ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)

- 15267518 1366192226758622 4194926674388842015 n Copy - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)
- AGL banner - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)

ໃນວັນທີ 30 ຕຸລາ ຜ່ານມານີ້, ລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ອອກຄໍາສັ່ງ ເລກທີ 4334/ກປ, ກ່ຽວກັບການສ້າງຂະບວນການ ສັກຢາກັນພະຍາດສັດ ເນື່ອງໃນໂອກາດວັນສັກຢາກັນພະຍາດສັດແຫ່ງຊາດວັນທີ 11 ພະຈິກ, ໃຫ້ເປັນຂະບວນຟົດຟື້ນຄື.

ໃຫ້ກົມລ້ຽງສັດ ແລະ ການປະມົງ ປະສານສົມທົບກັບພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງ, ອົງການປົກຄອງທ້ອງຖິ່ນແຕ່ລະຂັ້ນ ແລະ ຂະແໜງການກ່ຽວຂ້ອງ ສືບຕໍ່ໂຄສະນາເຜີຍແຜ່ຂໍ້ມູນຕົ້ນຕໍຂອງກົດໝາຍ, ດໍາລັດ, ຄໍາສັ່ງ, ຂໍ້ຕົກລົງ, ຄໍາແນະນໍາ ແລະ ແຈ້ງການຕ່າງໆ ທີ່ຕິດພັນກັບການລ້ຽງສັດ ແລະ ສັດຕະວັດແພດ ໃຫ້ພະນັກງານ ແລະ ລັດຖະກອນ, ຕະຫຼອດຮອດ ປະຊາຊົນບັນດາເຜົ່າ ດ້ວຍຫຼາຍຮູບແບບ, ຫຼາຍລະດັບ ແລະ ຫຼາຍວິທີທີ່ແຕກຕ່າງກັນ ຕາມຈຸດປະສົງຂອງແຕ່ລະເປົ້າໝາຍ ໂດຍຜ່ານສື່ຕ່າງໆ ເປັນຕົ້ນ ໜັງສືພິມ, ໂທລະພາບ, ວິທະຍຸ, ຈັດກິດຈະກໍາຖາມ-ຕອບ, ກອງປະຊຸມສໍາມະນາ ໂດຍຍົກໃຫ້ເຫັນຄວາມສໍາຄັນຂອງການເຝົ້າລະວັງ, ການປ້ອງກັນ ແລະ ຕ້ານພະຍາດສັດ ລວມທັງຄວາມເສຍຫາຍທາງເສດຖະກິດອັນມະຫາສານ ທີ່ເກີດຈາກຄວາມຖືເບົາ ຕໍ່ວຽກງານການສັກຢາກັນພະຍາດສັດ, ຕັ້ງໜ້າຕາມທິດນໍາທີ່ວ່າ “ການກັນພະຍາດສັດ ເປັນໜ້າທີ່ຂອງໝົດທຸກຄົນ”.

ໃຫະພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງວຽງຈັນ ຄົ້ນຄວ້າ ແລະ ນໍາສະເໜີເຈົ້າແຂວງ, ເຈົ້າຄອງນະຄອນຫຼວງ ແຕ່ງຕັ້ງຄະນະຮັບຜິດຊອບຊີ້ນໍາລວມ, ຊຶ່ງປະກອບດ້ວຍ ທ່ານຮອງເຂົ້າແຂວງ, ຮອງເຈົ້າຄອງນະຄອນ ເປັນປະທານ, ບັນດາພະແນກການກ່ຽວຂ້ອງຂັ້ນແຂວງ ເປັນຄະນະເຮັດໜ້າທີ່ຊີ້ນໍາ-ນໍາພາການຈັດຕັ້ງ ສະເຫຼີມສະຫລອງວັນສັກຢາກັນພະຍາດສັດແຫ່ງຊາດ ຕະຫຼອດເດືອນພະຈິກ 2017, ພ້ອມກັນນັ້ນ ກໍຂຶ້ນແຜນຄວາມຕ້ອງການຢາກັນພະຍາດສັດ ແລ້ວສົ່ງໃຫ້ກົມລ້ຽງສັດ ແລະ ການປະມົງ ເພື່ອຜະລິດ ແລະ ສະໜອງໃຫ້ຕາມຄວາມເໝາະສົມ.

ໃຫ້ຖືກເອົາວັນສັກຢາກັນພະຍາດສັດແຫ່ງຊາດ ວັນທີ 11 ພະຈິກ ຂອງທຸກໆປີ ເປັນວັນປຸກລະດົມສ້າງຈິດສໍານຶກ ແລະ ກໍາລັງແຮງທົ່ວປວງຊົນ, ເຝົ້າລະວັງ ແລະ ໂຕ້ຕອບພະຍາດສັດ ບໍ່ໃຫ້ເກີດໃນຝູງສັດລ້ຽງຂອງຕົນ, ຕິດພັນກັບການຍົກສູງສະຕິເປັນເຈົ້າໃນການປ້ອງກັນ ແລະ ຮັກສາສຸຂະພາບສັດລ້ຽງຂອງຕົນ ຕາມທິດນໍາທີ່ວ່າ “ຖືເອົາການປ້ອງກັນເປັນຕົ້ນຕໍ ເອົາການປິ່ນປົວ ເປັນສໍາຄັນ”.

- Wave100S AD to Website 2020 0 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)

ສໍາລັບແຂວງ, ນະຄອນຫຼວງ ທີ່ມີເງື່ອນໄຂ ກໍໃຫ້ຈັດການແຂ່ງຂັນປະກວດສັດລ້ຽງປະເພດຕ່າງໆ ເປັນຕົ້ນ ພໍ່-ແມ່ພັນ, ສຸຂະພາບ, ຄວາມງາມ ແລະ ອື່ນໆ ເພື່ອເປັນການໂຄສະນາເຜີຍແຜ່ແນວພັນສັດລ້ຽງທີ່ດີ ແລະ ມີຄຸນນະພາບ.

ມອບໃຫ້ກົມລ້ຽງສັດ ແລະ ການປະມົງ ສົມທົບກັບພະແນກກະສິກໍາ ແລະ ປ່າໄມ້ປະຈໍາແຂວງ, ນະຄອນຫຼວງວຽງຈັນ ຊຸກຍູ້, ຕິດຕາມ ແລະ ປະເມີນຜົນການຈັດຕັ້ງປະຕິບັດວຽກງານຄັ້ງນີ້ ເພື່ອຊອກໃຫ້ເຫັນບຸກຄົນ, ຄອບຄົວ ແລະ ການຈັດຕັ້ງ ທີ່ໄດ້ປະກອບສ່ວນເຫື່ອແຮງ ແລະ ທຶນຮອນ ເຂົ້າໃນການກັນພະຍາດ, ແລ້ວນໍາສະເໜີຂັ້ນເທິງພິຈາລະນາຍ້ອງຍໍ ແລະ ອື່ນໆ ຕາມທີ່ໄດ້ກໍານົດໄວ້ໃນດໍາລັດ ຂອງນາຍົກລັດຖະມົນຕີ ວ່າດ້ວຍການເພີ່ມທະວີວຽກງານແຂ່ງຂັນ-ຍ້ອງຍໍໃນໄລຍະໃໝ່.

ຜ່ານການຈັດຕັ້ງປະຕິບັດ ມີຂໍ້ສະດວກ, ຫຍຸ້ງຍາກແນວໃນ ໃຫ້ລາຍງານການນໍາກະຊວງກະສິກໍາ ແລະ ປ່າໄມ້ ໄດ້ຮັບຊາບເປັນປົກກະຕິ ເພື່ອຫາວິທີແກ້ໄຂຢ່າງທັນການ.

- WhatsApp Image 2020 05 27 at 5 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)
- WhatsApp Image 2020 05 27 at 5 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)
- WhatsApp Image 2020 05 27 at 5 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)
- WhatsApp Image 2020 05 27 at 5 - ເອົາໃຈໃສ່ສັກຢາກັນພະຍາດສັດ (ເນື່ອງໃນໂອກາດວັນສັກຢາກັນພະຍາດສັດແຫ່ງຊາດ)
error: Alert: Content is protected !!