວ, ມີ​ທ່ານ​ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ​ລາວ ​ແລະ ທ່ານ​ນາງ ຫງວຽນ​ ທິກິມ ​ເງິນ ປະທານ​ສະພາ​ແຫ່ງ​ຊາດ​ຫວຽດນາມ​ໃຫ້​ກຽດເຂົ້າ​ຮ່ວມ.

ທ່ານ ສົມ​ພັນ ​ແພງ​ຄຳ​ມີ ຮອງ​ປະທານ​ສະພາ​ແຫ່ງ​ຊາດ ​ໄດ້ກ່າວ​ໃນ​ພິທີ​ວ່າ: ຫໍ​ສະພາ​ແຫ່ງ​ຊາດ​ຫລັງ​ໃໝ່ນີ້ ​ແມ່ນ​ໄດ້​ຮັບ​ທຶນ​ຊ່ວຍ​ເຫລືອ​ຈາກ​ພັກ ​ແລະ ລັດຖະບານ​ຫວຽດນາມ​ ​ໃນ​ມູນ​ຄ່າ 100 ລ້ານ​ໂດ​ລາ​ສະຫະລັດ ​ເພື່ອ​ປ່ຽນ​ແທນຫໍ​ສະພາ​​ຫລັງ​ເກົ່າ ທີ່​ໄດ້​ນຳ​ໃຊ້​ມາ​ແຕ່​ຕົ້ນ​ປີ 1991, ຊຶ່ງ​ມາ​ຮອດ​ປັດຈຸບັນ ກໍເປັນ​ເວລາ 26 ປີ​ແລ້ວ, ອາຄານ​ເລີ່​ມມີ​ການ​ຊຸດ​ໂຊມ​ລົງ​, ​ໂດຍ​ສະ​ເພາະ​ແມ່ນ​ລະ ບົບ​ໂຄງ​ຫລັງຄາ. ຈາກ​ສະພາບ​ດັ່ງກ່າວ ຄະນະ​ຫ້ອງ​ວ່າການ​ສະພາ ​ໄດ້​ສະຫລຸບ​ລາຍ​ງານເພື່ອ​ຂໍ​ທິດ​ຊີ້​ນຳ​ຈາກ​ຄະນະ​ປະຈຳ​ສະພາ​ແຫ່ງ​ຊາດ​ຄື: ສະ​ເໜີ​ສ້ອມ​ແປງ​ຂະໜາດ​ໃຫຍ່ ​ແລະ ປຸກ​ສ້າງຫລັງ​ໃໝ່. ຜ່າ​ນການ​ປຶກສາ​ຫາລື,​ ຕີ​ລາຄາຢ່າງ​ຖີ່​ຖ້ວນ​ສົມ​ທຽບລະຫວ່າງ​ການ​ສ້ອມ​ແປງ​ໃຫຍ່​ກັບ​ການ​ປຸກ​ສ້າງ​ໃໝ່, ​ໂດຍ​ຄຳນຶງ​ເຖິງ​ການ​ເຕີບ​ໃຫຍ່​ຂະຫຍາຍຕົວ​ຂອງ​ສະພາ​ແຫ່ງ​ຊາດ ​ແລະ ​ເຫັນ​ໄດ້​ທີ່​ຕັ້ງ​ພາລະ​ບົດບາດ​ທີ່​ສຳຄັນ​ຂອງ​ສະພາ​ແຫ່ງ​ຊາດ​ໃນ​ສະ​ເພາະ​ໜ້າ ​ແລະ ຍາວ​ນານ. ຄະນະ​ປະຈຳ​ສະພາ​ແຫ່ງ​ຊາດ ຊຸດ​ທີ VII ​ໄດ້ຕົກລົງ​ເປັນ​ເອກະ​ພາບ​ເລືອກ​ເອົາ​ການ​ປຸກ​ສ້າງ​ຫໍ​ສະພາ​ແຫ່ງ​ຊາດຫລັງ​ໃໝ່ ​ແລະ ​ໄດ້​ຮັບ​ຄຳ​ເຫັນ​ຈາກ​ກົມ​ການ​ເມືອງ​ສູນ​ກາງ​ພັກ​ໃຫ້​ປຸກ​ສ້າງ​ຫໍ​ສະພາ​ແຫ່ງ​ຊາດ​ຫລັງ​ໃໝ່.

ຫໍ​ສະພາ​ແຫ່ງ​ຊາດ​ຫລັງ​​ໃໝ່​ ຈະ​ສ້າງ​ຂຶ້ນ​ໃນ​ເນື້ອ​ທີ່ 23.400 ຕາ​ແມັດ, ​ ຈະ​ມີ​ຫ້ອງ​ປະຊຸມ​ໃຫຍ່​ທີ່​ໂອ​ໂຖງ, ຫ້ອງ​ເຮັດ​ວຽກ, ຫ້ອງ​ບໍລິຫານ ​ແລະ ອື່ນໆ​ດ້ວຍລະບົບ​ຄວາມ​ປອດ​ໄພ​ທີ່​ໄດ້​ມາດ​ຕະຖານ​ ​ເພື່ອ​ອຳນວຍ​ຄວາມ​ສະດວກ​ໃນ​ການ​ເຮັດ​ວຽກ​ຂອງ​ສະພາ​ແຫ່ງ​ຊາດ ທີ່​ໄດ້​ອອກ​ແບບ​ໃຫ້​ມີ​​ເອກະລັກ​ສະ​ເພາະ ຂອງ​ສະພາ​ແຫ່ງ​ຊາດ, ພ້ອມ​ນີ້ ຍັງ​ມີ​ຄວາມ​ກົມ​ກືນ​ກັບ​ສິ່ງ​ປຸກ​ສ້າງ​ໃນ​ບໍລິ​ເວນ​ອ້ອມ​ຂ້າງ​ເດີ່ນ​ພະທາດ​ຫລວງ, ​ໃນ​ນັ້ນ ຈຸດ​ສູງ​ສຸດ​ບໍ່​ໃຫ້​ສູງ​ລື່ນ​ຈອມ​ພະທາດ​ຫລວງ, ມີ​ລວດ​ລາຍ​ດວງ​ດອກ​ທີ່​ເປັນ​ເອກະລັກ​ທາງ​ດ້ານ​ສິລະ​ປະວັດ​ທະນະ​ທຳ​ຂອງ​ລາວ​ປະສານ​​ກັບ​ຄວາມ​ທັນ​ສະ​ໄໝ​ຂອງ​ຍຸກ​ສະ​ໄໝ.

- Wave100S AD to Website 2020 0 - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່

​ໃນ​ໂອກາດ​ສະ​ເຫລີ​ມສະຫລອງ​ວັນ​ປະຫວັດສາດ​ແຫ່ງ​ການ​ສ້າງສາ​ຍພົວ ພັນ​ທາງ​ການ​ທູດ​ລາວ-ຫວຽດນາມ ຄົບຮອບ 55 ປີ ​ແລະ ວັນ​ເຊັນ​ສົນທິ​ສັນ ຍາຄົບຮອບ 40 ປີ, ທ່ານ ຫງວຽນ ຝູ ຈ໋ອງ ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ຄອມ​ມູນິດ​ຫວຽດນາມ ຕາງໜ້າ​ໃຫ້​ພັກ, ລັດຖະບານ ​ແລະ ປະຊາຊົນ​ຫວຽດນາມ ​ໄດ້​ມອບ​ເງິນ​ຈຳນວນ 100 ລ້ານ​ໂດ​ລາ​ສະຫະລັດ ​ເພື່ອ​ເປັນ​ຂອງຂວັນ​ໃຫ້​ແກ່ພັກ, ລັດຖະບານ ​ແລະ ປະຊາຊົນລາວ ​ເພື່ອ​ນຳ​ໃຊ້​ເຂົ້າ​ໃນ​ການ​ປຸກ​ສ້າງ​ຫໍ​ສະພາ​ແຫ່ງ​ຊາດ​​ຫລັງ​ໃໝ່ດັ່ງກ່າວ​ໃຫ້ສຳ​ເລັດ​ຜົນ​ຢ່າງ​ຈົບງາມ.

- WhatsApp Image 2020 05 27 at 5 - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່
- WhatsApp Image 2020 05 27 at 5 - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່
- WhatsApp Image 2020 05 27 at 5 - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່
- WhatsApp Image 2020 05 27 at 5 - ວາງ​ສີ​ລາ​ລຶກສ້າງຫໍ​ສະພາ​ແຫ່ງ​ຊາດ​ຫລັງໃໝ່
error: Alert: Content is protected !!