ການເງິນແຂວງເຊກອງຮັບຮອງເອົາ 3 ໜ່ວຍພັກເປັນໜ່ວຍພັກແຂງຮູ້ນຳພາຮອບດ້ານ
ວັນທີ 3 ພະຈິກ 2017 ພະ ແນກການເງິນ ແຂວງ ເຊກອງ ໄດ້ຈັດພິທີຮັບຮອງເອົາໜ່ວຍ ພັກພະແນກສ່ວຍສາອາກອນ, ໜ່ວຍພັກພະແນກການເງິນ ແລະ ໜ່ວຍພັກຄັງ ເງິນຫ້ອງບັນຊີເປັນ ໜ່ວຍພັກແຂງຮູ້ນຳພາຮອບ ດ້ານໂດຍແມ່ນສະຫາຍ ສີດາ ສຸວັນນະສາຍ ຮອງເລຂາພັກ ແຂວງ, ຮອງເຈົ້າແຂວງເຊກອງ ເປັນຜູ້ມອບ.
+ ເຜີຍແຜ່ເອກະສານການຈັດຕັ້ງ ແລະ ການເຄື່ອນໄຫວ ຂອງຂະແໜງການເງິນໃຫ້ 4 ແຂວງພາກເໜືອ
+ ພາກສ່ວນກ່ຽວຂ້ອງເຄື່ອນໄຫວກວດສອບ ຄຸນນະພາບຂອງນ້ຳມັນເຊື້ອໄຟໃນແຂວງເຊກອງ
ໃນພິທີດັ່ງກ່າວ ຜູ້ຕາງໜ້າ 3 ໜ່ວຍພັກໄດ້ຜັດປ່ຽນກັນຂຶ້ນ ລາຍງານການປະຕິບັດແຜນກໍ່ ສ້າງໜ່ວຍພັກແຂງຮູ້ນຳພາ ຮອບດ້ານປະຈຳປີ 2016 ເຊິ່ງ ຍາມໃດຄະນະໜ່ວຍພັກ ກໍໄດ້ ເອົາ ໃຈໃສ່ສຶກສາອົບຮົມການເມືອງ ແນວຄິດໃຫ້ສະມາຊິກພັກຢ່າງ ເປັນປົກກະຕິຕໍ່ເນື່ອງໄປພ້ອມໆ ກັບການດຳເນີນຊີວິດການ ເມືອງພາຍໃນພັກຕິດພັນກັບ ການກວດກາຕີລາຄາໜ່ວຍພັກ ແຂງຮູ້ນຳພາຮອບດ້ານຜ່ານ ການຊີ້ນຳໆ ພາຂອງໜ່ວຍພັກ ແລະ ຄວາມເອົາໃຈໃສ່ປະຕິບັດ ໜ້າທີ່ວຽກງານວິຊາສະເພາະ ຂອງສະມາຊິກພັກກໍຄືພະ ນັກງານ- ລັດຖະກອນຕາມພາລະ ບົດບາດ, ຂອບເຂດສິດ ແລະ ໜ້າທີ່ຄວາມຮັບຜິດຊອບ ຂອງ ຕົນ ເຊິ່ງໃນສົກປີ 2015-2016 ຜ່ານມາ ສາມາດເກັບລາຍຮັບ ເຂົ້າງົບປະມານໄດ້ 76 ຕື້ກວ່າ ກີບເທົ່າກັບ 125,26% ຂອງ ແຜນປີ, ໃນນີ້ ໄດ້ຈາກສ່ວຍສາ ອາກອນ 55,8 ຕື້ກວ່າກີບ, ຊັບ ສິນຂອງລັດ 7,8 ຕື້ກວ່າກີບ, ລາຍຮັບວິຊາການ 2,8 ຕື້ກວ່າ ກີບ, ພາສີ (ດ່ານ ທ້ອງຖິ່ນດ່ານ ປະເພນີ)1 ຕື້ກວ່າກີບ ແລະ ລາຍ ຮັບຈາກຄ່າທໍານຽມນໍາໃຊ້ທີ່ດິນ 931 ລ້ານກວ່າກີບ.
ເພື່ອຢັ້ງຢືນຜົນງານ ດັ່ງ ກ່າວ ສະຫາຍ ເລຂາຄະນະພັກ ຮາກຖານ, ຫົວໜ້າພະແນກການ ເງິນແຂວງ, ໄດ້ຂຶ້ນຜ່ານມະຕິ ຕົກລົງຂອງຄະນະປະຈຳພັກ ແຂວງວ່າດ້ວຍການຮັບຮອງ ເອົາ 3 ໜ່ວຍພັກດັ່ງກ່າວເປັນ ໜ່ວຍພັກແຂງຮູ້ນຳພາຮອບ ດ້ານປະຈຳປີ 2016 ແລະ ມະຕິ ຕົກລົງຂອງຄະນະປະຈຳພັກ ແຂວງວ່າດ້ວຍການມອບບັດ ໃຫ້ ສະມາຊິກພັກສົມບູນທີ່ສັງກັດ ຢູ່ໜ່ວຍພັກພະແນກການດັ່ງກ່າວ ຈຳນວນ 6 ສະຫາຍ.
