ມາເລເຊຍ ເຫັນດີຈະປັບຂຶ້ນເງິນເດືອນພະນັກງານລັດຖະກອນ ເລີ່ມແຕ່ວັນທີ 1 ທັນວາ 2024 ນີ້
August 17, 2024 - 4:18 PM
ຂ່າວຕ່າງປະເທດລາຍງານວັນທີ 17 ສິງຫາ 2024 ວ່າ: ທ່ານ ນາຍົກລັດຖະມົນຕີ Anwar Ibrahim, ຂອງມາເລເຊຍ ປະກາດໂຄງການຍົກລະດັບເງິນເດືອນຂອງພະນັກງານລັດຖະກອນ 1,6 ລ້ານຄົນ ຈະເລີ່ມແຕ່ວັນທີ 1 ທັນວາ 2024 ນີ້.
ທ່ານ Anwar ກ່າວວ່າ ພະນັກງານລັດຖະກອນໃນຕໍາແໜ່ງບໍລິຫານລະດັບສູງ ແລະ ພະນັກງານລັດຖະກອນໃນຕໍາແໜ່ງວິຊາສະເພາະຈະໄດ້ຮັບການເພີ່ມເງິນເດືອນ 7%. ແລະ ລະດັບຜູ້ບໍລິຫານຈະໄດ້ຮັບເງິນເດືອນເພີ່ມຂຶ້ນປະມານ 15% ລວມລາຍຮັບຂອງພະນັກງານລັດຖະກອນທັງໝົດຈະເພີ່ມຂຶ້ນລະຫວ່າງ 16,8 – 42,7% (ຄ່າແຮງຂັ້ນຕໍ່າ 7,120,000 ກີບ ຕໍ່ເດືອນ).
ການປັບຂຶ້ນເງິນເດືອນພະນັກງານໃນຄັ້ງນີ້ຄາດວ່າ ລັດຖະບານມາເລເຊຍຕ້ອງໃຊ້ງົບປະມານຫລາຍກວ່າ 10,000 ລ້ານຣິງກິດຕໍ່ປີ (ປະມານ 49,800 ຕື້ 700ລ້ານກວ່າກີບ), ສ່ວນລາຍລະອຽດຈະປະກາດໃນແຜນງົບປະມານປີ 2025.
