ຜົນສຳຫລວດລະບຸຄົນສິງກະໂປໃຊ້ເວລາຢູ່ກັບເຄື່ອງມືສື່ສານວັນລະ 12 ຊົ່ວໂມງ

     ເວັບໄຊສື່ອອນລາຍສະເຕດທາມຂອງສິງກະໂປ ເປີດເຜີຍຜົນສຳຫລວດພຶດຕິກຳຊາວສິງກະໂປເລື່ອງການໃຊ້ອຸ ປະກອນສື່ສານໄຮເທັກພົບວ່າ: ຄົນສິງກະໂປໃຊ້ເວລາສ່ວນຫລາຍນັບແຕ່ຕື່ນໝົດໄປກັບການຫລິ້ນເຄື່ອງມືສື່ສານ ໄຮເທັກ ໂດຍສະເລ່ຍເປັນເວລາສູງເຖິງ 12 ຊົ່ວໂມງ 42 ນາທີ. ການໃຊ້ເວລາຫລາຍປານນີ້ກັບອຸປະກອນເອເລັກ ໂຕຣນິກເຊັ່ນ: ໂທລະສັບມືຖື, ແທັບເລັດ, ຄອມພິວເຕີ ແລະ ວີດີໂອເກມ ສົ່ງທັງຜົນດີ ແລະ ຜົນເສຍຕໍ່ການດຳ ລົງຊີວິດປະຈຳວັນເຊັ່ນ: ໃນແງ່ຂອງການມີປະຕິສຳພັນ ແລະ ການພັກຜ່ອນນອນຫລັບ.

ທັງນີ້, ຈາກການສຳຫຼວດພົບວ່າປະເພດອຸປະກອນເອເລັກໂຕຣນິກທີ່ຄົນໃຊ້ຫລາຍທີ່ສຸດ ຄືໂທລະສັບມືຖືຊະ ນິດສະມາດໂຟນຄິດເປັນໄລຍະເວລາສະເລ່ຍ 3 ຊົ່ວໂມງ 12 ນາທີ ໂດຍ 80% ຂອງຜູ້ຕອບແບບສອບຖາມບອກ ວ່າ: ພວກເຂົາຕ້ອງກວດເບິ່ງຂໍ້ຄວາມທັນທີ ທັງໃນຕອນຕື່ນ ແລະ ກ່ອນນອນ.