ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່

- AGL banner - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່

ສປປ ​ເກົາຫລີ ອາດ​ຈະ​ກຳລັງ​ກຽມ​ການ​ທົດ​ລອງ​ຍິງ​ລູກ​ສອນ​ໄຟ​ອີກ​ເທື່ອ​ໃໝ່, ຈາກ​ລາຍ​ງານ​ຂອງ​ໜ່ວຍ​ງານ​ຂ່າວ ສ.​ເກົາຫລີ ​ໃນ​ວັນ​ທີ 2 ພະຈິກ ກ່ອນ​ປະທານາທິບໍດີ ​ໂດນ​ັນ ທຣຳ ຜູ້ນຳ​ອາ​ເມ​ລິ​ກາ ຈະ​ເດີນທາງ​ຢ້ຽມຢາມ​ແຫລມ​ເກົາຫລີ.

- capture15 - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່

ສຳນັກ​ຂ່າວ​ເອ​ເອຟພີ ລາຍ​ງານ​ຈາກ​ນະຄອນຫລວງ​ເຊ​ອຸນ ປະ​ເທດ ສ.​ເກົາຫລີ ​ໃນ​ວັນ​ທີ 2 ພະຈິກ​ວ່າ: ສຳນັກງານ​ຂ່າວ​ແຫ່ງ​ຊາດ ສ.​ເກົາຫລີ (NIS) ​ເປີດ​ເຜີຍ​ຕໍ່​ຄະນະ​ກຳມາ​ທິການ​ລັດຖະສະພາ ຢູ່​ນະຄອນຫລວງ​ເຊ​ອຸນ ລະຫວ່າງ​ກອງ​ປະຊຸມ​ລັບ ​ໃນ​ວັນ​ທີ 2 ພະຈິກ​ວ່າ: ມີ​ຄວາມ​ເປັນ​ໄປ​ໄດ້​ສູງ​ທີ່ ສປປ ​ເກົາຫລີ ຈະ​ຍິງ​ລູກ​ສອນ​ໄຟ ​ເນື່ອງ​ຈາກ​ກວດ​ສອບ​ພົບ​ການ​ເຄື່ອນ​ໄຫວ​ຜິດ​ປົກກະຕິ ຂອງ​ຍານ​ຍົນ​ພາຍ​ໃນ​ສູນ​ວິ​ໄຈ​ລູກ​ສອນ​ໄຟ ​ຢູ່​ນະຄອນຫລວງ​ພຽງ​ຢາງ.

​ເດືອນ​ກໍລະກົດ​ຜ່ານ​ມາ, ສປປ ​ເກົາຫລີ ທົດ​ລອງ​ລູກ​ສອນ​ໄຟ​ແບບ​ຂ້າມ​ທະວີບ (ICBM) 2 ລູກ ທີ່​ມີ​ໄລຍະ​ຍິງ​ໄກ​ເຖິງ​ອາ​ເມ​ລິ​ກາ ​ແລະ ທ່ານ ກິມຈອງ​ອິນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ກ່າວ​ວ່າ: ​ເປັນ​ຂອງຂວັນ​ສຳລັບ “ຊາວ​ອາ​ເມ​ລິ​ກາ” ຕິດຕາມ​ດ້ວຍ​ການ​ຍິງ​ລູກ​ສອນ​ໄຟ​ອີກ 2 ລູກ ຜ່ານ​ນ່ານຟ້າ​ຍີ່ປຸ່ນ ​ແລະ ການ​ທົດ​ລອງ​ນິວ​ເຄຼຍຄັ້ງທີ 6 ສົ່ງ​ຜົນ​ໃຫ້​ຄວາມ​ເຄັ່ງ​ຕຶງ​ເພີ່ມ​ຂຶ້ນ.

- Wave100S AD to Website 2020 0 - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່

- hm4ozlbq - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່

ທ່າມກາງ​ການ​ເດີນທາງ​ຢ້ຽມຢາມ​ທາງ​ການ​ທູດ​ສູ່​ພາກພື້ນຂອງ​ບຸກຄົນ​ຕ່າງໆ, ທ່ານ ​ເຢນ ສຕອລ​ເຕນ​ເບິ​ກ ​ເລຂາທິການ​ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ກ່າວ​ໃນ​ລະຫວ່າງ​ຖະ​ແຫລ​ງຂ່າວ ຢູ່​ສະ​ຖາບ​ັນສຶກສາ​ນະ​ໂຍບາຍ​ອາຊາ​ນ ​ໃນ​ນະຄອນຫລວງ​ເຊ​ອຸນ ວັນ​ທີ 2 ພະຈິກ​ວ່າ: ​ເປົ້າໝາຍ​ດ້ານ​ອາວຸດ​ຂອງ ສປປ ​ເກົາຫລີ ​ໄດ້​ກາຍ​ເປັນ “​ໄພ​ຄຸກ​ຄາມ​ຕໍ່​ໂລກ” ​ໂດຍ​ອາ​ເມ​ລິ​ກາ ​ແລະ ​ເອີຣົບ​​ໃກ້​ຈະ​ຢູ່​ໃນ​ລັດສະໝີ​ໂຈມ​ຕີ​ຂອງ​ລູກ​ສອນ​ໄຟ​ພຽງ​ຢາງ.

- WhatsApp Image 2020 05 27 at 5 - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່
- WhatsApp Image 2020 05 27 at 5 - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່
- WhatsApp Image 2020 05 27 at 5 - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່
- WhatsApp Image 2020 05 27 at 5 - ສປປ ເກົາຫລີ ກຽມທົດລອງຍິງລູກສອນໄຟຄັ້ງໃໝ່
error: Alert: Content is protected !!