ເລີ່ມລົງມືກໍ່ສ້າງຕຶກປິ່ນປົວພະສົງທີ່ໂຮງໝໍເມືອງອຸທຸມພອນ
ພິທີວາງສີລາເລິກໂຄງການກໍ່ສ້າງຕຶກປິ່ນປົວພະສົງ ທີ່ໂຮງໝໍ ເມືອງອຸທຸມພອນ ແຂວງສະຫວັນ ນະເຂດໄດ້ຈັດຂຶ້ນໃນເຊົ້າວັນທີ 1 ພະຈິກນີ້, ຢູ່ທີ່ເດີ່ນໂຮງໝໍດັ່ງກ່າວ ໂດຍການເຂົ້າຮ່ວມຂອງຍາທ່ານ ສົມບູນ ສີລິປັນໂຍ ກຳມະການ ສູນກາງແນວລາວສ້າງຊາດ ປະ ທານ ອພສ ແຂວງສະຫວັນນະ ເຂດ, ຍາທ່ານ ຄຳກ້ອນ ໂພທິ ລາດ ປະທານ ອພສ ເມືອງ, ອຳ ນາດການປົກຄອງບ້ານ ແລະ ມວນຊົນເຂົ້າຮ່ວມເປັນຈຳນວນຫລາຍ.
+ ແຂວງບໍ່ແກ້ວຖືເອົາ 9 ໂຄງການພັດທະນາແຫລ່ງທ່ອງທ່ຽວບຸລິມະສິດ
+ ທີມວີລັນນັກແລ່ນມາລາທອນມອບເງິນການກຸສົນໃຫ້ໂຮງໝໍເພື່ອນເດັກ
ໃນພິທີ, ທ່ານ ບຸນເຫລື່ອມ ລາຊະພົນ ປະທານແນວລາວ ສ້າງ ຊາດເມືອງໃຫ້ຮູ້ວ່າ: ເມືອງ ອຸທຸມ ພອນປະກອບມີ 70 ບ້ານ, ມີພົນລະເມືອງ 91.655 ຄົນ, ຍິງ 46.028 ຄົນ, ມີວັດ 94 ແຫ່ງ, ມີພະສົງ-ສາມະເນນ ທັງໝົດ 361 ອົງ, ແມ່ຂ່າວ 10 ຕົນ, ພໍ່ຂ່າວ 4 ຕົນ, ມີໂບດ 2 ແຫ່ງ, ມີ ນັກບວດ 7 ຄົນ, ຍິງ 3 ຄົນ. ໃນ 6 ເດືອນຕົ້ນປີນີ້ມີ ຄົນເຈັບເຂົ້ານອນໂຮງໝໍເຖິງ 1.143 ເທື່ອຄົນ, ທຽບໃສ່ປີ ຜ່ານມາເຫັນວ່າການເຂົ້າໃຊ້ ບໍລິການຢູ່ໂຮງໝໍ ເມືອງດັ່ງກ່າວ ນັບມື້ນັບສູງຂຶ້ນ, ແຕ່ສະຖານ ທີ່ຮັບບໍລິການຂອງ ໂຮງໝໍຍັງ ຕອບສະໜອງຄວາມຮຽກຮ້ອງ ຕ້ອງການນັ້ນບໍ່ໄດ້ ໂດຍສະເພາະ ແມ່ນສະຖານທີ່ປິ່ນປົວພະສົງ- ສາມະເນນ, ຈາກບັນຫາດັ່ງກ່າວ ນີ້, ທາງຄະນະ ອພສ ເມືອງໄດ້ ສົມທົບກັບຄະນະນຳເມືອງ ແລະ ອຳນາດການປົກຄອງບ້ານ ເປັນ ເອກະພາບພ້ອມພຽງກັນຊອກ ແຫລ່ງທຶນ ເພື່ອນຳມາສ້າງຕຶກ ປິ່ນປົວ ດັ່ງກ່າວ, ຄາດວ່າຈະ ໃຫ້ ສຳເລັດໃນປີ 2019. ເຊິ່ງຈະ ສ້າງເປັນອາຄານຊັ້ນດຽວມຸງ ກະເບື້ອງ, ມີ 7 ຫ້ອງນອນ ແລະ ຫ້ອງນ້ຳລວມມູນຄ່າການກໍ່ ສ້າງ ທັງໝົດປະມານ 5 ຮ້ອຍລ້ານ ກວ່າກີບ.
