ສີລັງກາວຸ້ນວາຍໜັກ ຂາດເຂີນນ້ຳມັນແອັດຊັງ

- advert banner 728 90 728x90 - ສີລັງກາວຸ້ນວາຍໜັກ ຂາດເຂີນນ້ຳມັນແອັດຊັງ

ຜູ້​ຂັບ​ຂີ່​ຍານພາຫະນະ​ຢູ່​ສີ​ລັງກາ​ເຂົ້າຄິວ​ຕໍ່​ແຖວ​ຍາວ ຕາມ​ປ້ຳນ້ຳມັນ​ທົ່ວ​ປະ​ເທດ ຕິດ​ຕໍ່​ກັນ​ເປັນ​ວັນ​ທີ 2 ​ໃນ​ວັນ​ທີ 5 ພະຈິກ ​ເພື່ອ​ລໍຖ້າ​ຊື້ນ້ຳມັນ​​ແອັດ​ຊັງ ທ່າມກາງ​ສະພາບ​ຂາດ​ເຂີນ​ນ້ຳມັນ​ເຊື້ອ​ໄຟ.

- new3 - ສີລັງກາວຸ້ນວາຍໜັກ ຂາດເຂີນນ້ຳມັນແອັດຊັງ

ສຳນັກ​ຂ່າວ​ເອພີລາ​ຍງານ​ຈາກ​ນະຄອນຫລວງ​ໂກ​ລຳ​ໂບ ປະ​ເທດ​ສີ​ລັງກາ ​ໃນ​ວັນ​ທີ 4 ພະຈິກ​ວ່າ: ທ່ານ ອາ​ຈູ​ນາ ຣານາ​ຕັງ​ຄະ ລັດຖະມົນຕີ​ກະຊວງ​ປິ​ໂຕຣລຽມສີ​ລັງກາ ກ່າວ​ໃນ​ຖະ​ແຫລ​ງການ​ວັນ​ທີ 4 ພະຈິກ​ວ່າ: ການ​ແຈກ​ຢາຍ​ນ້ຳມັນ​ແອັດ​ຊັງ​ໄປ​ສະຖານີ​ບໍລິການ​ຕ່າງໆ​ຫລຸດ​ລົງ ​ເນື່ອງ​ຈາກ​ທາງ​ການ​ປະຕິ​ເສດ​ນ້ຳມັນ​ນຳ​ເຂົ້າຂົນ​ສົ່ງ​ທາງ​ກຳ​ປັ່ນ​ລຳ​ໜຶ່ງ ທີ່​ຄຸນ​ນະພາ​ບຕໍ່າ​ກວ່າ​ມາດຕະຖານ, ສ່ວນ​ນ້ຳມັນ​ຢູ່​ສາງ​ທີ່​ມີ​ຢູ່ ສາມາດ​ແຈກ​ຢາຍ​​ໄດ້​ພຽງ​ແຕ່ 80% ຂອງ​ຄວາມ​ຕ້ອງການ​ໃຊ້, ພ້ອມ​ກັບ​ຮຽກຮ້ອງ​ໃຫ້​ປະຊາຊົນ​ຊ່ວຍ​ກັນ​ປະຢັດ​ການ​ໃຊ້​ນ້ຳມັນ​ເຊື້ອ​ໄຟ.

ລາຍ​ງານ​ລະບຸ​ວ່າ: ບໍ່​ມີ​ການ​ຂາດ​ເຂີນ​ສຳລັບ​ນ້ຳມັນ​ກາ​ຊວນ ທີ່​ໃຊ້​ໂດຍ​ລົດ​ໂດຍສານ ​ເຊິ່ງ​ເປັນ​ຮູບ​ແບບ​ຂອງ​ການ​ຂົນ​ສົ່ງ​ສາທາລະນະ​ທີ່​ໄດ້​ຮັບ​ຄວາມ​ນິຍົມ​ຫລາຍ​ທີ່​ສຸດ​ໃນ​ປະ​ເທດ​ສີ​ລັງກາ.

error: Content is protected !!